Orxan Sadıqlı: "Sadəcə, otağa girəndə gördüm ki, Kamran “məni dəyişin, oynamıram” deyir" - MÜSAHİBƏ

28.04.2018 | 1337 dəfə oxunub

“Keşlə”nin qapıçısı Orxan Sadıqlı “Neftçi” ilə matçdan sonra jurnalistlərin suallarını cavablandırıb:

- Orxan, qarşılaşma necə keçdi?

- Çətin oyunun olacağını bilirdik. Ona görə də hazırlaşmışdıq. Həm də ilk 3 dövrədəki “Neftçi”yə qarşı məğlubiyyətlər bizə stimul vermişdi. Heç olmasa, bunlardan birinin əvəzini çıxmaq istəyirdik. Düzgün oynadıq, bir-birimizə kömək etdik və qalib gəldik. Hamını təbrik edirəm.

- Oyuna çıxacağın sanki ilk hissədən bəlli idi. Nə baş verdi ki, Kamran Ağayevin əvəzinə meydana daxil oldun?

- Oyunda bir epizod oldu. Mən anlamadım. Uşaqlar arasında nəsə baş verdi. Oyundu, belə şeylər olur. Sonra gördüm ki, baş məşqçi çağırır. Baş məşqçi dedi “oyuna çıxırsan”, mən də oynadım. Başqa nə baş verməsindən xəbərsizəm. 

- Yəni, hansısa söz-söhbətin olduğundan xəbərsizsən?

- Bəli, xəbərim yoxdur. Sadəcə, otağa girəndə gördüm ki, Kamran “məni dəyişin, oynamıram” deyir. Əvvəl nə olubsa, xəbərim yoxdur. Kamrana dedim ki, sakitləş, stress öz oyununa təsir edir. İnanıram ki, ciddi bir şey yoxdu. 

- Kamran Ağayev oyunu izləyənlər arasında da yer almadı, çıxıb getdi...

- Onu bilmirəm. Mənim diqqətim ancaq oyunda idi. Ona fikir verməmişəm. Yəqin ki, burada olar da... Hara gedəcək ki?

- Qazandığınız qələbələr cədvəldə yerinizə təsir etmir. Amma kubokun finalı öncəsi psixoloji üstünlük qazandığınızı demək olarmı?

- Bizim də öz adımız var. Futbolçu ilk növbədə, öz adı üçün oynayır. Əlimiz heç yerə çatmır deyə, bütün oyunlarda uduzmağımız da düzgün deyil. Sadəcə, bu qələbələr də bir stimuldur. Öz ad-sanımıza görə oynayırıq ki, kubok finalına qədər hazır olaq. İlk hissədə zəif çıxış etdik, 8 görüşdə uduzmuşduq. Bunun nəticəsidi ki, indi 6-cı yerdəyik. İnanıram ki, növbəti oyunlarımız da uğurlu alınar. 

- Yuri Maksimov komandada nəyi dəyişib?

- Maksimov çox zarafatcıl insandır. Kiçikdən böyüyədək hamı ilə deyib-gülür. Sadəcə, kollektivi, kollektivdaxili ab-havanı qorumağı bacarır. Matçda da kompakt şəkildə çıxış edirik. Bir-birimizin necə oynayacağımızı başa düşürük. Məncə, uğurlarımız bunun nəticəsidi. Hamını motivasiya etməyi bacarır, hər şey göz qabağındadır.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

22.08.2018

09:16  ÇL-də bu gün - Yenilənir

21.08.2018

13:18  ÇL-də bu gün - Yenilənir

20.08.2018

18:06  III turun oyun cədvəli - Ölkə çempionatı

14:44  "Sabah" - "Sumqayıt" 1-4 VİDEO

14:34  "Sassuolo" - "İnter" 1:0 VİDEO

14:29  "Real" - "Xetafe" 2:0 VİDEO

10:30  İkinci turu nə qədər azarkeş izləyib? - Ölkə çempionatı

19.08.2018

22:35  "Torino" - "Roma" 0:1 VİDEO

20:09  "Sabah" - "Sumqayıt" -HEYƏTLƏR

18:11  "Neftçi" - "Qəbələ" -HEYƏTLƏR

16:26  "Astana"ya geri dönəcəm" - Qriqorçuk

12:45  "Latsio" - "Napoli" 1:2 VİDEO

   
  O Q H M T-f X
1. Neftçi 2 2 0 0 4-1 6  
2. Sabah 2 1 0 1 2-4 3  
3. Qarabağ 1 1 0 0 2-0 3  
4. Qəbələ 2 1 0 1 4-2 3  
5. Sumqayıt 2 1 0 1 4-3 3  
6. Zirə 1 0 1 2 2-2 1  
7. Keşlə 2 0 1 1 2-3 1  
8. Səbail 2 0 0 2 0-5 0  
19.08Səbail 1-4Sumqayıt
19.08Neftçi 2-1Qəbələ
18.08Zirə 2-2Keşlə
18.08Səbail 0-2Qarabağ
25.08Qəbələ -Sumqayıt
25.08Qarabağ -Neftçi
26.08Keşlə -Səbail
26.08Zirə -Sabah