Qara Qarayev: "Yəqin ki, klubumuzun rəhbəri, baş məşqçisi bu haqda düşünür" - MÜSAHİBƏ

22.05.2018 | 1277 dəfə oxunub

Azərbaycan Premyer Liqasının sonuncu - 28-ci turunda "Qəbələ"ni 1:0 hesabıyla məğlub edən "Qarabağ" mövsümü qələbə ilə başa vurub.

Stadium.Az xəbər verir ki, Ağdam təmsilçisininn futbolçusu Qara Qarayev oyundan sonra jurnalistlərin suallarını cavablandırıb.

- Ardıcıl 5-ci çempionluğu qazandınız. Hansı hissləri keçirirsən?
- Sevincliyik. Çünki hər bir titul bizim üçün önəmlidi. Qazandığımız nailiyyət bizim üçün gələcək karyeramıza görə çox vacibdi. Düşünürəm ki, bu, 2017/2018 mövsümünün çempionluğu deyil. Bu, 5 ildi daşıdığımız ağır yükün, məsuliyyətin çempionluğudu. Bu müddətdə həmin yükü qoruyub saxlaya bilmişik. Komandamızın bütün üzvlərini - futbolçularla yanaşı, məşqçilərimizi də təbrik edirəm. Uzun marafonda həqiqətən çox şey itirmişik - istər şəxsi həyatda, istərsə də zədə baxımından. Bütün bunlara baxmayaraq, istədiyimiz, lazımi nəticəyə gəlmişik. Nəhayət, bu nəticəni qazandıq. Danışılacaq çox şey var. Ancaq istəyirəm ki, bu gün danışmayım. İşimiz davam edir.

- Çempionluq nəyi dəyişir?
- Fərq etmir çempion olduq, ya yox. Sevindik, bitdi, işlərimiz başlayır. Yenidən milli komandaya, Azərbaycan futboluna xeyir verməliyik, çalışmalıyıq. Bütün hər kəsi - "Qarabağ"sevərləri, xüsusilə avrokuboklarda bizə təbrik edənləri, "Qarabağ"ı sevməyənləri də təbrik edirəm. "Azərsun Arena" tribunalarında boş yerləri görmək bizim üçün həqiqətən ağrılıdı. Qarşıdan böyük turnir gəlir və yəqin ki, tribunaları doldurarlar. Diqqəti bizdə olanlara - AFFA-dakılara, mətbuata xüsusi təşəkkür edirəm. Mövsüm başlayandan ağır, gərgin qrafikdə işlədilər. Futbolda yaxşı və ya pis cəhətləri ədalətli şəkildə işıqlandırdınız. Buna görə jurnalustlərə xüsusi təşəkkürümü bildirirəm.

- Sənə elə gəlmir ki, builki çempionluq əvvəlkilərlə müqayisədə daha rahat oldu?
- Sona 4 tur qalmış çempionluğu rəsmiləşdirdik. Bunu dana bilmərik. Mövsümün bitməsinədək qızıl medalları təmin edə bildik və bu reallıqdan qaça bilmərik. Lakin komandalarda xüsusilə bizə qarşı diqqət, aqressiya var idi. Sanki biz başqa turnir idik, Azərbaycan Premyer Liqası başqa. Heç kim bizə yenilmək istəmirdi. Bizimlə matçlar çətin oldu. Ancaq düşünürəm ki, budəfəki çempionluq əvvəlkilərdən bir az asan oldu.  

- Çempionlar Liqasında qrupa düşmək çətinləşib, reqlament dəyişib, çox güclü rəqiblər olacaq. Komanda bu sınaqdan çıxmağa hazırdımı, yoxsa heyətiniz güclənməlidi?
- Baş məşqçimizin də dediyi kimi, hər mərhələdə irəli getmək istəyiriksə, mütləq yeni, keyfiyyətli futbolçular lazımdı. Bir yox, bir neçə mövqeyə. Düşünürəm ki, bu il komandamızdan gedənlərin sayı çox olacaq. Müqaviləsi bitənlər də var, klubunu dəyişib xaricdə oynamaq istəyənlər də. Yəqin ki, klubumuzun rəhbəri, baş məşqçisi bu haqda düşünür. Yaxşı nailiyyətlər əldə etmək üçün mütləq yaxşı transferlər etmək lazımdı.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

16.10.2018

10:52  VIII turun hakim təyinatları - Premyer Liqamız

10:48  Millimiz Norveçə qarşı - Yenilənir

15.10.2018

10:16  Rusiya - Türkiyə 2:0 VİDEO

03:12  Azərbaycan - Malta 1-1 VİDEO

14.10.2018

22:45  "Doğru yoldayıq" - Malta millisinin baş məşqçisi

21:59  Millimiz yenə xal itirdi - YENİLƏNİB

19:09  Azərbaycan Malta - Heyətlər

13.10.2018

20:22  "Rüfəti vaxtında dəvət etdik" - Qurban Qurbanov

12.10.2018

11:48  UELS - İspaniya 1:4 VİDEO

11:45  İraq - Argentina 0:4 VİDEO

11:44  Fransa - İslandiya 2:2 VİDEO

   
  O Q H M T-f X
1. Qarabağ 3 2 1 0 4-1 7  
2. Neftçi 3 2 1 0 5-2 7  
3. Sabah 3 2 0 1 4-4 6  
4. Qəbələ 3 1 1 1 5-3 4  
5. Sumqayıt 4 1 1 2 5-5 4  
6. Səbail 3 1 0 2 2-6 3  
7. Zirə 2 0 1 1 2-4 1  
8. Keşlə 3 0 1 2 3-5 1  
26.08Keşlə 1-2Səbail
26.08Qarabağ 1-1Neftçi
25.08Zirə 0-2Sabah
25.08Qəbələ 1-1Sumqayıt
15.08Səbail -Zirə
15.08Sumqayıt -Qarabağ
16.08Sabah -Qəbələ
16.08Neftçi -Keşlə