Roman Qriqorçuk: "Mən həmin epizodu görmədiyim üçün şərh edə bilməyəcəm"

24.09.2017 | 1200 dəfə oxunub

Azərbaycan Premyer Liqasının VI turunda evdə “Neftçi”yə 2:1 hesabıyla qalib gələn “Qəbələ”nin baş məşqçisi Roman Qriqorçuk oyundan sonra təşkil edilən mətbuat konfransında jurnalistlərin suallarını cavablandırıb:

Adətən mətbuat konfransına oyunla bağlı fikirlərlə başlayırıq. Bu dəfə oyunun sonundan başlayaq. Monroz və Qurbanov arasında nə baş vermişdi?

- Gəlin, peşəkarlğımızı qoruyaq və yenə ilk olaraq oyunla bağlı danışaq.

- “Qəbələ” ilk hissədə üstün olsa da, sonra üstünlüyü rəqibə verdi...

- Burda əsas psixoloji amil rol oynayır. Ancaq belə olmamalıdı. Komanda hesabda nə qədər irəlidə olsa da, üstünlüyü əldən verməməlidi.

- Komanda müdafiədə səhvlərə yol verirdi. Bu barədə nə deyə bilərsiz?

- Tamamilə razıyam. İlk hissədə hücumda yaxşı oynasaq da, müdafiədə də səhvlər edirdik. Bir çox boşluqlar verirdik. Deməzdim ki, ikinci hissə çox pis keçdi. Fasilədən sonra da bir neçə imkanımız oldu.

- “Səbail”ə qarşı keçən oyunda fasilədən sonra Asif Məmmədovu meydana buraxdız. O isə ilk toxunuşda başla qol vurdu. Bu anda siz başınızı tutduz. Bu, nə ilə bağlı idi?

- Mən sadəcə, belə erkən qol vuracağına inanmadım. Asif həmin anda bütün detalları nəzərdə aldı və topa ilk toxunuşunda qol vurdu.

- Komandada intizam cəhətdən problem var?

- Mən həmin epizodu görmədiyim üçün şərh edə bilməyəcəm. Daha sonra, orda nə baş verdiyini aydınlaşdırdıqdan sonra qərar verəcəyik. Eşitdiklərimə əsasən fikir bildirsəm, düzgün olmaz. İstənilən komandada bu cür hallar yaşana bilər. Məncə, həmin anda həddi aşdılar. İstənilən halda, məsələni araşdıracağıq və uyğun qərar verəcəyik.

- Ekiqo Ehiosunun vəziyyəti necədi? Nə vaxta tam hazır olar?

- 95 faiz deyə bilərəm ki, o, tam hazır deyil. Onu tanıyırıq, potensialına bələdik. İnanıram ki, tezliklə komandaya kömək edə biləcək. Bura gələnədək 3 aya yaxın oynamayıb. Ona vaxt lazımdı.

- Endi Hollidey əvəzlənəndə buna sərt reaksiya verdi...

- Düşünmürəm ki, etirazını sərt bildirdi. Həmin anda əvəzlənməsi lazım idi və əvəzlədim də. Hər bir oyunçu əvəzlənməsindən narazı qala bilər.

- Tərlan Əhmədov “Neftçi”yə baş məşqçi təyin ediləndə, Ruslan Qurbanov sosial şəbəkədə bu klubun formasında şəklini paylaşdı. Bu məsələyə necə baxırsız? O, qayıtmaq istəməsi ilə bağlı sizə nə isə deyib?

- Komputerdə çox işləsəm də, bu, ancaq komandamın oyununu analiz etmək üçün olur. Hansısa futbolçu getmək istəyirsə, bunun üçün əlimdən gələni edirəm. Fikrimcə, getmək istəyən futbolçunu saxlamaq düzgün deyil.

Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

18.02.2018

16:54  "Səbail" - "Qarabağ" - HEYƏTLƏR

14:43  "Kəpəz" - "Keşlə" - HEYƏTLƏR

13:57  "Cenoa" - "İnter" - 2:0 VİDEO

17.02.2018

17:40  "Sumqayıt" - "Neftçi" - HEYƏTLƏR

14:47  "Çelsi" - "Hal Siti" 4:0 VİDEO

14:33  “Qəbələ” - "Zirə" - HEYƏTLƏR

12:54  Əvəzləndi, ağladı - FOTO

16.02.2018

13:21  "Sumqayıt"da ayrılıq - Prezident getdi

12:47  "Neftçi"də şok istefa - Prezident ayrıldı

   
  O Q H M T-f X
1. Qarabağ 16 13 2 1 26:6 41  
2. Qəbələ 16 11 2 3 30:15 35  
3. Zirə 16 9 4 3 25-14 25  
4. Sumqayıt 16 7 3 6 20:18 24  
5. Neftçi 16 6 1 9 18-18 19  
6. Səbail 16 4 2 10 10-23 14  
7. Keşlə 16 3 3 10 11:25 12  
8. Kəpəz 16 2 1 13 10-31 7  
18.02Kəpəz 0-1Keşlə
18.02Səbail 0-1Qarabağ
17.02Qəbələ 2-1Zirə
17.02Sumqayıt 2-0Neftçi
24.02Neftçi -Zirə
24.02Səbail -Qəbələ
25.02Keşlə -Sumqayıt
25.02Qarabağ -Kəpəz