Miçel: "Bu mövzuda fikir bildirmək istəmirəm" - MÜSAHİBƏ

08.02.2017 | 4308 dəfə oxunub

Azərbaycan Premyer Liqasının XVI turunda  “Zirə”ni qəbul edən “Qarabağ” növbəti qələbəsini qazanıb. Stadium.Az xəbər verir ki, oyundan sonra Ağdam təmsilçisinin yarımmüdafiəçisi Markos Madera – Miçel jurnalistlərin suallarını cavablandırıb.

- Qələbə şərhinizi eşitmək istərdik...

- Bu matç da digər oyunlarımız kimi çətin keçdi. Məqsəd qələbə qazanmaq, turnir cədvəlindəki liderliyimizi davam etdirmək idi, biz də bunu bacardıq. Biz sözlə, vacib qələbə qazandıq.

- Dani Kintananın yoxluğu hiss olunurdumu?

- Hər bir futbolçunun yoxluğu özünü göstərir. Kintana indi zədəsini müalicə etdirməklə məşğuldu və qısa vaxtda yenidən sıralarımıza qoşulmaq haqda düşünür. Bu kimi mənfi situasiyalar haqda fikirləşib, diqqətimizi yayındırmamalıyıq. Əlimizdə olanlardan maksimum yararlanmalıyıq.

- “Qəbələ”dən başqa, demək olar, müqavimət göstərən komanda yoxdu. Digər rəqibləri zəiflər sırasına daxil edirsinizmi?

- “Qəbələ” yaxşı futbolçulardan qurulmuş komandadı. AZAL-la oyunumuzu da gördünüz. Asan keçmədi. “Zirə” ilə qarşılaşma da bu qəbildəndi. Yəni çempionatda asan keçən oyunlar yoxdu.

- “Zirə” ilə “Qarabağ”ın qardaşlaşmış komanda olduğu və bu matçın gözlənildiyi kimi komandanızın qələbəsi ilə başa çatacağı proqnozlaşdırılırdı. Bu haqda nə deyə bilərsiz?

- Sualınız mənə təəccüblü gəldi. Çünki meydanda oyunun heç də asan keçmədiyini və hər bir rəqibin qələbə qazanmağa çalışdığını görürsünüz. Hər şey göz qabağındadı və meydanda baş verir.

- Qış fasiləsindən sonra hakim səhvləri əsasən “Qarabağ”ın lehinə olur. Necə düşünürsüz, komandanızın buna ehtiyacı varmı?

- Hakimlərin işinə qarışmaq, bu mövzuda fikir bildirmək istəmirəm. Onların işi də asan deyil. Bəzən verdikləri qərarlar kiminsə xoşuna gəlir, lehinə olur. Bu, onların işidi.

- “Qəbələ” ilə oyununuz olacaq. Ən yaxın izləyicinizlə matç həlledici ola bilər?

- “Qəbələ”dən əvvəl Gəncədə “Kəpəz”lə çətin matçımız olacaq. “Qəbələ” ilə matçın həlledici olacağına inanmıram. Çünki ondan sonra da xeyli oynumuz qalır.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail