İslamiada: Cüdoçularımızdan ilk gündə 4 qızıl, 5 gümüş medal - YENİLƏNİB

13.05.2017 | 2726 dəfə oxunub

Bu gün IV İslam Həmrəyliyi Oyunlarında cüdo və paracüdo yarışlarına start veriləcək. Stadium.Az xəbər verir ki, ilk olaraq  9 çəki dərəcəsində mükafatçılar bəlli olacaq.

Kişilərin mübarizəsində 60, 66 və 73 kq, qadınlarda 48, 52, 57 və 60 kq, paracüdoda isə qadınlar 57 və 70 kq çəki dərəcəsində qalibləri müəyyənləşdirəcəklər.

Kişilər

60 kq

Bu çəki dərəcəsində yarışan Orxan Səfərov mübarizəyə 1/4 finaldan başlayıb. Cüdoçumuzun ilk rəqibi Ali Xosrof (Yəmən) olub. Səfərov 48 saniyəyə qələbə qazanıb. O, yarımfinalda qırğızıstanlı Otar Bestayevlə mübarizə aparıb. Səfərov rəqibinə şans verməyib. Təmsilçimiz finalda Bəkir Özlü (Türkiyə) ilə münasibətinə aydınlıq gətirib. O, döyüşə heç də yaxşı başlamayıb. Lakin hesabda geridə olmasına baxmayaraq, son anda toparlanıb çempion tituluna yiyələnib.  

66 kq

Nicat Şıxəlizadə də yarışa 1/4 finalla start verib. Avropa çempionatının bürünc mükafatçısı Eisa Macraşidən (Səudiyyə Ərəbistanı) üstün olub. Həmyerlimiz yarımfinalda Əlireza Xojastehlə (İran) münasibətinə aydınlıq gətirib. Şıxəlizadə bu qarşılaşmanı da xeyrinə bitirib. O, finalda əlcəzairli Houd Zourdani ilə güləşib. Şıxəlizadəyə çıxışını qızıl medalla başa vurmaq üçün cəmi 45 saniyə kifayət edib. Rəqibinə ipponla qalib gələn Nicat fəxri kürsünün ən yüksək pilləsinə qalxıb.

73 kq

Avropa çempionu Hidayət Heydərov 1/8 finalda toqolu Frederik Adebayo Olimpionu sınağa çəkib. Həmyerlimiz rəqibini 68 saniyəyə ippona salıb. O, ikinci cəhdində Bekadil Şaymerdenovla (Qazaxıstan) güləşib. Bu rəqib də Heydərova qalib gələ bilməyib. Onun ardınca Qiyosjon Boboyevi (Özbəkistan) də məğlub edən təmsilçimiz mübarizəni finalda davam etdirəcək.

Bu çəkidə ölkəmizi təmsil edən Olimpiya Oyunlarının bürünc mükafatçısı Rüstəm Orucov da İslamiadaya qələbə ilə başlayıb. O, 1/8 finalda Behrusi Xocazadəni (Tacikistan) mübarizədən kənarlaşdırıb. Orucov yarımfinala gedən yolda iordaniyalı Yunis Odatı da ipponla məğlub edib. O növbəti deulində türkiyəli Həsən Vanlıoğlunu sınağa çəkib. Rüstəm bu dəfə rəqibindən güclü olduğunu sübut edib.

Nəticədə finalda Azərbaycan dueli olub. Heydərov Rüstəmovla qarşılaşıb. Hidayət fevral Parisdə keçirilən "Böyük dəbilqə"də Olimpiya mükafatçısına qızıl xalla qalib gəlmişdisə, bu dəfə onu ippona salıb. 

Qadınlar

48 kq

Bu çəki dərəcəsində mübarizə aparan Aişə Qurbanlı yarışa yarımfinaldan başlayıb. O, ilk cəhdində iordaniyalı Ayah Kitaneyə heç bir şans verməyib.

Digər təmsilçimiz Erdenebat Bazarraqça isə qazaxıstanlı Səltənət Sultanbekova və mərakeşli Vafai Şofre İdrissi ilə birlikdə dairəvi sistemlə ikinci finalçının adına aydınlıq gətirib. Hər iki rəqibi üzərində qələbə qazanan Bazarraqça finala adlayıb. Onun həlledici görüşdəki rəqibi Aişə Qurbanlı olub. Gərgin keçən döyüş monqol əsilli idmançının qələbəsi ilə yekunlaşıb. Nəticədə Bazarraqça cüdo yığmamıza ilk qızıl, Qurbanlı ilk gümüş medalı qazandırıb.

52 kq

Nəzakət Əzizova yarışa 1/4 finalla start verib. O, ilk olaraq qabonlu Ester Korine Evala Bondime ilə mübarizə aparıb. Həmyerlimiz cəmi 49 saniyəyə qələbə qazanıb. Əzizova finala gedən yolda özbəkistanlı Diyora Keldiyorova ilə qüvvəsini yoxlayıb və mərhələ adlayıb. O, finalda türkiyəli İrəm Qorxmazla qarşılaşıb. Bu dəfə məğlubiyyətə üzülən Əzizova gümüş medalla kifayətlənib.  

57 kq

Yığmamızın yeni legioneri Munxtsedev İçinxorlu 1/8 finalda iordaniyalı Hadel Elalmi ilə görüşüb. Təmsilçimiz mərhələ keçməkdə çətinlik çəkməyib. O, 1/4 finalda Ratiba Tariket (Əlcəzair) ilə güləşib və ipponla uduzub. Buna baxmayaraq, o, medal şansını davam etdirib. İçinxorlu təsəlli görüşündə Amangül Allanazarovanı (Özbəkistan) üstələyərək, bürünc medal uğrunda Fil Dişi Sahilidən olan Züleyxa Dabonne ilə görüşüb. Lakin o, bu dəfə də məğlubiyyətə üzülüb.

Kifayət Qasımovanın da ilk cəhdi 1/8 finala təsadüf edib. Mərakeşli Yusra El Buhariyə ipponla qalib gələn cüdoçumuz ardınca qığızıstanlı Kseniya Beldiaginanı da vaxtından əvvəl məğlub edib. O, yarımfinalda Züleyxa Dabonne (Fil Dişi Sahili) ilə gücünü yoxlayıb və yenə tatamidən qalib kimi ayrılıb. Qasımovanın finaldakı rəqibi digər cüdoçumuz Munxtsedev İçinxorlunu 1/4 finalda məğlub edən Ratiba Tariket olub. Kifayət də onun müqavimətini qıra bilməyib. Müəyyən müddətdən sonra tatamiyə qayıdan xanım cüdoçumu gümüş medala yiyələnib.

63 kq

Xanım Hüseynovanın ilk rəqibi türkmənistanlı Ayna Cumaquliyeva olub. Təmsilçimiz ipponla mərhələ adlayıb. O, yarımfinalda Məryəm Bjaoui (Tunis) ilə qarşılaşıb. Bu rəqibini də mübarizədən kənarlaşdıran Hüseynova finalda türkiyəli Busra Katipoğlu ilə üz-üzə gəlib. Lakin Xanim uğurunu davam etdirə bilməyib. O, ikinci yeri tutub.

Cüdo yarışları mayın 13-16-da Heydər Əliyev adına Bakı İdman Sarayında keçiriləcək.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

17.06.2018

21:20  Braziliya – İsveçrə - HEYƏTLƏR

21:07  Almaniya – Meksika 0:1 VİDEO

18:31  Almaniya – Meksika - HEYƏTLƏR

15:40  Kosta Rika – Serbiya - HEYƏTLƏR

15:16  Neymarın yeni imici - FOTO

01:30  Xorvatiya - Nigeriya 2:0 VİDEO

00:48  Peru - Danimarka 0:1 VİDEO

16.06.2018

17:10  Fransa – Avstraliya 2:1 VİDEO

16:20  Argentina - İslandiya - HEYƏTLƏR

13:24  Fransa - Avstraliya - HEYƏTLƏR

15.06.2018

21:33  Mərakeş – İran 0:1 VİDEO

21:10  Portuqaliya - İspaniya - HEYƏTLƏR

18:52  Misir – Uruqvay 0:1 VİDEO

14.06.2018

18:26  Efirə lüt çıxacaq - ölkəsi çempion olsa

13.06.2018

   
  O Q H M T-f X
1. Qarabağ 27 19 5 3 36:13 62  
2. Qəbələ 27 14 7 6 43:25 49  
3. Neftçi 27 13 4 10 37-27 43  
4. Zirə 27 11 8 8 34-29 41  
5. Sumqayıt 27 11 7 9 33:31 40  
6. Keşlə 27 7 7 13 28:39 28  
7. Səbail 27 6 5 16 19-38 23  
8. Kəpəz 27 3 5 19 17-45 14  
14.02Neftçi ---Qarabağ
14.02Zirə ---Səbail
14.02Sumqayıt ---Kəpəz
13.02Keşlə 1-1Qəbələ
01.04Kəpəz -Zirə
01.04Qarabağ -Keşlə
02.04Qəbələ -Sumqayıt
02.04Neftçi -Səbail