Səlahət Ağayev: "Prosineçki gəlmir, amma köməkçiləri bütün oyunları izləyirlər" - MÜSAHİBƏ

13.08.2016 | 3397 dəfə oxunub

Azərbaycan Premyer Liqasının II turunda baş tutan  “Qəbələ” -  “İnter”  oyunundan aonra qonaqların qapıçısı Səlahət Ağayev jurnalistlərin suallarını cavablandırıb:

 - Mövsümə uğurlu start verdiniz və Avrokuboklardakı təmsilçilərimizdən “Qəbələ”dən də xal almağı bacardınız. Oyun haqda nə deyə bilərsiniz?

- Gördüyünüz kimi, bu cür hava şəraiti oyuna mənfi təsir edir. Belədə oynamaq çox çətindi. Heç-heçəlik oyun idi. Komandalar hərəyə 1 xal qazandı. Normaldı.

 - Penalti epizoduna ən yaxın siz idiniz. Referi düzgün qərar vermişdi?

- Qarşımda qarışıqlıq yaranmışdı. Üç-dörd futbolçu var idi, ona görə tam görə bilmədim. Yan-xətt hakimindən xəbər aldım, o da təsdiqlədi ki, referi düzgün qərar qəbul edib.

 - Zərbənin istiqamətini müəyyənləşdirmişdiniz, yoxsa təsadüfən qaytardınız?

- Bunu əvvəlcədən demək olmur. Adətən penaltilərin 99 faizi qol olur. Qapıçının onu qaytarmaq şansı 1 faizə bərabərdi. Mən də işimi gördüm.

 - Nika Kvekskveri ilə əvvəl bir komandada oynamağının təsiri oldumu?

- Belə deməzdim. Futboldu, o həmin cinaha vurdu, mən də uzanıb çıxardım. Ora vuracağını əvvəlcədən bilmirdim.


- Əsas millinin “1 nömrə”si hesab edilən Kamran Ağayev klubsuzdu və formada deyil. San Marino ilə oyunöncəsi millidəki yerinizi təmin etdiyinizi demək olarmı?

- Bu, mənim yox, baş məşqçinin verəcəyi qərardı. Futbolçu kimi işim komandama kömək etməkdi. Baş məşqçinin əvəzinə qərar qəbul edə bilmərəm.

 - Amma penaltini dəf etməyiniz həlledici ola bilər...

- Bir penalti ilə millinin qapıçısı məsələsi həll edilmir. Təbii ki, ora düşmək üçün əlimizdən gələni edirik.

 - Artıq iki tur arxada qalıb və millinin baş məşqçisi Robert Prosineçki stadionlarda gözə dəymir. Belədə seçimin ədalətli olacağına inamınız nə dərəcədədi?

- Millinin baş məşqçisi, baş məşqçinin də köməkçiləri var. Nəyin, necə olacağını deyə bilmərəm. Bu, onların işidi. Prosineçki gəlmir, amma köməkçiləri bütün oyunları izləyirlər.

- “Qarabağ” üzərində qazanılan qələbədən sonra “İnter”in daha yaxşı başlanğıc etdiyini demək mümkündürmü?

- Ötən il məğlub olmuşduq. Əlbəttə, qələbə ilə başlamaq komandaya müsbət təsir edə bilər. Finişə avrokuboklara vəsiqə verən yerlərdən birini tutaraq çatmaq istəyirik.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail