Maksim Medvedev: "Bizim də onda bəxtimiz gətirdi ki, qol buraxmadıq" - MÜSAHİBƏ

16.07.2015 | 1644 dəfə oxunub

Çempionlar Liqasının ikinci təsnifat mərhələsinin ilk oyununda evdə "Rudar"la 0:0 bərabərə qalan “Qarabağ”ın müdafiəçisi Maksim Medvedev jurnalistlərin suallarını cavablandırıb. 

- "Rudar"la ilk görüşdə qələbə qazana bilmədiniz. Oyun haqda nə deyə bilərsən?

- Rəqib özünü yaxşı tərəfdən göstərdi. Demək olar ki, “Rudar”ın qapısı önündə yüz faizlik qol vəziyyəti yarada bilmədik. Hiss olunurdu ki, rəqib bizi yaxşı analiz etmişdi. İlk turlarda komandalar hər zaman bizə qarşı evdə belə oynayır. Çalışacağıq ki, cavab matçında daha yaxşı oynayaraq qələbə qazanaq. İnanıram ki, “Rudar” da ilk görüşdən fərqli olaraq doğma meydanında açıq futbol oynayacaq.

- Qələbə qazanmaq üçün nə çatmadı?

- Bircə qol çatışmadı. 

- Yeni transferlərin komandaya tam uyğunlaşmaması səbəbindən “Qarabağ”ın bu oyunda bütün gücünü ortaya qoya bilmədiyini söyləmək olar? 

- “Qarabağ” elə klubdur ki, əsas heyətdən hansısa futbolçu zədələnəndə və ya yeni futbolçu daxil olanda oyun sistemi dəyişir. Komandanın oyunundan da gördünüz ki, bəzi mövqelərdə futbolçu çatışmırdı. İnanıram ki, gələn oyunda bu hiss olunmayacaq. Bütün futbolçular tapşırıqlarını düzgün yerinə yetirəcəklər.

- Cavab matçında komandaların şanslarını necə dəyərləndirirsən?

- Fikrimcə şanslar 50/50-dir. Rəqib bizdən çəkinirdi. Ona görə də müdafiəyə çəkilmişdilər. Bizim də onda bəxtimiz gətirdi ki, qol buraxmadıq. Səfərdə vuracağımız bir qol bizim üçün üstünlük olacaq.
 
-  Ötən mövsümdəki “Qarabağ”la indiki arasında hansısa fərq var?

- Siz hansısa fərqi hiss edə bilərsiniz. Mənim üçün eyni komanda olaraq qalıb. Sadəcə bəzi futbolçular dəyişib və fərqli futbol nümayiş etdirməyə başlamışıq. Amma yenə də futbolçular bir-birilərini yaxşı başa düşməlidirlər. 

- Sabiq komanda yoldaşın Leroy Corcla müqayisədə Dani Kintana ilə meydanda daha az anlaşırdın...

- Leroy Corcla meydanda birgə çox oynamışıq. Dani isə komandaya yeni qoşulub. Onunla ancaq məşq prosesində bir yerdə oynamaq imkanımız olub. Onlar tam fərqli futbolçular olduğu üçün anlaşılmazlıqlar olur. Tək mən yox digər futbolçular da çətinlik çəkirdi. Oyunboyu ona harada dayanmalı olduğunu deyirdim. İnanıram ki, Dani gələn matça hər şeyi analiz edib, daha yaxşı nəticə göstərəcək.

Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

23.08.2017

01:06  "Qarabağ" tarixi oyuna çıxır - YENİLƏNİR

00:59  "Nitsa" - "Napoli" 0:2 VİDEO

22.08.2017

22:12  "Astana" - "Seltik" 4 - 3 VİDEO

13:42  Günün oyunlarına necə baxaq? - TV AFİŞA

21.08.2017

02:11  "Deportivo" - "Real" 0:3 VİDEO

02:00  PSJ - "Tuluza" 6:2 VİDEO

01:54  "Atalanta" - "Roma" 0:1 VİDEO

01:50  "Barselona" - "Betis" 2:0 VİDEO

20.08.2017

21:51  "Qəbələ" və "Zirə"dən qələbə - YENİLƏNİB

19:29  "Qəbələ" - “Sumqayıt” - HEYƏTLƏR

16:26  "Kəpəz" - "Zirə" - HEYƏTLƏR

01:29  "Jirona" - "Atletiko" 2:2 VİDEO

01:22  "Verona" - "Napoli" 1:3 VİDEO

19.08.2017

19:21  “Qarabağ” - "İnter" - HEYƏTLƏR
   
  O Q H M T-f X
1. Zirə 2 2 0 0 5-1 6  
2. Qarabağ 2 2 0 0 4:1 6  
3. Qəbələ 2 2 0 0 3:1 6  
4. Səbail 2 1 0 1 2-2 3  
5. Sumqayıt 2 1 0 1 2:2 3  
6. Kəpəz 2 0 0 2 1-5 0  
7. İnter 2 0 0 2 1:3 0  
8. Neftçi 2 0 0 2 1-3 0  
26.08Zirə ---Sumqayıt
26.08Qarabağ ---Qəbələ
25.08İnter ---Səbail
25.08Neftçi ---Kəpəz