Rəşad Sadıqov: "35 yaşımda ilk dəfədi ki, cərimə zərbəsini texnika ilə yerinə yetirirdim" - MÜSAHİBƏ
Milli komandamızın kapitanı Rəşad Sadıqov San Marino ilə oyundan sonra (5:1) jurnalistlərin suallarını cavablandırıb:
- Oyun haqqında şərhini bilmək maraqlı olardı...
- Hazırlaşmışdıq, istəyirdik ki, yaxşı nəticə qazanaq. Düşünürəm ki, yaxşı oynadıq, daha çox da qol vura bilərdik. Rəqibə oynamağa imkan vermədik.
- Sanki xüsusi bir motivasiya ilə çıxmışdın. Çox soyuqqanlı idin. Qollara da sevinmədin...
- Heç vaxt kiməsə nəsə sübut eləməyə çalışmamışam. Çox gərgin idim məlum məsələyə görə. Mən heç bir oyuna optimal formada çıxmamışam, hazırlaşmağa çox vaxtım olmayıb. Şimali İrlandiya ilə oyuna da o şəkildə çıxmışdım, ancaq pis də oynamadım. Uğursuz bir qol buraxdıq, o vaxtdan bura gözləyirdim ki, bu oyun tez gəlsin. Bəlkə indi bir az rahatlaşam.
- 7 ildən sonra yenidən millinin heyətində qol vurdun. Darıxmışdın?
- Ümumiyyətlə, bu tipdə ilk qolumdu. 35 yaşımda ilk dəfədi ki, cərimə zərbəsini texnika ilə yerinə yetirirdim. Adətən qüvvətli zərbəyə üstünlük verirdim, ancaq məsafə yaxın olduğu üçün bu dəfə belə düşündüm. Uşaqlar vurmaq istəyirdilər, dedim icazə verin, mən vurum. Sağ olsunlar, güzəşt elədilər.
- Bu gün stadionda Rəşad Sadıqov sevgisini yenidən gördün...
- Mən qazandığım hər şeyi, söhrəti də, pulu da, karyeramı da azarkeşlərə borcluyam. Onların sevgisini itirmək mənim üçün çox ağırdı. Bunu yenidən qazanmaq isə mükafatdan da artıqdı mənə.
- “Neftçi”yə keçəcəyinlə bağlı söhbətlər var...
- Hazırda “Qarabağ”ın futbolçusuyam. Oynamaq haqqında düşünürəm. Bəzən ağlımdan fikirlər keçir, ancaq hər şey klub rəhbərliyindən və məşqçilər korpusundan asılıdı. İlin sonuna kimi bu kluba məxsusam. Karyeramı bitirəsi olsam da, buna birlikdə qərar verəcəyik. Hələ qışa qədər ÇL qrupunu oynayaq, sonra fikirləşərik.
- Yeni oyunçularla bağlı fikirlərin necədi?
- Təcrübəli və kreativ oyunçulardı. Ümid edirəm ki, bizə çox xeyir verəcəklər.
- Norveçlə oyundan sonra El Yunusi ilə söhbət elədiniz?
- Sadəcə görüşdük, əl sıxışdıq.
- Millidə artıq sondu?
- Sona yaxındı.
- Çexiya ilə oyunöncəsi bu qələbənin xüsusi motivasiyası olacaqmı?
- Hamımız köklənmişdik ki, biz daha çoxunu bacararıq. İlk 7 xal bizi aldatdı, ancaq gəlin reallıqla barışaq. Biz səfərdə Norveçə məğlub oluruqsa, bu da reallıqdı. Hamımız həvəsləndik, biz də, mətbuat da, ictimaiyyət də, amma bu gün fakt budur ki, biz qrupu 3 və 4-cü yerdə bitirə bilsək, yaxşı nəticədi. Gələn püşkatmaya 4-cü səbətdən qatıla bilsək, yaxşı nəticədi. Pillə-pillə, yavaş-yavaş olmalıdı. Çatışmayan çox şeylər var, aradan qaldırmağa çalışacağıq.
- Bir dəfə demişdin ki, futboldan elə getmək istəyirəm ki, nəsə bir iz qoymuş olum. Artıq getmək haqqında mesajlar verirsən. Arzuna çatdınmı?
- Ölkə başçsının, xalqın, ictimaiyyətin sevgisini görəndən sonra düşündüm ki, demək ki, nəsə eləmişik.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |