"Mövsümün ilk matçında qolla yanaşı, məhsuldar ötürmə də verdim"

09.08.2016 | 2616 dəfə oxunub

Azərbaycan Premyer Liqanın I turunun “Qəbələ” - “Kəpəz” oyunu “qırmızı-qaralar”ın gənc futbolçusu Tellur Mütəllimov üçün uğurlu alınıb. 

Stadium.Az xəbər verir ki,  “Qəbələ” Futbol Akademiyasının yetirməsi meydana sonradan daxil olsa da, “qırmızı-qaralar”ın 2:0 hesablı qələbəsində böyük pay sahibi olub. Qarşılaşmada hesabı açmaqla əsas komandada ilk qolunu vuran 21 yaşlı yarımmüdafiəçi 2-ci topun məhsuldar ötürməsinin müəllifi olub. Tellur görüş haqda fikirlərini gabalafc.az-a açıqlayıb: 

“Oyuna çıxmağa tam hazır olsam da, açığı, meydana belə erkən daxil olacağımı gözləmirdim. Rəşad Sadiqovun zədələnməsindən sonra baş məşqçimiz mənə şans verdi. Mənə etimad göstərdiyi üçün məşqçilərə təşəkkür edirəm. Etimadı doğrultmaq üçün əlimdən gələni etdim. Bunun necə alınmasını isə deyə bilmərəm. Kənardan, xüsusilə də məşqçilər oyunuma daha yaxşı qiymət verə bilər. Düzdür, səhvlərim də oldu ki, onların üzərində hələ çalışmalıyam. Vacib olan komandamızın qələbəsi idi. Sevinirəm ki, qalib gəlib, meydandan 3 xalla ayrıldıq. Əsas komandada qol hesabımı açdım. Həmin epizodda ötürmə alandan sonra yalnız qol vurmaq, komandamı hesabda irəli çıxarmaq haqda düşünüb, bütün fikrimi buna yönəltmişdim. Həmin an dəqiq oynayıb, ilk qolumu vurdum. Bu, bütün komandanın əməyidir. 

Mövsümün ilk matçında qolla yanaşı, məhsuldar ötürmə də verdim. Bu gün şanslı günümdə idim. İlk qələbəmizi qazandıq, indi belə startın davamını gətirmək haqda düşünürük. Özüm də ilk qolumu vurduqdan sonra növbəti qələbələrdə pay sahibi olmaq istəyirəm. Şans qazansam, etimadı doğrultmağa, oyunum və qollarımla komandanın uğuruna kömək etməyə çalışacağam. Qarşıda “İnter”lə çətin matçımız var. Həmin görüşdə də oynamaq şansı qazansam, bütün bacarığımı ortaya qoyacağam. Hələ gəncəm, potensialımı daha da artırmaq üçün üzərimdə çox çalışmalıyam”.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail