Ramil Şeydayev: "Artıq bu zaman bununla heç nə etmək olmaz" - MÜSAHİBƏ

20.03.2020 | 1107 dəfə oxunub

Millimizin futbolçusu Ramil Şeydayev növbəti ad gününü Vətənində qeyd etdi. Artıq bir müddətdir "Sabah"a keçən hücumçunun martın 15-də 24 yaşı tamam oldu.

Ancaq ötən həftəsonu Premyer Liqamız koronavirus pandemiyasına görə uzun müddətə təxirə salındığından Ramilin budəfəki doğum günü futbolsuz dönəmə təsadüf etdi. Şeydayev müsahibəsində ilk olaraq ad gününü necə keçirməsiylə bağlı sualı cavablandırıb.

- Ad günümü qeyd etmədim. Bunun yeri yox idi. Artıq çoxdandır bu ənənəni təxirə salmışam.

- Elə isə Ramil Şeydayev hazırkı karantin vəziyyətində gününü necə keçirir? Formanı necə saxlayırsan?

- Klubda bizə proqram verdilər ki, buna əsasən hazırlığım üzərində səy göstərməliyəm. Çalışıram ki, işləyim, formamı saxlayım.

- Bu fərdi hazırlıq proqramının detallarını bilmək olarmı?

- Məxfi informasiyadır (gülür).

 - Bəs, özünü koronavirusdan necə qoruyursan?

- Daha çox evdə otururam. Çalışıram ki, adamların çox olduğu yerlərdə olmayım. Necəsə belə yollarla çalışıram.

- Yəqin ki, spirt daim yanında olar...

- Antiseptik, bəli (gülür).

- Rusiyada olan ailə üzvlərin, doğmalarınla əlaqən hər gün olar. Necədir orda vəziyyət?

- Bəli, Allaha şükür hər şey yaxşıdır.

- Hələ ki, vəziyyət belədir ki, ölkəmizdə futbol ən yaxşı halda bir aydan sonra bərpa olunacaq. Bundan sonra çempionatın səviyyəsini, komandaların durumunu necə təsəvvür edirsən? Çətinliklərin öhdəsindən necə gələcəksiniz?

- Ümid edirəm ki, hər şey normal olacaq. Ola bilər ki, ilkin olaraq bir neçə matç çətin olsun. Ancaq sonradan hər şey adi vəziyyətə qayıdacaq.
 
- Bəs, çempionatı bərpa etmək mümkün olmasa, mövsümü indidən bitirmək elan olunsa, Premyer Liqada ilk yerdə gedən 4 komanda avrokuboklara yollanmalı olsa? Bu qərarı necə qarşılayacaqsan?

- Belə qərar versələr, deməli, belə olması lazımdır. Artıq bu zaman bununla heç nə etmək olmaz. Kimsə bu qərarın düzgün olmadığını göstərsə belə, o, ləğv olunmayacaq. Ancaq əlbəttə, belə olmasını istəməzdik.

- Və son olaraq. Özünə 25 illik yubileyinədək nə arzulayırsan? Həm futbolçu karyeranda, həm də şəxsi həyatda...

- Özümə heç nə arzulamıram. Ulu Tanrı mənə həyatda nə verəsəksə, o da olacaq. (sport24.az). 



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

03.07.2020

01:53  "Real" - "Xetafe" - 1:0 VİDEO

02.07.2020

02:05  "Spal" - "Milan" - 2:2 VİDEO

01.07.2020

15:22  Günün oyunlarına necə baxaq? - TV AFİŞA

01:20  "Torino" - "Latsio" - 1:2 VİDEO

30.06.2020

14:14  Günün oyunlarına necə baxaq? - TV AFİŞA

29.06.2020

13:07  Günün oyunlarına necə baxaq? - TV AFİŞA

02:04  "Parma" - "İnter" - 1:2 VİDEO

02:00  "Espanyol" - "Real" - 0:1 VİDEO

28.06.2020

22:01  "Lester" - "Çelsi" - 0:1 VİDEO

21:55  "Milan" - "Roma" - 2:0 VİDEO

15:37  Günün oyunlarına necə baxaq? - TV AFİŞA

27.06.2020

16:29  Günün oyunlarına necə baxaq? - TV AFİŞA

26.06.2020

   
  O Q H M T-f X
1. Qarabağ 20 13 6 1 34-7 45  
2. Neftçi 20 10 7 3 34-14 37  
3. Keşlə 20 8 6 6 27-21 30  
4. Zirə 20 6 5 9 25-37 23  
5. Sumqayıt 20 6 5 9 24-31 23  
6. Sabah 20 5 6 9 19-27 21  
7. Səbail 20 5 5 10 16-30 20  
8. Qəbələ 20 5 4 11 15-35 19  
21.06Zirə ---Neftçi
21.06Sabah ---Keşlə
21.06Qarabağ ---Qəbələ
21.06Sumqayıt ---Səbail
21.06Qarabağ -Qəbələ
21.06Sumqayıt -Səbail
21.06Zirə -Neftçi
21.06Sabah -Keşlə