Mahir Emreli: "Bu, rəhbərlik səviyyəsində həll olunacaq bir işdir"

Mahir Emreli: "Bu, rəhbərlik səviyyəsində həll olunacaq bir işdir" - MÜSAHİBƏ

17.12.2019 | 6246 dəfə oxunub

"Qarabağ"ın hücumçusu Mahir Emreli Azərbaycan kubokunun 1/4 final mərhələsinin ilk oyununda"Keşlə" üzərində 1:0 hesablı qələbədən təşkil olunan brifinqdə jurnalistlərin suallarını cavablandırıb:

- Həqiqətən bərabər səviyyəli oyun gedirdi. Sadəcə ikinci hissədə topa daha çox nəzarət etməyə başladıq. Sonda da şükürlər olsun ki, qol vura bildik. Buna görə də cavab qarşılaşmasına yaxşı əhval-ruhiyyə ilə hazırlaşacağıq. Amma bu nəticə hələ heç nə demək deyil. Çünki 1 top elə böyük fərq deyil. 3 gün vaxtımız var. Düşünürəm ki, bu müddət ərzində ikinci görüşə hazırlaşmaq lazımdır.

- Ümumiyyətlə, "Keşlə" ilə ardıcıl 2-ci dəfə qarşlaşırsınız. Hələ cavab görüşü də var. Yəni, ardıcıl 3 matçda 1 rəqibə qarşı oynamaq motivasiya verir, yoxsa çətinlik yaradır?

- Düzdür, köklənmək bir az çətin olur. Amma sonda düşünmək lazımdır ki, əlimizdə olan budur. Bu, bizim işimizdir. Ona görə də heç bir bəhanə uydurmalı deyilik ki, rəqib eynidir və ya son matçdır. Çıxıb, öz oyunumuzu oynamalıyıq.

- Öz meydanınızda qol buraxmadan 1:0 hesabı ilə qələbə qazanmağınız hardassa üstünlük sayılır. Cavab görüşü üçün şansları necə dəyərləndirirsiniz?

- Bizim və ya onların üstün olduğunu deyə bilmərəm. Mənə görə qarşıdakı oyun üçün şanslar bərabərdir.

- İl başa çatır. Kimi Azərbaycanın ən yaxşı futbolçusu sayırsınız? Özünüzu və ya başqa bir futbolçunu?

- Özümü demək istəmərəm. Kimi layiq görürlərsə, ona da qismət olar.

- Ötən mövsüm Azərbaycan Premyer Liqasının bombardiri olmusunuz. Bu il fərqlənməyə nə mane olur?

- Özünüz bilirsiniz, 3 dəfə ard-arda zədə aldım. Ola bilər ki, bu, məni bir az geri saldı. Düzdür, 1 matç qalıb. Amma çalışacağam ki, gələcək mövsümə daha yaxşı formada olum.

- Fasilədən sonra daha yaxşı Mahir görə biləcəyik?

- İnşallah, təlim-məşq toplanışında maksimum hazırlaşıb, fasilədən sonra daha yaxşı formada olacağam.

- Milli komandada baş məşqçi vəzifəsi üçün Prosineçkinin adı hallanır. Bu mütəxəssisin dövründə də millidə çıxış etmisiniz. Prosineçkinin yığmanı çalışdırmasının tərəfdarısınızmı? Ümumiyyətlə, yerli məşqçinin gətirilməsini istəyərsiniz, yoxsa əcnəbi?

- Onun dövründə də komanda yaxşı oyun göstərirdi. Ən azından hər bir rəqibə qarşı başabaş mübarizə aparırdıq. Amma baş məşqçi kim olur, olsun, hər bir futbolçu milli komanda üçün canını qoymalıdır. Bu, rəhbərlik səviyyəsində həll olunacaq bir işdir.

- Rəşad Sadıqov deyib ki, Prosneçkinin qayıdışını istəyirəm. Bəs, siz bunu istəyirsiniz?

- Mən də qayıtmağını istəyərəm.

Moyesin oğlu onunla bərabər çalışacaq	Rahilin komandası səfərdə qalib gəldi	Azərbaycanın 4 boksçusu Avropa birinciliyinə qələbə ilə başladı
Fransa klubu NBA-dan oyunçu gətirdi	PSJ Verrattini satır	"Turan Tovuz" "Adana Demirspor"a məğlub oldu
Şeydayevin "Buriram Yunayted" nə vaxt debüt edəcəyi dəqiqləşdi	Azərbaycan klubu İngiltərə yığmasının sabiq üzvü ilə anlaşdı	Lənkəranda yeni komanda yaradıldı- Federasiyanın dəstəyi ilə
Millimiz Litvaya qarşı	Millimizin qapıçısı komandasında qaldı	"Neftçi" Niderland millisini məğlub etdi

		O	Q	H	M	T-f	X

1.	Neftçi	28	18	5	5	47-25	59
2.	Qarabağ	28	16	9	3	64-18	57
3.	Sumqayıt	28	10	9	9	30-31	39
4.	Zirə	28	8	14	6	28-28	38
5.	Sabah	28	7	8	13	28-39	29
6.	Keşlə	28	5	11	12	25-40	26
7.	Qəbələ	28	5	11	12	23-44	26
8.	Səbail	28	5	9	14	21-42	24

08.05	Səbail	---	Neftçi
08.05	Keşlə	---	Sumqayıt
09.05	Zirə	---	Qəbələ
09.05	Sabah	---	Qarabağ

14.05	Sumqayıt	-	Neftçi
14.05	Qarabağ	-	Keşlə
14.05	Qəbələ	-	Sabah
14.05	Zirə	-	Səbail

Mahir Emreli: "Bu, rəhbərlik səviyyəsində həll olunacaq bir işdir" - MÜSAHİBƏ

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023