Samir Abbasov: "Qərarı çoxdan vermişdim" - MÜSAHİBƏ

20.05.2018 | 2022 dəfə oxunub

“Sumqayıt”ın baş məşqçisi Samir Abasov Azərbaycan Premyer Liqasının XXVIII turunda doğma meydanda “Zirə”yə 1:2 hesabıyla məğlub olduqları oyundan sonra təşkil olunan mətbuat konfransında jurnalistlərin sualları cavablandırıb:

“Zirə”nin əvəzetmələri oyuna təsir etdi. Uduzmağımızın səbəbini deyə bilmərəm. Bu, mənim üçün “Sumqayıt”da sonuncu oyun idi. Kluba gələcəkdə uğurlar arzu edirəm. 

- Azarkeşlər sonda sizin üçün əl çaldılar, dəstəklədilər, ancaq reaksiya vermədiniz. İnciliklik varmı?

- Elə bir söhbət ola bilməz. Uduzduğumuz oyunda belə, bizə əl çaldılar. Azarkeşlərdən kim inciyə bilər? Artıq komadnaya xeyir verəcəyimə inanmıram. İllərdi burdayam, nələrisə dəyişməyə çalışdıq, ancaq bu siyasət mənə görə deyil. Reabilitasiya mərkəzinə çevrilmiş komandada hətta özüm üçün belə, nəsə etməyimə inanmıram. Rəhbərliklə danışığımızda Avroliqaya çıxacağımız təqdirdə, legioner oyunçu transferlərini olacağına razılaşmışdıq. Çıxmadığımıza görə, transferlər də olmayacaq. Bu şərtlər altında çalışa bilmərəm.

- Artıq 4 oyundu “Sumqayıt” qələbə qazana bilmir. Günah kimdədi?

- İstədiyinizin boynuna yıxa bilərsiz. Təkcə məşqçilik deyil, komandanın təzyiqdə olduğunu yazırlar. “Səbail”lə, “Qəbələ” ilə oyunlarda epizodlarımız oldu. Günah futbolçuların olmamağındadı, strategiyadadı.

- Rəhbərlik istefanı qəbul etməsə, nə edəcəksiz?

- Qərarı çoxdan vermişdim. Klublarla danışıq məsələsi yoxdu. “Sumqayıt”da qalmağı çox istəyirdim. Artıq boynuma alıram ki, mən bunu edə bilmirəm.

- Bu, təkcə “Sumqayıt”ın tipik problemidi, yoxsa Azərbaycan futbolunun?

- Normalda, qışdan sonra uğurlar olanda, rəhbərliklə danışırsan ki, filan mövqelərdə problemlər var, transfer lazımdı. Futboldan kənar bir şey istəmirdim. Növbəti mövsüm bu uşaqlarla nəsə dəyişəcəkmi? Boynuma alıram ki, mən bunu edə bilmərəm.

- Rəhbərliklə görüşüb, növbəti mövsümün planlarını müzakirə etmişdiz. Planlarınız qəbul olunmadı? Bir də, adınız “Qəbələ” ilə hallanır...

- Futboldan kənar şərtlərim yox idi. Avroliqaya çıxmadığımıza görə şərtlərim qəbul olunmayacaqdı. Mənim komandam reabilitasiya mərkəzi deyil. Məsələn, Cavid Hüseynov. Deyək ki, onu çox klub istəyir: biz, digərləri. Ancaq biz onu almaq üçün növbə gözləməliyik. Məşqçinin sistemi, fəlsəfəsi olmalıdı. Ona uyğun oyunçu seçməlidi. “Qəbələ”yə gəlincə, onların hazırda baş məşqçisi var. Məşqçi gedəndən sonra danışarıq.

- Strategiyanı AFFA müəyyənləşdirir. “Neftçi”, “Kəpəz”, onlar da federasiyadan maliyyələşir, bəs niyə onlara legioner olar, sizə yox?

- Bu strategiyanı kimin müəyyənləşdirdiyini bilmirəm. Rəhbərliklə danışanda, Avroliqaya düşsək, 95-100% transferlərin olduğunu dedilər. Alınmadı, söhbət bağlandı. Əlimizdə olan futbolçularla uğur qazana biləcəyimizə inanmıram. Bu oyunçularla bura kimi gəldik. “Sumqayıt”dakı eram bitdi. Azarkeşlər sağolsun, dəstəklədilər. Özümdə nəyisə dəyişəcəyimə inanmıram.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

16.10.2018

22:10  Millimizdən bərabərlik - Yenilənib

20:11  Norveç - Azərbaycan -HEYƏTLƏR

10:52  VIII turun hakim təyinatları - Premyer Liqamız

15.10.2018

10:16  Rusiya - Türkiyə 2:0 VİDEO

03:12  Azərbaycan - Malta 1-1 VİDEO

14.10.2018

22:45  "Doğru yoldayıq" - Malta millisinin baş məşqçisi

21:59  Millimiz yenə xal itirdi - YENİLƏNİB

19:09  Azərbaycan Malta - Heyətlər

13.10.2018

20:22  "Rüfəti vaxtında dəvət etdik" - Qurban Qurbanov

12.10.2018

11:48  UELS - İspaniya 1:4 VİDEO

11:45  İraq - Argentina 0:4 VİDEO

11:44  Fransa - İslandiya 2:2 VİDEO

   
  O Q H M T-f X
1. Qarabağ 3 2 1 0 4-1 7  
2. Neftçi 3 2 1 0 5-2 7  
3. Sabah 3 2 0 1 4-4 6  
4. Qəbələ 3 1 1 1 5-3 4  
5. Sumqayıt 4 1 1 2 5-5 4  
6. Səbail 3 1 0 2 2-6 3  
7. Zirə 2 0 1 1 2-4 1  
8. Keşlə 3 0 1 2 3-5 1  
26.08Keşlə 1-2Səbail
26.08Qarabağ 1-1Neftçi
25.08Zirə 0-2Sabah
25.08Qəbələ 1-1Sumqayıt
15.08Səbail -Zirə
15.08Sumqayıt -Qarabağ
16.08Sabah -Qəbələ
16.08Neftçi -Keşlə