Rövnəq Abdullayev: "Cüdoçularımız 2017-ci il ərzində möhtəşəm qələbələr qazandılar"

26.12.2017 | 772 dəfə oxunub

Bakı İdman Sarayında kişi, qadın və usta cüdoçular arasında təşkil olunan Azərbaycan çempionatının açılış mərasimi keçirilib.

Stadium.Az xəbər verir ki, tədbirdə ilk olaraq  iştirakçı komandalar meydana dəvət olunublar.

Ardınca gənclər və idman naziri Azad Rəhimov, Milli Olimpiya Komitəsinin vitse-prezidenti Çingiz Hüseynzadə və Dövlət Təhlükəsizliyi Xidmətinin rəisi Mədət Quliyev çıxış edərək ölkəmizdə idmanın və Olimpiya Hərəkatının sürətli inkişafından, paytaxt və bölgələrimizdə müasir olimpiya idman komplekslərinin tikilməsindən söhbət açıblar. Natiqlər idmançılarımıza yüksək səviyyədə dövlət qayğısının göstərilməsindən və bunun sayəsində atletlərimizin, xüsusilə də cüdoçularımızın beynəlxalq arenalarda qazandıqları uğurlardan bəhs ediblər. Çıxışçılar tədbir iştirakçılarını Dünya Azərbaycanlılarının Həmrəylik Günü və Yeni il bayramı münasibətilə təbrik ediblər və idmançılara çempionatda uğurlar diləyiblər.

Sonra Azərbaycan Cüdo Federasiyasının prezidenti Rövnəq Abdullayev çıxış edərək cüdoçularımızın 2017-ci il ərzində qazandıqları möhtəşəm qələbələrdən söhbət açıb. O, idmançılara ölkəmizi beynəlxalq arenalarda layiqincə təmsil etdiklərinə görə dərin təşəkkürünü çatdırıb və növbəti ildə bu uğurların davamını gətirmələri üçün onlara hər cür şəraitin yaradılacağını bildirib. Abdullayev çıxışının sonunda çempionatı açıq elan edib və hər bir cüdoçuya qələbə arzulayıb.

Azərbaycan respublikasının dövlət himni səsləndirildikdən sonra, 2018-ci ildə ölkəmizdə təşkil olunacaq cüdo üzrə dünya çempionatının rəsmi loqosunu əks etdirən videoçarx nümayiş olunub.

Rəsmi hissə başa çatdıqdan sonra açılış mərasiminə tanınmış incəsənət ustalarının iştirakı ilə  keçirilən bədii hissə ilə yekun vurulub. 



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

25.02.2018

24.02.2018

17:18  "Neftçi" - "Zirə" - HEYƏTLƏR

15:37  "Səbail" - "Qəbələ" - HEYƏTLƏR

12:41  "Qarabağ Vyana"nın yeni stadionu - TV AFİŞA

01:24  MOİK – “Ağsu” 2:0 VİDEO

23.02.2018

22.02.2018

21.02.2018

   
  O Q H M T-f X
1. Qarabağ 16 13 2 1 26:6 41  
2. Qəbələ 17 11 2 4 31:17 35  
3. Zirə 17 9 5 3 26-15 26  
4. Sumqayıt 16 7 3 6 20:18 24  
5. Neftçi 17 6 2 9 19-19 20  
6. Səbail 17 5 2 10 12-24 17  
7. Keşlə 16 3 3 10 11:25 12  
8. Kəpəz 16 2 1 13 10-31 7  
25.02Keşlə ---Sumqayıt
25.02Qarabağ ---Kəpəz
24.02Neftçi 1-1Zirə
24.02Səbail 2-1Qəbələ
24.02Neftçi -Zirə
24.02Səbail -Qəbələ
25.02Keşlə -Sumqayıt
25.02Qarabağ -Kəpəz