Qra Qarayev: "Vallah, təklif yoxdu" - MÜSAHİBƏ

18.02.2018 | 2553 dəfə oxunub

"Qarabağ"ın yarımmüdafiəçisi Qara Qarayev "Səbail"lə çempionat matçından (1:0) sonra jurnalistlərin suallarını cavablandırıb:

- Əvvəlcə görüş haqda fikirlərinizi bilmək istərdik...

- Rəqiblər "Qarabağ"la oyuna xüsusi hazırlaşırlar. Çalışırlar ki, bizdən xal alsınlar. Biz də öz növbəmizdə hər görüşə yüksək motivasiya ilə çıxıb, qalib olmaq istəyirik. Məqsəd ən yaxın izləyicimizlə xal fərqini qoruyub saxlamaq idi. Çox şükür ki, istəyimizə çatdıq. Rəqiblər bizə qarşı aqressiya ilə oynayırlar. Həqiqətən də, işimiz zordu. Sanki biz daha ağır çempionatda oynayırıq, rəqiblərimiz isə yüngül çempionatda. Bu da normaldı. Lider olmağımız digər komandalarda bəzən qıcıq, bəzən həvəs, bəzən də istək yaradır. Gördüyünüz kimi, indi hər kəs futbol oynamağı bacarır. Artıq çempionatımızda böyükhesablı qələbə qazanmaq çətinləşib. Ən vacib 3 xal idi ki, buna da nail olduq.

- Son 2 oyunda meydana əvəzetmədən daxil olursuz. Bu nə ilə bağlıdı?

- Antalya toplanışının sonuncu günündə ayağımda möhkəm ağrılar oldu. Gözləmədiyim ağrılar idi. Zədə deyildi, yüklənmədən yaranmış problem idi. Bunu keçmişdim, amma yaxın günlərdə başqa nahiyəmdən zədə aldım. Buna görə də, "Səbail"lə matçda da gözləməli oldum. Zədələnmişdim deyə, baş məşqçi riskə getmək istəmirdi. Lakin mən heç olmasa əvəzetmədən oyuna daxil olmaq istədim.

- "Səbail"in oyunçuları çox aqressiv mübarizə aparırdılar. Bu, sizin üçün təhlükəli və ya qorxulu deyildi?

- Əslində, bu, bizə başqa komandaların da eyni cür oynayacağından xəbər verir. Biz də buna hazırıq. Çalışacağıq ki, bütün görüşlərdə nəticə qazanaq.

- Mahir Mədətov bugünkü matçda 2 real qol şansını qaçırtdı. "Qarabağ"dan ayrılan Dino Ndlovunun yoxluğu hiss olunurmu?

- Gedən oyunçu haqda "yeri görünür, bizə lazım idi" demək komandama sayğısızlıq olar. Gedibsə, deməli, baş məşqçimiz belə məsləhət görüb. O, bizdən daha yaxşı bilir. Amma sözsüz ki, Dinonun olması bizə kömək idi. Lakin onun yoxluğunun "Qarabağ"a problem yaratdığını düşünmürəm. 

- Avropadan təklif gəlmir, ya özünüz "Qarabağ"dan getmək istəmirsiz?

- Vallah, təklif yoxdu. Təklif olmuşdu. Amma mən qərar verməmişdən qabaq ölkəmi, milli komandamı fikirləşirəm. Gələn təklif bizim futbol adına yaxşı təklif deyildi. Mənə təklif göndərən komanda ilə müqayisədə "Qarabağ" hər il Avrokubokda qrup mərhələsində oynayır. Buna görə də, qalmalı olduğumu düşündüm.

Başqa təklif olsa, dəyərləndirmək istərəm. Təkliflərin az gəlməsinin çempionatımızda komanda sayının azlığı və ya başqa məqamla bağlı olduğunu bilmirəm. 3-4 il əvvəl olsaydı, aldığım təklifi dəyərləndirib, tramplin kimi istifadə edə bilərdim. Amma indi o yaşda deyiləm, oynamaq lazımdı. Heç kim zəmanət vermir ki, getsəm, necə olacaqdı? Burda ən azından stabil oynaya bilirəm.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

18.10.2019

16.10.2019

18:19  "Qarabağ" - APOEL görüşü - biletlər satışda

15.10.2019

19:22  Azərbaycan - İsveçrə -HEYƏTLƏR

14:06  "Ronaldo nə deyirdisə, hakim əməl edirdi" - Ukraynalı futbolçu

14:06  Bolqarıstan - İngiltərə görüşündə qalmaqal - oyun iki dəfə dayandırıldı

11:56  Kosovonun qələbəsi VİDEO

14.10.2019

12:03  Uelsdə ciddi itki - millimizlə görüşü buraxacaq

11:47  "Biz üzr istəməli deyilik" - Macar futbolçu

13.10.2019

22:00  Millimiz məğlub oldu - Yenilənib

18:41  Macarıstan - Azərbaycan -HEYƏTLƏR

08:37  İsveçdən darmadağın VİDEO

08:20  İtaliyanın qələbəsi VİDEO

12.10.2019

11.10.2019

01:14  Millimiz darmadağın oldu - Yenilənib

10.10.2019

09.10.2019

22:30  Millimiz Bəhreyni məğlub etdi - Yenilənib

20:09  Bəhreyn - Azərbaycan -HEYƏTLƏR

   
  O Q H M T-f X
1. Neftçi 26 16 7 3 59-19 60  
2. Qarabağ 26 18 6 2 47-22 55  
3. Səbail 26 12 5 9 33-29 41  
4. Qəbələ 26 9 9 8 30-29 36  
5. Sabah 26 7 6 13 20-37 27  
6. Zirə 26 6 7 13 24-39 25  
7. Sumqayıt 26 6 5 15 22-42 23  
8. Keşlə 26 5 5 16 24-41 20  
11.11Sumqayıt ---Keşlə
11.11Qəbələ ---Qarabağ
10.11Səbail ---Sabah
10.11Neftçi ---Zirə
24.11Qarabağ -Sabah
24.11Keşlə -Qəbələ
25.11Zirə -Sumqayıt
25.11Səbail -Neftçi