Kamran Ağayev: "Heç kimi tənqid etmək istəmirəm" - MÜSAHİBƏ
Azərbaycan yığmasının və Portuqaliyanın "Boavişta" klubunun qapıçısı Kamran Ağayevin müsahibəsi:
- Portuqaliyada işləriniz necədir?
- Hələ tam alışmamışam. Məsələ burasındadır ki, burada hamı ingilis dilini bilmir. Çox az adamla ünsiyyət qura bilirəm. Klub mənim üçün portuqal dilini öyrətməyə müəllim tutub. Artıq bir həftə olar öyrənirəm. Çünki portuqal dilini bilməsəm, burada mənə çətin olacaq. Əsasən də futbol terminlərini öyrənirəm. Bildiyiniz kimi, meydanda danışmağı sevirəm. Bunun üçün isə portuqal dilini bilməyim vacibdir.
- Sizi klubda necə qəbul etdilər?
- Normal qarşıladılar. Özümü yaxşı hiss edirəm.
- Sizdən öncə bu kluba keçən Emin Mahmudovun yəqin ki, köməyi çox dəyər...
- Yeri gəlmişkən, o da portuqal dilini öyrənir. Fikrimcə, ikimiz də burada uğur qazana biləcəyik. Xüsusən də Emin çox gəncdir və ona daha çox vaxt lazımdır.
- Son turda heç biriniz meydana çıxmadınız və komandanız uduzdu. Qarşıdakı "Portu" ilə oyunda da belə olacaq?
- Emin barədə dəqiq bir söz deyə bilmərəm. Amma mənim zədəm olmasa, meydana çıxacağam. Artıq iki həftədir buradayam və hazırlaşıram.
- Sizə elə gəlmir ki, "Portu" sizin debütünüz üçün heç də uyğun rəqib deyil?
- Belə şeylərə fikir verməməyə çalışıram. Mən komandaya kömək etmək üçün buradayam. Çətin olacağını bilirəm. "Portu" daha çox hücum edəcək. Amma unutmayın ki, mən elə ən yaxşı oyunlarımı da daha güclü komandalara qarşı keçirmişəm. Portuqaliya, Almaniya yığmaları ilə görüşlər, və sair. Bir sözlə, buna alışmışam.
- Deməli, "Portu" ilə oyunda sizi meydanda görəcəyik?
- Qeyri-adi nəsə olmasa, bəli. "Portu" bu ölkənin ən böyük klublarından biridir. Onlarla görüş çətin olacaq. Amma ümid edirəm ki, debüt matçımda uğur qazana biləcəyik.
- Rəqabət baxımından problem yoxdur?
- Buraya ehtiyatda oturmaq üçün gəlməmişəm.
- Azərbaycan və Portuqaliya futbolu arasında nə kimi fərqlər olduğunu hiss etmisiniz?
- Heç kimi tənqid etmək istəmirəm (gülür). Portuqaliya futbol ölkəsidir. Düzdür, Azərbaycan futbolu son illərdə beynəlxalq arenada öz sözünü deməyə başlayıb. Maliyyə böhranına rəğmən, klublarımız uğurlar qazanırlar. Amma istənilən halda hələ Portuqaliya ilə müqayisə oluna bilmərik.
- "Boavişta" sizin üçün tramplin rolunu oynaya bilər?
- Əslində elə bu klub da karyeramı davam etdirmək üçün heç də pis variant deyil. Hazırda yalnız bu komandada uğur qazanmaq barədə düşünürəm. Amma gələcəkdə hər şey ola bilər. Fürsətdən istifadə edib "Sumqayıt"a da təşəkkürümü bildirirəm ki, mənə dəstək oldular. (azerisport)
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |