Ramin Musayev: "Bu üsul bir ləzgi xəncəridi, kəsəcəm başını" - MÜSAHİBƏ

17.02.2018 | 3863 dəfə oxunub

PFL prezidenti Ramin Musayev “Sumqayıt” - “Neftçi” oyunundan sonra jurnalistlərin suallarını cavablandırıb:

- Matç haqqında nə deyə bilərsiz?

- Maraqlı və sürətli oyun oldu. Bəyənilsin.

- Klub prezidentlərinin dəyişiklikləri ilə bağlı nə düşünürsüz?

- Nə deyə bilərəm? Belə məsləhət biliblərsə, belə də olmalıdı.

- Sizcə, Premyer Liqa klublarının prezidentlərinin yerdəyişməsi qəribə deyil?

- Yerdəyişmə olmayıb axı. Əgər “Neftçi”nin də prezidenti “Sumqayıt”a keçsəydi, onda yerdəyişmə olardı.

- Yaxşı, prezidentin bir klubdan digərinə keçməsi düzgündü?

- O sualı mənə yox, keçən adamın özünə vermək lazımdı. Amma əgər belə məsləhət görülübsə ki, gedib orda çalışmalıdı, bunu artıq şərh etməyə gərək yoxdu. Görürsüz ki, “Sumqayıt” gözəl oyun nümayiş etdirir. Yəqin həmin insana olan inamdı ki, “xalq komandası” “Neftçi” ona həvalə olunub.

- Bəs bu dəyişikliyin oyundan bir gün qabaq baş tutmasını necə qəbul edirsiz?

- Əgər olmalıdısa, olacaq. Bir gün gec, bir gün tez, nə fərqi var? Mən burda qəbahət bir şey görmürəm.

-  Tərlan Əhmədovla bağlı yenə açıqlama vermisiz və onu öz üsullarınızla cəzalandıracağınızı demisiz. Üsullarınız nədi?

- Bu üsul bir ləzgi xəncəridi, kəsəcəm başını. Nə cəza verəsiyəm ee, küsürəm, bu da bəs edir ona. Dost dostdan inciməyi necə olur?

- Məsələnin kökündə nə dayanır?

- Heç nə dayanmır. Bunu niyə belə şişirdirsiz? Sadəcə xətrini istədiyim insandı, istəyirəm ki, adını yaxşı şeylərdə eşidim.

- Kamran Quliyev deyib ki, bu, bizim kluba qarşı təzyiqdi...

- Təzyiqdi? Siz ədəbiyyatı yaxşı bilirsiz? Çıxışımı oxuduz? Orda təzyiqli bir cümlə var?

- Hər halda klub prezidenti elə qəbul edib...

- Kim necə istəsə qəbul edə bilər. Mən də sizə sual verirəm, çıxışımda, kluba, işçilərinə, kiməsə təzyiq edəcək nəsə var? Deməli bu boş söhbətdi.

- Ölkə kuboku məsələsini soruşmaq istərdik...

- Kubokun finalı əvvəldən də deyildiyi kimi mayın 28-də olacaq və hamımız birlikdə gedəcəyik Qəbələyə.

- Böyükağa Hacıyev hazırda ağır vəziyyətdədi. Onu ziyarət etmisiz?

- O, mənim yanıma gəlməyib, mən də getmirəm.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail