Elmaq Qasımov: "Şikayətlərimiz dövlət tərəfindən nəzərə alındı"

08.09.2015 | 3666 dəfə oxunub

Cüdo üzrə millinin lideri Elmar Qasımovun müsahibəsini təqdim edirik:

- Rövnəq Abdullayev Azərbaycan Cüdo Federasiyasının prezidenti oldu. Bu təyinat idmançıları qane etdi?

- Sevindirici haldır ki, şikayətlərimiz dövlət tərəfindən nəzərə alındı. Düzünü desəm, bizim üçün fərqi yoxdur ki, kim rəhbər təyin edilir. Əsas olan odur ki, bizə diqqət ayrılsın. Cüdoya qayğı göstərilsə, yaxşı nəticələr olacaq. Biz də yaradılan şəraitin çox pis olmasına görə narazılıq bildirirdik. Füzuli Ələkbərov da bizi diqqətdən kənar saxladığı üçün onun ayrılmasını bildirdik. Rövnəq müəllim bildirdi ki, sizə şərait yaradacam. İdmançıya da bu lazımdır. Ümid edirəm ki, hər şey yaxşı olacaq.

- İlk dəfə bu təyinatı eşidəndə sevindiz?

- Əlbəttə ki, sevindik. Amma yenə deyirəm, təyinata yox, onun görəcəyi işlərə baxmaq lazımdır.

- Qarşıda cüdoçuları gözləyən ən önəmli turnir Rio-de-Janeyro olimpiadasıdı. Avropa Oyunlarında və Qazaxstandakı dünya çempionatındakı uğursuzluğu okeanın o tayında unutdura biləcəksiz?

- Fikrimcə, orda ən azı 2 və ya 3 medal qazanacağıq. Baxsanız, mən və Rüstəm Orucov dünya sıralamasında 1-ci yerdəyik. Orxan Səfərov 3-cü pilləni tutur. Digər idmançılarımız da ilk “10-luq”dadır. Zəif cüdoçumuz yoxdur, hamısı güclüdür. 2-3 medal realdır. Hətta orada çempion da ola bilərik. Bunlar hamısı rəhbərliyin yaratdığı şəraitdən asılı olacaq.

- Astanada keçirilən dünya çempionatında uğursuzluğun səbəbi yenə də hazırlıq idi. Amma bildiyim qədərilə təlim-məşq toplanışlarında olmuşduz...

- Sözün açığı, Avropa Oyunlarından sonra yaxşı məşqlərimiz olmadı. Həm də ki, dünya çempionatından öncə biz Şahdağa getmişdik. Orda hazırlaşırdıq. Sizi bilirsiz ki, dağdan düşəndə idmançının bədəni ən az o gün “boşalır”. Yəni yuxarı ilə aşağı arasında oksigen fərqi var. Dünya çempionatında ilk gündə meydana çıxanlar bu səbəbdən uduzdular. Hazırlıq və üstəgəl dediyim problem nəticəsində mübarizəni dayandırdılar. Mən isə sonuncu gün tatamiyə çıxdım. Öz səhvimdən uduzdum. Səhv fənd etdim və nəticəsində mübarizəni dayandırdım.

- Bəs, maliyyə məsələləri ordakı əhval-ruhiyyəyə təsir etdi?

- Yox. Çünki artıq ora getmişdik və sadəcə medal qazanmağı düşünürdük. Mən Şahdağda da həvəslə çalışırdım, çünki çempion olmaq istəyirdim. Məsələn, burada hər idmançı 3 görüş keçirirdisə, mən 5 görüş keçirdim. Maliyyənin buna təsiri yoxdu.

- Sizin ölkə prezidentinə ünvanladığınız məktubdan əvvəl də şikayətlər olmuşdu. Hətta idmançılar onlara vitamin və kimanoların da verilmədiyini bildirirdilər. Astanaya gedərkən siz də eyni problemlə üzləşdiniz?

- Yox, elə ciddi problemlər olmadı. Amma kimano vermirdilər. Avropa Oyunlarına görə verdikləri qalmışdı. Əslində kimanolar verdilər, amma əyinə geyiləsi deyildi. Ayaqqabıların razmerləri heç düzgün deyildi. Amma vitamin və təlim-məşq toplanışı verdilər. Bilirsiz necədir? Təlim-məşq toplanışı olur və orada hər çəkidə “1 nömrələr” hazırlıq keçir. Artıq digər idmançılar lazımsız yerə məşq etdiklərini düşünüb gəlmirlər zallara. Ona görə də Bakıya gələndə adam zalda idmançı tapmır ki, məşq eləsin. Diqqət ayrılsa, heç olmasa, maaş verilsə. Onlar da qalarlar.

- Məşqçilərin dəyişilməyini istəyirsiz, yoxsa onlar qalsın?

- Avropa Oyunlarında və Astanadakı dünya çempionatına hazırlığın səviyyəsinin aşağı olmasının günahkarı sırf məşqçilər idi. Fikrimcə, onlar da dəyişilməlidir. Çünki əsas yarışlara bizi hazırlaya bilmirlər. Bilirsiz, təlim-məşq toplanışlarında hazırlıqla bağlı problem yoxdur. Amma nə vaxtki böyük yarışlar olur, həmin yarışlar öncəsi 1-2 ay qabaq idmançılar öz ölkələrində hazırlaşırlar. Toplanış üçün xaricə getmirlər. Bizim məşqçilər də Bakıda bizi hazırlamaqdan çətinlik çəkirdilər. Gedib adi turnirlərdə qalib olurduq, amma böyük yarışlarda uduzuruq. Astanada komandanın zəif çıxışı da baş məşqçinin günahı idi.

- Hazırda Azərbaycan cüdoçularının ən tanınmış simasız sizsiz. Yəqin ki, Rövnəq Abdullayevlə görüşdə də komanda kapitanı kimi iradlarınızı çatdıracaqsız. Qadın cüdoçuların vəziyyəti ümumiyyətlə pisdi. Onlarla bağlı hər hansı təklif irəli sürməyi düşünürsüz?

- Onu daha çox müəllimlər çalışmalıdır ki, desin. Onlar təkliflər irəli sürsünlər. Mən əvvəl elə bilirdim ki, Azərbaycan qadın cüdoçuları tamamilə zəifdir. Amma Avropa Oyunlarında gördüm ki, vəziyyət fərqlidir. Çox zəif hazırlıqlar olmasına baxmayaraq mərhələ keçə bildilər. Məsələn, Aişə Qurbanlı ilk mərhələni adladır, ikincidə güclü italyan idmançıya uduzdu. Xanım Hüseynova bir mərhələ keçdi. Amma əvvəl belə deyildi. Qadın cüdoçular çıxıb elə ilk görüşdə uduzurdular. Onlara diqqət ayrılsa, ölkəmizə medal qazandırarlar

Moyesin oğlu onunla bərabər çalışacaq	Rahilin komandası səfərdə qalib gəldi	Azərbaycanın 4 boksçusu Avropa birinciliyinə qələbə ilə başladı
Fransa klubu NBA-dan oyunçu gətirdi	PSJ Verrattini satır	"Turan Tovuz" "Adana Demirspor"a məğlub oldu
Şeydayevin "Buriram Yunayted" nə vaxt debüt edəcəyi dəqiqləşdi	Azərbaycan klubu İngiltərə yığmasının sabiq üzvü ilə anlaşdı	Lənkəranda yeni komanda yaradıldı- Federasiyanın dəstəyi ilə
Millimiz Litvaya qarşı	Millimizin qapıçısı komandasında qaldı	"Neftçi" Niderland millisini məğlub etdi

		O	Q	H	M	T-f	X

1.	Neftçi	28	18	5	5	47-25	59
2.	Qarabağ	28	16	9	3	64-18	57
3.	Sumqayıt	28	10	9	9	30-31	39
4.	Zirə	28	8	14	6	28-28	38
5.	Sabah	28	7	8	13	28-39	29
6.	Keşlə	28	5	11	12	25-40	26
7.	Qəbələ	28	5	11	12	23-44	26
8.	Səbail	28	5	9	14	21-42	24

08.05	Səbail	---	Neftçi
08.05	Keşlə	---	Sumqayıt
09.05	Zirə	---	Qəbələ
09.05	Sabah	---	Qarabağ

14.05	Sumqayıt	-	Neftçi
14.05	Qarabağ	-	Keşlə
14.05	Qəbələ	-	Sabah
14.05	Zirə	-	Səbail

Elmaq Qasımov: "Şikayətlərimiz dövlət tərəfindən nəzərə alındı"

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023