Vurğun Hüseynov: "Bir klubda 100 oyun keçirmək böyük işdir"

23.02.2017 | 1502 dəfə oxunub

Premyer Liqada 3 tur bundan əvvəl "Sumqayıt"ın heyətində 100-cü oyununu keçirmiş kapitan Vurğun Hüseynov AZAL üzərindəki qələbəni şərh etməklə yanaşı, növbəti turda "Zirə" ilə baş tutacaq oyun haqqında da fikirlərini bildirib. 

Stadium.Az xəbər verir ki, kapitan klubun saytına açıqlamasında bu turda baş tutacaq görüşün vacibliyindən danışıb: "AZAL-la oyunun çətin keçəcəyini əvvəlcədən bilirdik. Bu səbəbdən oyuna olduqca ciddi hazırlaşmışdıq. Bütün kollektiv olaraq 3 xalı qazanıb yenidən turnir cədvəlinin 4-cü pilləsinə yüksəlməyi qarşımıza məqsəd qoymuşduq. Açığı, oyun istədiyimiz kimi alınmadı. Uşaqlarda həyacan hiss olunurdu. Buna baxmayaraq, çətinliklə də olsa 3 xalı qazandıq. İndi bizi qarşıda daha çətin rəqib gözləyir. Səfərdə "Zirə" ilə oyunumuz var. Artıq bu oyunun hazırlığına bu gündən başlamışıq. "Zirə"nin gücü hamıya məlumdur. Düzdür, ilk iki dövrənin hər iki oyununda onlara qalib gəlmişik. Amma bu qarşılaşma hər iki komanda üçün daha vacibdir. Altı xallıq oyundur desəm, yanılmaram. Bütün kollektiv olaraq bu oyuna köklənmişik. İnşallah, "Zirə" səfərdindən sərfəli nəticə ilə qayıdarıq".

Vurğun Hüseynov "Sumqayıt"dakı ümumi vəziyyətə də aydınlıq gətirib. O, çempionatın sonlarına yaxın bütün oyunların çətin keçəcəyini bildirməklə yanaşı qazanılan uğurlu nəticələrin heyətdə yer alan gənc futbolçuların püxtələşməsində önəmli olduğunu da vurğulayıb: "Allaha şükür, klubumuzda vəziyyət stabildir. Sponsor və rəhbərliyin səyləri nəticəsində heç bir problemimiz yoxdur. Komanda olaraq sırf futbolu düşünürük. Bu da bizə oyunlara daha yaxşı köklənməyə səbəb olur. Qarşıda olduqca çətin 9 tur var. Uğurlu nəticə qazanmaq istəyiriksə, bütün komanda olaraq var qüvvəmizlə çalışmalıyıq. Heyətimizdə yer alan gənclərin irəliləyişi üçün nəticə önəmlidir. Uzun marafonun qalan hissəsini də uğurla başa vurub istədiyimiz nəticəyə nail olarıq".

Üç ildən çoxdur "Sumqayıt"da çıxış edən Hüseynov 100-lər siyahısına düşdüyü üçün çox şad olduğunu deyib. Qeyd edək ki, karyerası ərzində "Turan" və "Qəbələ"nin şərəfini qorumuş futbolçu 14 dəfə də Azərbaycan millisinin formasını geyinib. "Sumqayıt"ın onun üçün bir ailə olduğunu deyən Vurğun azarkeşlərə də təşəkkür etməyi unutmayıb:

"Hamıya məlumdur ki, Tovuz futbol məktəbinin yetirməsiyəm. Karyeram ərzində "Turan" və "Qəbələ"də çıxış etmişəm. 2013-cü ildə isə "Sumqayıt"dan təklif aldım və qəbul etdim. Bu klubun heyətində həmin ilin avqustun 4-də "Xəzər Lənkəran"la oyunda debüt etmişəm. Həqiqətən bir klubda 100 oyun keçirmək böyük işdir və hər bir futbolçuya nəsib olmayan bir hadisədir. Çünki, bu günə qədər çıxış etdiyim heç bir klubda 100 oyuna çıxmamışdım. "Sumqayıt" artıq mənim ailəmdir. Bu şəhər daim böyük futbolçular yetişdirib. Bu klubun heyətində yer alan gənc futbolçuların yetişməsində az da olsa əməyim olduğuna görə çox sevinirəm. Bir kapitan olaraq, klubum üçün daha böyük işlər görməyə hazıram. Bu şəhərin komandası və azarkeşləri daha böyük uğurlara layiqdir. Allahın köməkliyi ilə "Sumqayıt" olaraq, daha böyük uğurlar qazanıb azarkeşlərimizi sevindirərik. Yekunda buradan bütün azarkeşlərimizə səslənərək bizi hər oyunda dolu tribunalarda dəstəklədikləri üçün təşəkkür edirəm".

Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

22.11.2017

10:51  "Qarabağ" "Çelsi"ni qəbul edir - YENİLƏNİR

02:37  APOEL - “Real” - 0:6 VİDEO

21.11.2017

20.11.2017

16:11  Günün oyunlarına necə baxaq? - TV AFİŞA

13:42  Morata niyə belə edir? - FOTO

19.11.2017

18:53  "Qəbələ" "Neftçi"yə qalib gəldi - YENİLƏNİB

16:23  "Neftçi" - "Qəbələ" - HEYƏTLƏR

14:22  Günün oyunlarına necə baxaq? - TV AFİŞA

01:05  "Neftçi" - "Qəbələ": 41-ci duel - STATİSTİKA

18.11.2017

22:19  PSJ - "Nant" - 4:1 VİDEO

   
  O Q H M T-f X
1. Qarabağ 10 8 1 1 17:4 25  
2. Zirə 11 7 3 1 19-8 24  
3. Qəbələ 11 7 1 3 16:11 22  
4. Sumqayıt 11 5 1 5 14:15 16  
5. Neftçi 11 4 1 6 12-11 13  
6. Səbail 10 3 0 7 6-16 9  
7. Keşlə 11 2 2 7 8:17 8  
8. Kəpəz 11 2 1 8 7-17 7  
15.10Səbail ---Neftçi
14.10Sumqayıt 0-1Qəbələ
14.10Zirə 3-0Kəpəz
13.10Keşlə 0-2Qarabağ
20.10Səbail -Keşlə
21.10Sumqayıt -Zirə
21.10Kəpəz -Neftçi
22.10Qəbələ -Qarabağ