Almeyda: "Buna görə də “Astana”ya keçməyə qərar verdim" - MÜSAHİBƏ

07.07.2018 | 380 dəfə oxunub

Astana”nın yeni transferi Riçard Almeyda sports.kz saytına müsahibə verib:

- Hər kəs sizin Avropa klublarından birinə keçəcəyinizə əmin idi. Son zamanlar pula görə ərəb klublarından gedəcəyiniz xəbərləri yayıldı. Amma siz "Astana"nı seçdiniz. Niyə?

- Bir neçə klubdan təklif almışdım. Ancaq ailəmlə birlikdə qərara gəldik ki, “Astana”ya getmək lazımdır. Çünki bu klub həmişə Çempionlar Liqası və ya Avropa Liqasının pley-off mərhələsi və ölkəsində çempionluğa oynayır. Hər il avrokubokların qrup mərhələsində mübarizə aparır.

- "Astana"nın təklifində nə diqqətiniz çəkdi ?

- Məni komandada görmək istəyirdilər və mənə inanırdılar. Məni burada olmağım üçün hər cür səy göstərdilər. Buna görə də “Astana”ya keçməyə qərar verdim.

 - Bəzi azərbaycanlı jurnalistlər kimi, siz də “Astana”nı tramplin hesab edirsiniz? Sizcə, Qazaxıstan çempionuna keçidi peşəkar karyeranızda irəliyə atılmış addımdır?

- Həyatımda verdiyim qərarlardan asılı olmayaraq, mən həmişə irəliləyirəm. Daim daha yüksəyə çalışmışam. Ən əsası, ailəm yanımdadır və mənə dəstəkləyirlər. “Astana”ya keçdiyim üçün şadam.

 - Baş məşqçi Roman Qriqorçuku yaxşı tanıyırsınız?

- Azərbaycanda dəfələrlə onun komandasına qarşı çox oynamışam. Onu yaxından tanımırdım, ancaq yaxşı məşqçiliklə yanaşı, həm də gözəl insan olduğunu bilirdim. Mənim bura gəlməyimdə öz rolunu oynadı. Qriqorçuk mənim necə işlədiyimi yaxşı bilir.

- “Astana” və Qazaxıstanla bağlı ilk təəssüratlarınız necədir?

- Təəssüratlar çox yaxşıdır. Bura gəldiyim ilk gündən hamı məni yaxşı qəbul etdi. Eyni zamanda klubun oyunçularına təklif olunan əla infrastruktur var.

- Azərbaycanda mövsüm mayda başa çatır, Qazaxıstanda isə davam edir. Bərpa olunmaq və gücünüzü toplamaq imkanınız oldu? Hazırda funksional durumunuzu necə dəyərləndirərdiniz?

- Əslində 100 faiz hazır deyiləm. Çünki mənə məşq etməyə mane olan problemlər var idi. Ancaq gündən-günə fiziki durumumu artırıram, çox çalışıram.

- Qazaxıstana qarşı Astanada keçirilən yoldaşlıq görüşündə Azərbaycan millisinin heyətində niyə çıxış etmədiniz? Bu oyuna baxdınızmı?

- Ayaq biləyim sişdiyi üçün oynaya bilmədim. Matça baxa da bilmədim. Çünki həmin vaxt təyyarədə idim, Braziliyaya istiraətə gedirdim.

 - “Astana”nın son matçını izlədiniz? Özünüzü komandanın hansı mövqeyində görürsünüz?

- Həm son, həm də ondan əvvəlki iki görüşü izlədim. Mənim rolum komanda yoldaşlarıma kömək etməkdi. Komandada əla futbolçular var.

- “Astana” gələn həftə Çempionlar Liqasında təsnifat mərhələsinə start verəcək. İlk oyun üçün iştirak ərizəsində olacaqsınız?

- Fikrimcə, bəli.

- “Astana” azarkeşlərinə nə demək istərdiniz?

- Onlar arxayın olsunlar ki, mən çalışmağı sevən insanam. Həmişə kollektivin maraqlarını üstün tuturam. Birlikdə yaxşı nəticələr əldə edə bilərik.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Fransa finalda - YENİLƏNİB
Son xəbərlər

15.07.2018

22:37  Ronaldo Turinə gəlib - FOTO

18:11  Fransa - Xorvatiya - HEYƏTLƏR

14.07.2018

17:19  Belçika - İngiltərə - HEYƏTLƏR

13.07.2018

12.07.2018

22:52  “Neftçi”dən inamlı qələbə - YENİLƏNİB

   
  O Q H M T-f X
1. Qarabağ 27 19 5 3 36:13 62  
2. Qəbələ 27 14 7 6 43:25 49  
3. Neftçi 27 13 4 10 37-27 43  
4. Zirə 27 11 8 8 34-29 41  
5. Sumqayıt 27 11 7 9 33:31 40  
6. Keşlə 27 7 7 13 28:39 28  
7. Səbail 27 6 5 16 19-38 23  
8. Kəpəz 27 3 5 19 17-45 14  
14.02Neftçi ---Qarabağ
14.02Zirə ---Səbail
14.02Sumqayıt ---Kəpəz
13.02Keşlə 1-1Qəbələ
01.04Kəpəz -Zirə
01.04Qarabağ -Keşlə
02.04Qəbələ -Sumqayıt
02.04Neftçi -Səbail