"Ağsu"nun futbolçusu üsyan etdi: "I Divizionda elə uşaqlar var ki, Premyer Liqamızdakı legionerlərdən ikiqat güclüdü" - MÜSAHİBƏ
"Ağsu"da çıxış edən Tanrıverdi Məhərrəmli Stadium.Az saytının suallarını cavablandırıb. Gənc yarımmüdafiəçi komandasının qarşıdakı mövsümə hazırlığından və hədəflərindən danışıb.
- "Ağsu" qarşıdakı mövsümə necə hazırlaşır?
- Mövsümə hazırlıq yaxşı gedir. Şükür Allaha, hər şey qaydasındadı. Lazımı qaydada məşqlərimizi edirik. Böyük həvəslə çempionatın startını gözləyirik.
- Komandanın bu mövsüm hədəfi nədən ibarətdi?
- Komandamız 3 ildi yaranıb və yarandığı il də çempion olub. Təbii ki, bu il də hədəfimiz yalnız çempionluqdu. İnşallah, bunu bacaracağıq. Çünki özümüzdə bu gücü hiss edirik.
- Komandada ümumi ab-hava necədi?
- Hazırda komandamızda yüksək atmosfer hökm sürür. Təbii ki, bu da bizim üçün əlavə üstünlükdü. Qeyd elədiyim kimi, hamımız çempionatın başlanmasını gözləyirik. İnşallah, çempionatda qələbələrimizi sıralayacağıq.
- Məşqçilərin sizinlə söhbəti olub? Əgər olubsa, onun sizlərə məsləhəti nə olub?
- Məşqçilər korpusu daim futbolçularla maraqlanır. Hər hansı bir oyunçunun problemi varsa, həmin problemin həlli üçün əllərindən gələni əsirgəmirlər. Təbii ki, bu da bizim bir ailə kimi olmağımızdan qaynaqlanır.
- Hər halda, I Divizionda ilk tura qələbə ilə başlamaq daha yaxşı olardı...
- Sizinlə razıyam. Əlbəttə, başlanğıc necə olsa, elə də davam edəcək. Məhz bu üzdən əsas məqsədimiz ilk turda qələbə qazanmaqdı. Çempionata qələbə ilə start verib, ardını gətirmək fikrindəyik.
- Ağsu çempion olduğu ildə Premyer Liqada çıxış etməli idi. Lakin AFFA-nın "inanılmaz" qərarı ilə bu baş tutmadı. Bu il də eyni halla rastlaşacağınızdan qorxmursuz ki?
- Bizim işimiz oynayıb yaxşı nəticə qazanmaqdı. Bundan başqa, biz məşqçilərin etimadını doğrultmaq istəyirik. Qalan işlər bizlik deyil.
- I Divizionda çempion olub Premyer Liqaya buraxılmamaq absurd və heç də bir futbolçu üçün arzuolunan deyil. Təsəvvür elə, mövsüm ərzində əzab-əziyyət çəkirsən, lakin sonda əziyyətini yerə çırpırlar. Ona görə səmimi olmağını xahiş edirəm...
- Təbii ki, hər kəs Premyer Liqada oynamaq istəyər. Biz də bunu arzulayırıq. Ancaq yenə deyirəm, bunlar bizə aid olan məsələ deyil. Biz meydanda mübarizə aparıb hədəfimizə nail olmağı düşünürük.
- Biraz da özündən danış. 22 yaşın var, ancaq hələ də Premyer Liqamızda debüt etməmisən. Səncə, buna nə mane olur?
- Vallah, insan nəsə edəndə ilk növbədə səhvi özündə axtarmalıdı. İnanıram ki, mən də nə vaxtsa, Premyer Liqada çıxış edəcəm. Sadəcə olaraq səbr etmək lazımdı.
- Ümumiyyətlə, Premyer Liqa klublarından bu vaxta kimi səninlə maraqlananı olubmu?
- Mənim bildiyim qədərilə, yox. Aşağı dəstədə iştirak edən futbolçulara maraq o qədər də çox deyil. Ancaq sizi inandırım ki, I Divizionda elə uşaqlar var ki, Premyer Liqamızdakı legionerlərdən ikiqat güclüdü. Ancaq onları görən yoxdu. Ona görə də karyeralarını I Divizionda davam etdirmək məcburiyyətindədilər.
- Sonda Avropa Liqasında mübarizə aparan komandalarımız haqda danışardın...
- Belə düşünürəm ki, hər iki təmsilçimiz mərhələni keçəcək. Hər halda, biz "Tvente" və "Partizan"ı keçəcək gücdəyik. Məncə, həm "Qarabağ", həm də "Neftçi" rəqiblərinə nisbətən daha güclüdülər. Hər şeyi ayın 28-də görəcəyik. Hər iki klubumuza uğurlar diləyirəm.
Müəllif: Elvin Rüstəmov
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |