"Vüsal Əliyev Araza qırmızı vərəqə göstərəndə, şoka düşdüm" MÜSAHİBƏ
"Neftçi"nin məşqçisi Bəxtiyar Musayev Stadium.az-a müsahibə verib
- Araz
Abdullayevin qırmızı vərəqə epizodunda hakimlərə çox sərt şəkildə etiraz etdiniz...
- Epizod
düz bizim gözümüzün qabağında oldu. Təbii ki,
futbolda udmaq da var, uduzmaq da. 0:2 hesabı ilə geridə olmağımıza baxmayaraq,
oyunun çox hissəsi qarşıda idi. Necə olacağını söyləmək olmazdı. Ona görə də Araz
Abdullayev göstərilən qırmızı vərəqəni anlamadım. Orada nəinki vərəqə, heç cərimə
zərbəsindən belə söhbət gedə bilməzdi. Əvvəl elə bildim, sarı vərəqə göstərəcək.
Hələ sarı vərəqəyə etiraz etmək istəyirdim. Ancaq Vüsal Əliyev Araza qırmızı vərəqə
göstərəndə, şoka düşdüm.
- Vüsal
Əliyevin yanına gedib ona nə dediz?
- Mən
ona gördüyümü dedim. Dedim ki, Vüsal vallah qırmızıya yaxın bir şey də yoxdu.
Ona görə etirazımı bildirdim. “Qarabağ”ın kapitanı Rəşad Sadıqova da təşəkkürümü
bildirirəm. Eşitdiyim qədərilə Vüsal Əliyevə deyib ki, mümkündüsə qırmızı vərəqəni
ləğv elə 11 nəfərlə oynasın rəqib də.
- Sizcə,
ləğv edərdi?
- Gördüyüm
qədərilə Vüsal bir də yan xətt hakiminə yaxınlaşdı. Dəqiqliyi ilə deyə bilmərəm.
Amma deyəsən, Vüsal yan xətt hakiminə yaxınlaşdı ki, bəlkə ləğv edim. Yəni səhv
eləmirəmsə, belə söhbət oldu. Ancaq Rəşadın Vüsala dediyini dəqiq eşitdim.
- Konkret
deyirsiz ki, Araz Abdullayevə haqsız yerə qırmızı vərəqə göstərildi?
- Vallah
orada qırmızılıq heç nə yox idi. Epizod düz gözümün qabağında oldu. Neçə illərdi
futbol aləmindəyəm. Gördüyümü deyirəm. Mən hər şeydən əvvəl insanam. Niyə yalan
danışım ki? Həmin epizodlara bir də baxılacaq onsuzda. Mənim üçün insanlıq hər
şeydən üstündü.
- Ancaq
qırmızı vərəqə məğlub durumda olan “Neftçi”ni bir az da ruhdan saldı. Elədi?
- Qarşıda
yarım saat var idi. Futboldu, necə olacağını bilmək olmazdı. Lənkəranda da “Xəzər”i
2:0 udurduq, sonda bir xal qazana bildik. Yəni deməyim odu ki, qırmızı verilməsəydi
nəsə etmək olardı. Qırmızı vərəqə yersiz idi. Nə oldu, elə hər oyunda bizə
qırmızı vərəqə göstəriləcək? Qırmızıya qalsaydı, elə ilk dəqiqələrdə Riçard Almeyda
qovulmalı idi. Onun Nfora qarşı arxadan açıq-aşkar vurduğu zərbə tam qırmızılı
epizod idi. Baxaq görək qırmızı vərəqəyə o epizod yaxındı, yoxsa Arazın?
- Vüsal
Əliyevin bu oyunda “Neftçi”yə qərəzi var idi?
- Bahodir
Nasimovun penalti epizodu var idi. Orada şübhəli qaldım. Oyundan sonra ayağını
da göstərdi, şişmişdi. Özü də deyir ki, qapıçıları məni tapdaladı, həm də əli
ilə itələdi. Bir də bu qırmızı vərəqə epizodu. Onu da yan xətt hakimi elədi,
Vüsallıq bir şey yox idi.
- Son
oyunlarda qələbə qazana bilməməyinizdən sonra komandada psixoloji gərginlik var?
- Birdən-birə
dörd oyunçumuzun qırmızı vərəqə alması bizə təsir etdi. Sizə bir şeyi deyim də.
Mahir Şükürov ədəbsiz jest etdi və cəzasını aldı. Bir misal çəkəcəm, amma elə
bilməyin ki Mahirə haqq qazandırıram. Deməli, “Rəvan”-İnter” oyununda rəqibin
oyunçusu Laşa Salukvadze qol vurulandan sonra, çox biədəb hərəkət edir. Mahir əlini
göstərmişdisə, bu day demirəm nə etdi. “Rəvan” da bunu gördü. Niyə ona cəza verilmədi? Bir sıra “İnter”lilər bu cür tərbiyəsiz hərəkətlər
ediblər. Orada barmaq yox e, başqa şeylər olmuşdu. Mahir edib, böyük də səhv
edib. Ona haqq qazandırmıram. Sadəcə niyə, “Neftçi”yə qarşı cəzalar ağır, sərt
olmalıdı? Matçdan sonra rəqibin oyunçuları və məşqçiləri təbrik etdim. Rəqiblər
işimiz yoxdu. Hakimliklə bağlı etiraz edirik. Məsələn, Karlos Kardoso və Bruno
Bertuççiyə də “Xəzər Lənkəran”la matçda qırmızı verdilər. Sadəcə niyə məhz 4
oyun verdilər? Niyə 3 yox, 5 yox məhz 4 oyun? Baxsaq görərik ki, 4 oyun sonra
hansı komanda ilə oynayırıq. Yəni bunları araşdırmaq lazımdı.
- Appelyasiyaya
müraciət edəcəksiz?
- Mütləq.
Oyunun protokoluna da qeyd edəcəyik.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |