Kanales: "Həm "Neftçi"də, həm də Azərbaycan futbolunda çox şey dəyişib" - MÜSAHİBƏ
Nikolas Kanalesin "Neftçi" ilə mövsüm sonuna qədər müqavilə bağladığı barədə xəbər vermişdik. Stadium.Az "Neftçi"nin hücumçusu Nikolas Kanalesin müsahibəsini təqdim edir:
- Bu, sizin ölkəmizə üçüncü qayıdışınızdı. "Neftçi"yə olan bu sevgi haradandır?
- "Neftçi"yə ilk gəldiyim gündən bu klub mənim üçün doğmalaşdı. Mənim oyun planında işlərim yaxşı alındı. Burada mənə qarşı çox yaxşı münasibət var idi. Futbolçuya daha nə lazımdır? Mən "Neftçi"ni doğrudan da sevirəm. Düzünü deyim ki, özümü başqa Azərbaycan klubunda təsəvvür edə bilmirəm.
- Siz bu komandanı iki dəfə tərk etmisiniz və üçüncü dəfə geri dönmüsünüz. Bu dəfə necə olacaq?
- Ötən mövsümün sonuna klub rəhbərliyi mənə yaxşı təklif etmişdi. Buna görə onlara minnətdaram. Amma mövsümün sonu mənim üçün neqativ emosiyalarla yadda qaldı. Həm də klubda maliyyə baxımından qeyri-müəyyənlik var idi. Komandanın nə dərəcədə rəqabətədavamlı olacağını bilmirdim. Azərbaycandakı uğurlu karyeramın ardından başqa ölkələrdən təkliflər var idi. Şübhəsiz ki, mən özüm də yeni macəra istəyirdim. Bu üzdən də "Krılya Sovetov"un təklifini qəbul etdim. Rusiya Premyer Liqasında oynamaq şansı hər gün ələ düşmür.
- Azərbaycan futbolunda manatın devalvasiyasından sonra maliyyə şərtləri kəskin dəyişib. Bu dəfə "Neftçi" ilə maliyyə məsələsini müzakirə edərkən istədiyiniz pulu almağa nə dərəcədə nail oldunuz?
- Azərbaycandakı iqtisadi vəziyyətdən mənim də xəbərim var. Çünki futbolçu karyerası ilə bağlı qərar qəbul edərkən hər şeyi nəzərə almalı olur. Daha çox maliyyə şərtləri ön planda olsa da, daha vacib önəm kəsb edən digər məqamlar da az deyil. Mənim də bu dəfəki qayıdışımda əsas məqsəd çox pul qazanmaq deyil. Halbuki, maddi baxımdan daha sərfəli təkliflər irəli sürən klublar var idi. "Neftçi"yə qayıtmağımda klub rəhbərliyinin, məşqçilər korpusunun, mənə doğma olan komandanın qayıtmağımda maraqlı olması idi.
- Son yarım ildə oynamadığınızı nəzərə alsaq, hazırda hansı formadasınız?
- Necə yəni oynamamışam? Son yarım ildə tam olaraq məşq etmişəm və oyunlara da çıxmışam. Sadəcə, əvəzedici heyətdə oynayırdım. Özü də bütün oyunlarda. Rusiyada mövsümün ilk hissəsi bitəndən sonra ölkəmizə qayıtdım. Yeganə çatışmazlıq ondadır ki, mən bu qış fasiləsi zamanı toplanışda olmamışam. Amma tezliklə forma yığacağıma əminəm.
- "Neftçi"nin əsas hədəfi avrokuboklara vəsiqə qazanmaqdır. Komanda buna nail ola biləcək?
- Həm "Neftçi"də, həm də Azərbaycan futbolunda çox şey dəyişib. Mən hələ komandamın tam gücünü görə bilməmişəm. Ona görə də bu sualınıza ətraflı cavab verməkdə çətinlik çəkirəm. Amma şübhəsiz ki, komandamızın uğur qazanması üçün əlimdən gələni əsirgəməyəcəyəm.
- "Neftçi"nin "Xəzər Lənkəran"a qarşı oyununu canlı izlədiniz. Bu oyunla bağlı nə deyə bilərsiniz?
- Gördüklərimə əsasən deyə bilərəm ki, komanda çox dəyişib. Düzdür, komandamızın çox qol vəziyyəti olmadı. Amma müdafiə xəttində hər şey qaydasında idi. Yaxşı ki, qol vurduq, qələbə qazandıq. "Neftçi" son oyunlarda uduzmur. Bu, yaxşıdır. Fikrimcə, bundan sonra daha yaxşı olacaq.
- "Qarabağ"la oyunda meydana çıxmağınız mümkündür?
- Artıq məşqlərə başlamışam. Kimin oynayacağına isə baş məşqçi qərar verir. (Azerisport)
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |