"Neftçi"nin prezidenti qızılına qovuşdu
Unibank Premyer Liqasının 2010/11 mövsümünün qalibi olan "Neftçi" bu ilin noyabrında qızıl medallarla təlfit olunmuşdu. Stadium.az xəbər verir ki, həmin müddətdə "Neftçi"nin prezidenti Sadıq Sadıqov müqəddəs Həcc ziyarətində olduğundan, futbolçu Rodriqinyo isə Braziliyada əməliyyat olunduğundan, mükafatlandırma mərasimində iştirak edə bilməmişdilər.
Buna görə də həm klub rəhbəri, həm də braziliyalı yarımmüdafiəçi qızıl medallara məhz bu gün, "Neftçi" yenidən turnir cədvəlinin zirvəsində qərarlaşdığı bir zamanda qovuşublar. Klubun bazasında baş tutan tədbirdə Sadıqova qızıl medalı komandanın adından "Neftçi"nin kapitanı Rail Məlikov təqdim edib.
Komandanın üzvləri bununla bağlı fikirlərini klubun rəsmi saytına bildiriblər:
Rail Məlikov: "Klub prezidentimiz hər matça ən azı bizim qədər həssas yanaşır. Bizimlə birgə sevinir və kədərlənir. Sadıq Sadıqovun rəhbərliyi ilə "Neftçi"nin 6 illik çempionluq həsrətinə son qoyuldu. İnşallah, uğurumuzu bu il də davam etdirərik".
Rodriqinyo: "Neftçi"nin rəhbərliyi həmişə futbolçulara xüsusi diqqət və qayğı ilə yanaşırlar. Bu gün bunu bir daha gördüm. Vətənim Braziliyada əməliyyat olunduğum üçün mükafatlandırma mərasiminə qatıla bilməmişdim. Bununla belə, medalsız qalmadım. Bu gün klub prezidenti özü şəxsən medalı mənə təqdim elədi. Buna görə özümü çox xoşbəxt hiss edirəm".
Ruslan Abışov: "Çempionluqda təkcə biz futbolçuların deyil, klub rəhbərliyi və məşqçilər heyətinin də əməyi böyükdü. Əldə olunmuş istənilən qələbədə prezidentimiz Sadıq Sadıqovun zəhməti və qayğısı var".
Flavinyo: "Bu gün bizim üçün çox əhəmiyyətli gündür. Çempionluq sevincini yenidən bölüşdük. Çox istərdim ki, bu il çempionluqla yanaşı, ölkə kubokunun da qalibi olaq".
İqor Mitreski: "Çempion olmaq çətindir, bu titulu qoruyub saxlamaq isə daha çətindir. Çalışacağıq ki, uğurun davamı gəlsin. Bu il də qızıl medallara sahib olub avrokuboklarda uğurlu çıxış edərək, azarkeşlərimizi sevindirmək istəyirik".
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |