- “Xəzər Lənkəran” indi ağır günlərini yaşayır. Buna görə də, hamımız üzlürük. Ancaq çox döyüşkən komanda yaradıblar. Meydana çıxan hər bir futbolçuları özünü göstərmək istəyir. Həm öz oyunlarını düzəltmək, həm də başqa yaxşı komandaların diqqətini çəkmək üçün əllərindən gələni edirdilər. Birinci hissədə çox çətin oldu. Ancaq cərimə zərbəsindən qol vurduqdan sonra oyunun məcrasın öz xeyrimizə dəyişə bildik.
- Demək olar ki, cərimə zərbəsindən vurulan qol sizin üçün dönüş nöqtəsi – qırılma anı oldu?
- Təbii ki, razıyam. Çünki rəqib qapısına yaxınlaşa bilmirdik. Çox sıx müdafiə olunurdular. Ancaq qol vurandan sonra onlarda da özünəniam itdi və biz də bundan lazımınca istifadə edib istədiymizi etdik.
- 4 oyundan sonra ilk qələbədir. Sizcə “qara zolaq”dan çıxdız, yoxsa zəif “Xəzər Lənkəran” qələbəsi sizi aldatmamalıdır?
- Təbii ki, biz buna görə arxayınlığa qapılmamalıyıq. Lider komanda elədir ki, daim qələbə qazanmalıdır. İndi bizə yaxın komandalar olan “Zirə”, “Qəbələ”, “Kəpəz” də qələbə qazanır. Buna görə hər oyunda maksimum nəticə qazanmalıyıq. Mən buna “qara zolaq” da deməzdim. Çünki xal fərqində bütün rəqiblərimizi qabaqlayırıq və xeylən öndəyik. Əsas odur ki, oyunumuzu tapaq və qələbələrimizi qazanaq.
- Demək istəyirsən ki, çümpionatın aşkar lideri “Qarabağ”dı?
- Hazırda haçıdan öndəyik də.
- Xal hesabında yox, ümumiyyətlə...
- Yox, xal hesabında deməzdim. “Zirə” də arxadan gəlir, onlar da yaxşı çıxış edirlər. Kim desə ki, çempionat çox zəifdir, mən bununla razı deyiləm. Çox gərgin keçir oyunlar.
- “Xəzər Lənkəran” bir dəfə də olsa qapını qarşısında ciddi qol epizodu yarada bilmədi. Maraqlıdı belə komandaya qarşı oynamaq?
- Belə komandaya qarşı oynamaq çox çətindi. Çünki başqa komanda həm oynayır, həm də oynamağa imkan yaradır. Ancaq müdafiəyə qapanan komandaya qarşı oynamaq çətinlik yaradır. Nə özləri oynayırlar, nə də oynamağa imkan ayardırlar. İndi əsas məsələ odur ki, biz qələbəmizi qazandıq.