"Ona dekabra kimi vaxt vermişik ki, özünü göstərsin"

27.09.2016 | 2559 dəfə oxunub

"Oyundan razı qalsam da, nəticədən razı qalmadım. Biz düzgün yoldayıq. Əvvəlki oyunlara nəzərən inkişaf görünür. Ancaq komandada görülməli çox iş var. Rəqibi təbrik edirəm".

Stadium.Az xəbər verir ki, bunu "Neftçi"nin yeni baş məşqçisi Elxan Abdullayev "Sumqayıt"a 1:2 hesabı ilə uduzduqları Azərbaycan Premyer Liqasının VI tur matçından sonra mətbuat konfransında deyib.

46 yaşlı mütəxəssisin fikrincə, uğurlu nəticələrin qazanılması üçün səbr etmək lazımdır:

"Hələ bilmirəm nə qədər səbr lazımdır".

Abdullayev komandadakı çatışmazlıqlara da toxunub: 

"İstəməzdim ki, kimisə tənqid edim. Yerli və legionerlər arasında fərq qoymaq niyyətində deyiləm. Çünki oynayan bütöv komandadır. Komandada ustalıq, təcrübə yoxdur. Hər bir futbolçunun öz problemi var. Biri fiziki, taktiki cəhətdən zəifdir. Öz oyunumuzu yavaş-yavaş tapırıq". 
 
Baş məşqçi hesabı "Neftçi"nin açmasına baxmayaraq, qələbəni əldən vermələrini belə izah edib:

"Burada bir neçə səbəb var. Qol vurandan sonra müdafiədə kobud səhv buraxdıq. Son 20 dəqiqədə komanda yaxşı oynadı. Ancaq hesabı qoruyub saxlaya bilmədik. Əvvəlcədən son 20 dəqiqədəki kimi oynayasaydıq, hesab başqa cür olardı".
 
Komandaya cəlb olunmuş yeni məşqçi Aleksandr Deriberin və futbolçu Tərzin Cahangirov barədə danışan Abdullayev deyib:

"Yeni məşqçi Pro kateqoriyasına malik olan mütəxəssisdir. Onunla komandanın zəif nöqtələri barədə söhbət etmişik. Ancaq hazırda dəqiq heç nə yoxdur. Cahangirova gəldikdə, ona dekabra kimi vaxt vermişik ki, özünü göstərsin. Premyer Liqa klublarında təcrübəsi olan futbolçudur. İnanırıq ki, bizə xeyri dəyəcək".



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

29.05.2020

28.05.2020

27.05.2020

26.05.2020

24.05.2020

12:34  Günün oyunlarına necə baxaq? - TV AFİŞA

22.05.2020

   
  O Q H M T-f X
1. Qarabağ 17 11 5 1 31-7 38  
2. Neftçi 16 7 6 3 23-12 27  
3. Keşlə 16 7 5 4 20-14 26  
4. Sumqayıt 17 6 4 7 21-23 22  
5. Zirə 17 5 5 7 20-29 20  
6. Sabah 17 5 4 8 19-23 19  
7. Səbail 17 5 3 9 14-26 18  
8. Qəbələ 17 3 4 10 18-32 13  
08.02Qarabağ 0-0Neftçi
08.02Sumqayıt 1-0Zirə
07.02Sabah 3-2Qəbələ
07.02Keşlə 0-1Səbail
15.02Zirə -Qarabağ
15.02Sumqayıt -Sabah
16.02Neftçi -Keşlə
16.02Səbail -Qəbələ