Ceyhun Sultanov: "O vaxt "Bakı"nı pula görə "Xəzər Lənkəran"a dəyişdim" MÜSAHİBƏ
Mövsümün əvvəlində "Kəpəz"dən
"Sumqayıt"a keçən Ceyhun Sultanovun karyerasını elə burada bitirəcəyini
gözləmək olardı. Ancaq Ceyhun burada da çox duruş gətirməyib çempionatın
iddialı klublarından olan "Qəbələ"yə üz tutdu. Təbii ki, çoxları bunu
gözləmirdi. Ceyhunla söhbətə də elə bu sualdan başladıq.
- Ceyhun, "Sumqayıt"ı "Qəbələ"yə dəyişməyin çoxları üçün gözlənilməz oldu. Necə alındı bu?
- "Qəbələ"nin baş məşqçisi Ramiz Məmmədovun
komandada görmək istədiyi futbolçular arasında mənim də adım olub. Klubun baş
meneceri Zaur Əzizov mənə zəng edərək dedi ki, baş məşqçi səni komandada görmək
istəyir. Mən də böyük məmnuniyyətlə qəbul etdim.
- Artıq komandanın bir üzvüsən. "Qəbələ"ni
necə gördün?
- Belə baxanda, pis komanda deyil. Hər bir şəraiti
var, hər şey öz qaydasındadır. Sadəcə, mən əsas heyətə düşmək uğrunda mübarizə
aparacam.
- Komandada səndan daha cavan və formada olan
futbolçular var. Əsas heyətə düşməyin çətin görünmür?
- Əlbəttə, çətin olacaq. Çünki heyətdə çox
yaxşı futbolçular var. Amma bu o demək deyil ki, onlar oynayacaq, mən kənarda
durub baxacam. Əksinə, limdən gələn qədər çalışacam ki, daha çox çalışım və əsas
heyətdə yer alım. Mən bura komandaya kömək etmək üçün gəlmişəm.
- Hazırda "Qəbələ"nin qarşısında
duran əsas məqsəd Avrokuboklara vəsizə qazanmaqdır. Səncə komandanın buna gücü
çatar?
- Qarşıda 4 oyunumuz var, hamısı bir birindən
çətin qarşılaşmalardır. Başqa yolumuz yoxdur, bu oyunlardan sərfəli nəticələr
qazanıb komandaya istədiyini vermək məcburiyyətindəyik. Əgər Avrokuboklara düşmək
istəyiriksə, əvvəlcə maksimum alışaraq "altılığ"a düşməliyik.
- Özündə bilirsən ki, bu komandanım hücümçu
problemi var. Hər oyun çoxlu sayda qol vəziyyəti yaratsalar da bundan istifadə
edə bilmirlər. Bu problemi yoluna qoya bilirlər? Yaxud da komandaya yaxşı
hücumçu lazımdırmı?
- Mən bura gələndən toplu çalışmalara
başlamamışıq. Məşqlərimiz əsasən fiziki hazırlıq üzrə gedir. Elə düşünürəm ki,
bu işlə baş məşqçimiz məşğldur və hücumçu lazım olarsa gətirər.
- Sən qaçmağı sevməyən, məşq etməyi isə
xoşlamayan futbolçulardansan. Ramiz Məmmədov isə bunun ikisini də sevən məşqçidir.
Necə yola gedəcəksiz?
- Məncə heç bir problem olmayacaq. Çünki hər
bir futbolçu yaşdaşdıqca daha çox qaçmalıdır ki, cavanlarla rəqabətə tab gətirə
bilsin. Cavan olanda deyirsən ki, əşşi, qaçaram da. Amma qocalanda belə deyil,
qaçmadınsa, deməli oynamayacaqsan. Çünki fiziki hazırlıq olmayanda futbolçu -
xüsusən də yaşlı oyunçu lap pis vəziyyətə düşür. Buna görə də, qaçmağa və məşq
etməyə məcburam. Cavan olsaydım, düşünərdim ki, problemim yoxdur, amma indi elə
deyil. Hətta indi ikiqat artıq işləməliyəm.
- Məşqlərdə yorulmursan ki?
- Nəinki mən, hamı yorulur.
- Yaxşı, hazırkı durumun nə yerdədir?
- İnşallah, çempionatda görəcəksiz.
- Çempionata "Sumqayıt"an baxırdın,
indi isə "Qəbələ"dən baxırsan. Çox fərqlilik var?
-Hələ baxmamışam, baxacam (gülür).
- Amma bu komandanın bir üzvüsən artıq...
- Bilirsiz, burada əsas fərqlilik komandaların
çempionatda olan iddialarıdır. Digər tərəfdən isə heç bir fərqlilik yoxdur. Sadəcə
onu deyə bilərəm ki, çox maraqlı çempionat keçir.
- Sənin keçmiş komandaların olan
"Bakı" və "Xəzər Lənkəran" ilk "altılıq"dan kənarda
qala bilərlər...
- Bu barədə bir söz danışmaq çox çətindir.
Çünki hər turda nələrsə ola və dəyişə bilər. Qarşıdakı oyunlarda bir komanda
yaxşı, bir komanda zəif çıxış edə bilər ki, bu da ikisindən birinin kənarda
qalmasıyla nəticələnər. Belə baxanda, indi ikisi də kənarda qala bilərlər. Buna
görə də, heç nə demək olmur.
- Ehtimala görə də, hansı daha şanslı görünür?
- İkisi də iddialı klubdur. Əllərindən gələni
edəcəklər ki, bunu bacarsınlar.
- Bəs "Qəbələ" bunu bacaracaq?
- Bayaq da deim ki, dörd çətin oyunumuz var.
Maksimum olaraq yaxşı nəticə qazanmalıyıq. Hazırkı vəziyyətə görə də hər şey öz
əlimizdədir.
- Fikirləşmirsən ki, iddialı "Qəbələ"yə
keçidin milliyə olan yolunu aça bilər?
- Mən bir neçə gün əvvəl bu barədə açıqlama
vermişdim və bir daha təkrar edirəm, daha milli komandada oynamayacam,
çağırsalar da, getməyəcəm.
- Amma hər bir futbolçu milli naminə qərarını
dəyişə bilər...
- Amma bu yaşda yox da... Mənim yerimə bir
cavan futbolçu gətirsələr, o, əsas omandaya daha çox xeyir verə bilər. Çünki
onun gələcəyi var, məndə isə gələcək bitib.
- Millidən söz düşmüşkən, necə düşünürsən,
milliyə dəvət alan gənc oyunçular əsas komandaya xeyir verə bilirlər?
- Özləri bilər. Yəqin xeyir verdiyini düşünürlər
deyə onlara bir daha şans verirlər də. Mən razıyam kimi çaqırırlar,
çaqırsınlar, amma o futbolçular da əsas milliyə xeyir verə bilsinlər də.
- "Qəbələ"dən başqa təkliflər vardı?
- Düzün danışsam, bura gəlməmişdən əvvəl
"Neftçi"nin baş məşqçisi Böyükağa Hacıyevlə görüşüb, danışmışdıq.
- Bəs nə rol oynadı ki, "Qəbələ"ni
seçdin?
- Nə bilim vallah, qismətdir də. Yəqin, qismətimdə
elə "Qəbələ"də oynamaq varmış.
- Ramiz Məmmədovun
baş məşqçiliyi altında ilk dəfə oynayacaqsan, amma Böyükağa Hacıyevlə birlikdə
İranda və "Bakı"da çalışmısan. Nə yaxşı bu amil qərarına təsir etmədi?
- Ramiz Məmmədovla da bir yerdə oynamışam.
Düzünə qalsa, "Qəbələ"ylə danışandan sonra Böyükağa müəllimlə söhbətim
olmuşdu.
- Amma bayaq dedin ki, "Qəbələ"dən əvvəl
Hacıyevlə danışmısan...
- Onunla yüngül söhbətim olmuşdu. "Qəbələ"ylə
danışandan sonra görüşdüm və dedim ki, bu komandaya gedirəm.
- Böyükağa Hacıyevin reaksiyası neə oldu?
- Sonuncu günə kimi mənə dedi ki, yaxşı fikirləşim,
amma mən burayla anlaşdım.
- Maddi məsələnin də "Qəbələ"yə keçməyində
rol oynadığını demək olar?
- Vallahi yox. Futbol oynayandan bir dəfə maddi məsələni üstün tutub səhv etmişəm və bunu ikinci dəfə təkrarlamaram. O vaxt "Bakı"nı pula görə "Xəzər Lənkəran"a dəyişdim və ən böyük səhvimi etdim. Orada neçə il əsas heyətdə oynamadım və bu da futbolçu karyerama böyük zərbə vurdu.
Söhbətləşdi: Elnur
"Het Trik news" qəzeti
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |