Karyerasını bitirən Mahir Şükürov - MƏQAMLAR

08.05.2017 | 3673 dəfə oxunub

“Neftçi” klubunun daha bir futbolçusunun taleyinə aydınlıq gəlib. Stadium.Az xəbər verir ki, Mahir Şükürov gələn mövsümdən “ağ-qaralar”ın formasını geyinməyəcək.

Belə ki, millinin sabiq üzvü karyerasını bitirmək qərarına gəlib. Bunu əməkdaşımızla söhbətində “Neftçi”nin baş məşqçisi Elxan Abdullayev də təsdiqləyib.

O bildirib ki, Şükürov bundan sonra məşqçi kimi fəaliyyət göstərəcək: “Mahir karyerasını bitirdi. O, bundan sonra aşağı yaş qrupu komandalarımızdan birini çalışdıracaq. Təbii ki, məşqçilik kateqoriyası üçün oxumağa da göndəriləcək”.

Mahir Şükürov milli komandanın heyətində 76 oyun keçirib, 4 qola imza atıb.

35 yaşlı müdafiəçi 18 illik peşəkar karyerasına 1999/2000 mövsümündə start verib.

Həmin vaxt doğma Sumqayıtda “Kimyaçı”nın şərəfini qoruyan gənc müdafiəçi sonradan uzun müddət diqqətdən kənar qalıb. 2003/04 mövsümündə şəhərin digər klubu “Gənclərbirliyi”ndə peyda olan futbolçu milli komandaya da I liqa təmsilçisindən çağırılıb.

Sumqayıtda başlayan yol “Neftçi”, “Şəfa”, “İnter”, AZAL, “Karvan”, “Xəzər Lənkəran”, “Qəbələ”dən də keçib. Ölkəmizdə 9 klubun şərəfini qoruyan müdafiəçi 3 dəfə legioner həyatı yaşamağa cəhd edib.

2004-cü ildə “Antalyaspor”, 10 il sonra “Karşıyaka”ya keçən Şükürov Türkiyədə uzun müddət duruş gətirməyib. Rusiyada “Anji”də oynamış müdafiəçi şimal qonşularımızın çempionatında da 1 ildən çox qalmayıb. Ümumiyyətlə 18 ildə 12 klubda çıxış edən futbolçu heç yerdə iki ildən artıq qalmayıb.

Bu qədər müddətdə belə çox komanda dəyişməsinə baxmayaraq, Mahir Premyer Liqada o qədər də çox oyun keçirməyib. Müdafiəçi yüksək dəstədə cəmi 219 matça çıxıb. Onun ən çox matçda formasını geyindiyi komanda “Neftçi”di. Şükürov burada 89 görüşdə oynayıb. Çempionatda 6 qol vuran futbolçu bu toplardan 4-nə “ağ-qaralar”ın heyətində imza atıb.

O, klub karyerasında ən böyük uğuruna 2012/13 mövsümündə imza atıb. “Neftçi” ilə Avropa Liqasının qrupuna yüksələn futbolçu həmin mövsümü “Qızıl dubl”la başa vurub. Bu uğurlar onun yeganə çempionluğu və yeganə kubokudu.

Əslində, Mahir ikinci dəfə karyerasını başa vurub. Onun ilk vidası 2015-ci ilin yayında olub. “Karşıyaka”dan sonra futboldan uzaqlaşan müdafiəçi 2016-cı ilin payızında yenidən “Neftçi”də peyda olub.

Şükürov Azərbaycan yığmasında ən çox oyun keçirənlərdən biridi. I liqadan milliyə çağırılan azsaylı futbolçulardan biri kimi tarixə düşən müdafiəçi burada 76 matça çıxıb. O, yalnız Rəşad Sadıqov və Aslan Kərimovdan geri qalır. İlk “üçlük”də yer alan arxa xətt oyunçusu 4 qol da vurub. Bu toplardan ikisi penaltidən vurulub.

Yığmada son matçını 2014-cü ildə keçirən Mahir qollarından ikisini seçmə, ikisini yoxlama görüşündə rəqib qapısından keçirib. AVRO-2012-nin seçmə mərhələsində Qazaxıstanı məyus edən futbolçu DÇ-2014 yolunda son matçda Şimali İrlandiyanın qapısına yol tapıb. Sinqapurla Hindistan isə yoxlama matçlarında onun qoluna şahidlik edib.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

02.06.2020

01.06.2020

12:12  Günün oyunlarına necə baxaq? - TV AFİŞA

30.05.2020

21:35  Depay sağalıb

29.05.2020

28.05.2020

27.05.2020

   
  O Q H M T-f X
1. Qarabağ 17 11 5 1 31-7 38  
2. Neftçi 16 7 6 3 23-12 27  
3. Keşlə 16 7 5 4 20-14 26  
4. Sumqayıt 17 6 4 7 21-23 22  
5. Zirə 17 5 5 7 20-29 20  
6. Sabah 17 5 4 8 19-23 19  
7. Səbail 17 5 3 9 14-26 18  
8. Qəbələ 17 3 4 10 18-32 13  
08.02Qarabağ 0-0Neftçi
08.02Sumqayıt 1-0Zirə
07.02Sabah 3-2Qəbələ
07.02Keşlə 0-1Səbail
15.02Zirə -Qarabağ
15.02Sumqayıt -Sabah
16.02Neftçi -Keşlə
16.02Səbail -Qəbələ