Samir Abbasov: "Hər şeyi sıfırdan başlayacağıq"

12.08.2021 | 4812 dəfə oxunub

"Düşünürəm ki, iki fərqli üslubda oynayan komandalar sabah yenə üz-üzə gələcək. Biz topla oynamağı və oyun qurmağı sevirik".

Stadium.Az "Report"a istinadən xəbər verir ki, bu fikirləri "Neftçi"nin baş məşqçisi Samir Abasov Finlandiyada HİK-ə qarşı keçirəcəkləri Avropa Liqasının III təsnifat mərhələsinin cavab oyunundan əvvəl mətbuat konfransında deyib.

43 yaşlı mütəxəssis rəqibin yaxşı pressinq edən kollektiv olduğunu bildirib: "HİK əks hücumlara yaxşı çıxan komandadır. Birinci matçda bunun şahidi olduq. Rəqib bizə ilk oyunda problemlər yaradıb. Sabah süni örtüklü meydanda oynayacağıq. Bunun bizim üçün nə qədər problem yaradacağını bilmirəm. Futbolçular özlərini yaxşı hiss edirlər. Komanda olaraq buraya niyə və hansı məqsədlər üçün gəldiyimizi bilirik. Yaxşı nəticə ilə qayıtmaq istəyirik".

Abasov artıq səfər qolu üstünlüyünün ləğv edildiyini söyləyib: "Bəlkə də Bakıdakı 2:2 hesablı nəticə bizə sərf etmir. Rəqibin baş məşqçisi bunun onlar üçün sərfəli nəticə olduğunu söyləmişdi. Sabah hər şeyi sıfırdan başlayacağıq. Yaxşı nəticə qazanmaq üçün döyüşməliyik. Yaxşı motivasiya və əhval-ruhiyyə ilə oyuna hazırlaşmışıq".

Baş məşqçinin sözlərinə görə sabah çox şeyi həll edə bilərlər: "Bizim üzərimizdə təzyiq yoxdur. Oyunun çətinliyini başa düşürük. İnanıram ki, sabah hər şey yaxşı olacaq. Heç bir qayğımız yoxdur. Bu görüşdə çox şeyə aydınlıq gələcək. Bu gün ümumiyyətlə qayğıdan danışmaq istəmirəm. Bu heyətlə Yunanıstan "Olimpiakos"una və HİK-ə qarşı oynamışıq. Sabah bütün Azərbaycanı təmsil edəcəyik. Bakıya yaxşı nəticə üçün qayıtmaq istəyirik".

Abasov rəqibin təşkilatçılığı haqqında da danışıb: "Otelin qabağında meydança versəydilər, hər nə olursa olsun məğlubiyyət pis təsir edəcəkdi. Uyğunlaşmağa görə səfərə iki gün əvvəl gəlməyi planlaşdırırdıq. Onların bizim üçün etdikləri, bizim etdiklərimizin yanında heçə bərabərdir. Biz bütün rəqiblər üçün şərait yaratmışıq. Biz süni örtüklü meydanda məşq etmək istədik, amma bizə elə meydan vermədilər. İnanmıram ki, bu, oyuna təsir edəcək. Sabah bir məqsəd üçün oynamalıyıq. Kənar amilləri qırağa qoymaq lazımdır".

Avqustun 12-də Helsinkidəki "Bolt Arena"da keçiriləcək qarşılaşma Bakı vaxtı ilə saat 20:00-da başlayacaq.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail