"Daha əvvəl də bilirdik ki, oyunları izləyirlər" - MÜSAHİBƏ

03.02.2018 | 2078 dəfə oxunub

 “Sumqayıt” komandasının futbolçusu Bəxtiyar Həsənalızadə "Report"a müsahibə verib:

- Yanvarın 21-dən etibarən Türkiyənin Antalya bölgəsində təlim-məşq toplanışındasınız. Hazırlıq prosesi necə gedir?

- Bu müddətdə 3 yoxlama oyunu keçirmişik. Rəqiblərimiz də yaxşı komandalar idi. Xüsusən də sonuncu matçda 0:1 hesabı ilə uduzduğumuz Rusiyanın “Anji” kollektivini qeyd edərdim. Hər iki komanda üçün faydalı görüş oldu. Məşqlərə gəlincə, bunun üçün hər cür şərait var. Əsasan taktiki çalışmalara üstünlük verilir. Tez-tez yoxlama matçları keçirildiyi üçün yükləmələr olmur.

- Neçə ildir “Sumqayıt”dasınız?

- Klub yaranandan, 2010-cu ildən buradayam. Komanda I Divizionda çıxış edəndə bəri “Sumqayıt”ın formasını geyinirəm. 2013-cü ildən əsas heyətin üzvüyəm.

- Geridə qalan 8 il ərzində “Sumqayıt”da nələr dəyişib?

- Çox şey dəyişib. O vaxt oyunçularımızın əksəriyyəti gənclər idi. Həmin dönəmdə məqsəd milli komandalara futbolçu vermək idi. İndi də istər əsas, istərsə də aşağı yaş qrupları üzrə yığmalarımıza oyunçularımız gedirlər. Artıq “Sumqayıt”ın hədəfləri böyüyüb. İstəyimiz Avropa Liqasına vəsiqə qazanmaqdır. Avrokuboka oynamaq şəraitini özümüz yaratmışıq. Komanda bunu öz oyunu ilə sübut edib.

- Ötən il Avropa Liqasına vəsiqəni son anda əldən verdiniz...

- Bəli, son 3 oyunda vəziyyət dəyişdi. Lakin cari mövsümdə həm Premyer Liqada, həm də Azərbaycan Kubokunda inamlı çıxış edirik. Bununla belə, işimiz daha çətindir. Artıq kubokun finalçısı avrokuboka düşmür. Bu isə o deməkdir ki, ya kuboku qazanmalıyıq, ya da ən azı 4-cü yeri tutmalıyıq. Hər iki cəbhədə əlimizdən gələni edəcəyik. Bu işi riskə ata bilmərik. Yəni, yalnız kuboku düşünüb, çempionatı unutmaq olmaz.

- Cari mövsümdə heç vaxt olmadığı qədər komandada sumqayıtlı futbolçuların sayı çoxdur. Bu amil komandanın çıxışına nə dərəcədə müsbət təsir edir?

- Açığı, bu barədə heç vaxt düşünməmişdim. Heyətdə öz yetirmələrimiz də çoxdur. Sumqayıtlı olmaq bir üstünlükdür. Çünki hansısa oyunu uduzanda şəhərə çıxmaq çətin olur. Üz-üzdən utanır. Şəhərdə hamı bizi tanıdığı üçün məsuliyyət bizim üzərimizdədir.

- Milli komandanın baş məşqçisi Qurban Qurbanov Moldova yığması ilə yoldaşlıq oyunundan öncə bildirdi ki, nəzərində olan 7-8 futbolçu var və onlardan biri də sizsiniz...

- Bunu eşitmək xoşdur. Qurban müəllimin sözləri mənə stimul verir. Daha əvvəl də bilirdik ki, oyunları izləyirlər. Bizə düşən özümüzü yaxşı tərəfdən göstərib həmin dəvətə layiq olmaqdır. İndi məsuliyyətimizi ikiqat artıb. “Anji” ilə yoxlama matçına da gəlmişdi. Yəni, daim nəzarət edir.

- Şəxsi hədəfləriniz nədir?

- Hazırda iki əsas istəyim var: Milli komandaya düşmək və “Sumqayıt”la Avropa Liqasına vəsiqə qazanmaq. Məqsədlərim var. Mən də legioner həyatı yaşamaq, daha böyük klublarda çıxış etmək istəyirəm.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

21.01.2019

03:18  "Napoli" - "Latsio" 2:1 VİDEO

20.01.2019

13:02  "Qarabağ"ın qələbəsi VİDEO

03:48  "Roma" - "Torino" 3:2 VİDEO

03:47  "Selta" - "Valensiya" 1:2 VİDEO

03:39  "Hueska" - "Atletiko" 0:3 VİDEO

02:39  "Real" - "Sevilya" 2:0 VİDEO

01:26  PSJ - "Genqam" 9:0 VİDEO

00:27  "Arsenal" - "Çelsi" 2:0 VİDEO

19.01.2019

14:11  AFFA öz sisteminə qayıtdı - Üç milli ləğv olundu

12:13  "Neftçi"nin qələbəsi VİDEO

18.01.2019

15:50  "Qarın çıxarmamaq üçün oynayıram" - Keçmiş "Xəzər Lənkəran"lı

17.01.2019

11:39  "Sabah"ın heç-heçəsi VİDEO

16.01.2019

   
  O Q H M T-f X
1. Neftçi 10 8 1 1 20-7 25  
2. Qarabağ 10 6 2 2 17-11 20  
3. Səbail 10 5 2 3 12-11 17  
4. Sabah 10 5 1 4 9-11 16  
5. Qəbələ 10 3 3 4 14-14 12  
6. Sumqayıt 10 3 2 5 10-13 11  
7. Keşlə 10 1 3 6 8-14 6  
8. Zirə 10 1 2 7 7-16 5  
11.11Sumqayıt ---Keşlə
11.11Qəbələ ---Qarabağ
10.11Səbail ---Sabah
10.11Neftçi ---Zirə
24.11Qarabağ -Sabah
24.11Keşlə -Qəbələ
25.11Zirə -Sumqayıt
25.11Səbail -Neftçi