Tərlan Əhmədov: "Elə oyunçular var ki, potensialından çox aşağı çıxış edir" - MÜSAHİBƏ

14.12.2017 | 1611 dəfə oxunub

“Neftçi”nin baş məşqçisi Tərlan Əhmədov Azərbaycan Kubokunun 1/4 final mərhələsinin cavab oyununda öz meydanında “Zirə”yə 2:0 hesabıyla qalib gələrək yarımfinala vəsiqə qazandıqları oyundan sonra təşkil olunan mətbuat konfransında jurnalistlərin suallarını cavablandırıb:

- İlk növbədə bizi dəstəkləyən azarkeşlərimizə təşəkkür edirəm. Bu qələbədə onların payı çoxdu. İlk hissədə daha maraqlı oynadıq. Ancaq ikinci hissədə rəqib bizi geriyə oturmağa məcbur etdi. Kubok oyunu həmişə belə aqressiv keçir. 2017-ci ili qələbə ilə başa vurduq. Buna görə, klub rəhbərliyini, futbolçuları və azarkeşləri təbrik edirəm.

- Matçın gedişində Erreraya narazılığınız oldu. Onu buna görə əvəzlədiz?

- Onun artıq gücü tükənmişdi. Oyunun aqressivliyinin nəticəsi olaraq, Errera da son dəqiqələrdə yorulmuşdu.

- Qış hazırlığı planı hazırdı?

- Bəli, hazırdı. Ayın 5-dən hazırlığa başlayacağıq. Toplanış barədə mətbuat xidməti ətraflı məlumat verəcək. Mənim işim komandanı hazırlamaqdı.

- Namik Ələskərovun oyunu barədə nə deyə bilərsiz?

- Elə oyunçular var ki, potensialından çox aşağı çıxış edir. Onlardan biri də Namiqdi. Mən hələ də, onun potensialını aça bilmirəm. Bura “Neftçi”di. Bu komandaya 7-8-ci yeri tutmağa gəlməmişəm. Komanda güclənməlidi, rəqabət olmalıdı. İstərdim ki, 3 eyni səviyyəli qapıçımız olsun. Son oyunlarda Allaha yalvarıram ki, Rəşad Əzizliyə heç nə olmasın. Çünki ehtiyat qapıçımız yoxdu.

- Nizami Hacıyev maraqlandığınız futbolçulardan idi. Deyilənə görə, bağışlanmaq ehtimalı var. Əgər bağışlansa, onun komandaya transferi nə dərəcədə mümkündü?

- Əgər appelyasiya verib, təmiz çıxarsa... Bu, təkcə mənim işim deyil. Komandanın rəhbərliyi var. Müzakirə olunmalıdı. “Neftçi” tarixi olan komandadı. Nizamini artıq gündəmdən çıxarmışıq. Belə məsələlərdə diqqətli olmalıyıq. Klubun imicindən söhbət gedir.

- Elnur Süleymanovun əsgərlikdə olduğu deyilir...

- Elnur AZAL-da mənim rəhbərliyim altında çıxış edib. Potensialına bələdəm. Onun harda olmasını menecerindən soruşun.

- Mirabdulla Abbasovun oyunu barədə nə deyə bilərsiz?

- Onun potensialı çoxdu. Son illərdə Azərbaycanda onun kimi hücumçu yetişməyib. Lakin onun ən pis xüsusiyyəti tənbəlliyidi. Bu oyunun da sonlarında damarı damarının üstünə çıxmışdı. Bizim futbolçular elədi ki, yumruq başlarının üstündə olmasa, yaxşı oynamırlar.

- Bugünkü oyunu millinin baş məşqçisi Qurban Qurbanov da izlədi. Onunla görüşmüsüz?

- Hələ ki, görüşmək qismət olmayıb. Çünki vaxt məhdudiyyəti var. Lakin irəlidə görüşərək, fikir mübadiləsi apara bilərik.

- Namik Ələskərov qışda komandadan ayrılacaq?

- Xeyr, onun ayrılması gündəmdə deyil.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

17.11.2018

10:29  Millimiz vacib oyuna çıxır - Yenilənir

16.11.2018

18:12  "Eşitdiyim ən qəribə sualdı" - Farer adalarının kapitanı

15.11.2018

17:29  "Bunu Azərbaycana qarşı etmişdik" - Maltanın baş məşqçisi

16:38  Milli komandamıza 50000 manat mükafat - Qrupdan çıxsalar

12:10  Günün oyunlarına necə baxaq? - TV AFİŞA

14.11.2018

16:18  Ayxan Abbasov "Sumqayıt"da - RƏSMİ

13.11.2018

   
  O Q H M T-f X
1. Neftçi 10 8 1 1 20-7 25  
2. Qarabağ 10 6 2 2 17-11 20  
3. Səbail 10 5 2 3 12-11 17  
4. Sabah 10 5 1 4 9-11 16  
5. Qəbələ 10 3 3 4 14-14 12  
6. Sumqayıt 10 3 2 5 10-13 11  
7. Keşlə 10 1 3 6 8-14 6  
8. Zirə 10 1 2 7 7-16 5  
11.11Sumqayıt ---Keşlə
11.11Qəbələ ---Qarabağ
10.11Səbail ---Sabah
10.11Neftçi ---Zirə
24.11Qarabağ -Sabah
24.11Keşlə -Qəbələ
25.11Zirə -Sumqayıt
25.11Səbail -Neftçi