Yurgen Klopp Messini Ronaldodan üstün sayır

"Liverpul"un baş məşqçisi Yurgen Klopp Kriştiano Ronaldo ilə Lionel Messi arasında seçimini edib. Stadium.Az xəbər verir ki, alman mütəxəssis, Messiyə daha çox simpatiya bəslədiyini etiraf edib.

“Mənə görə Messi, ancaq Ronaldoya da böyük hörmətim var. Bu sualı belə cavablandıra bilərəm. İkisinə də qarşı oynamışam və hər ikisinə qarşı müdafiə olunmaq demək olar ki, mümkünsüzdür. "Möhtəşəm bir futbolçu təsvir edin" desəniz, yəqin ki, Ronaldonu deyərəm.

O, qüsursuz peşəkardır və bundan daha yaxşı ola bilməzdi. Qeyri-adi şeyləri sadələşdirən balaca bir Messi var. Buna görə də, futbolçu olaraq Messini daha çox sevirəm. Ronaldo da möhtəşəmdir”.