Qurban Qurbanov: "Həmişəki kimi deyil, fərqli dəyişikliklər etdik"

Qurban Qurbanov: "Həmişəki kimi deyil, fərqli dəyişikliklər etdik" - MÜSAHİBƏ

12.04.2021 | 3456 dəfə oxunub

“Qarabağ”ın baş məşqçisi Qurban Qurbanov Azərbaycan Premyer Liqasının 22-ci turunda “Sumqayıt”la keçirilən oyundan (4:1) sonra mətbuat konfransında jurnalistlərin suallarını cavablandırıb:

- Futbolçularımı təbrik edirəm. Bu gün çox dinamik, istəkli komandaya qarşı oynadılar. Rəqib sona qədər oyundan qopmadı, daim nəticə, düzgün oyun üçün ən yaxşısını etməyə çalışdı. Vacib qalibiyyət idi. “Sumqayıt”a qarşı oynamaq mənim və futbolçularım üçün xoşdur. Qarşıdakı oyunlarda daha diqqətli olmalıyıq. Problemlərimiz olsa da, meydandakı oyunçular oyun nizam-intizamını qorumaq üçün çalışdılar.

- Mahir Emreli, Qara Qarayev və Xayme Romeronun son durumu nə yerdədir?

- Qara və Mahir bu günə kimi fərdi məşq edirdilər. Qara son məşqin bəzi hissəsində komanda ilə birgə oldu. Bəlkə də, oynaya bilərdi, amma risk etmədik. Mahirin “Səbail”lə görüşdə iştirakı sual altındadır. Romeronun da mikrozədəsi var idi. Bu həftə kollektivlə 40-50 faiz məşq etmişdi. Onun da bu gün meydana çıxması riskli idi.

- Bu gün heyəti qurarkən “Sumqayıt”ı 6:1 hesabı ilə məğlub etdiyiniz oyunu nəzərə almışdınız?

- Həmin vaxtkı heyət yadımda deyil. Bu gün futbolçu sayında da problemlərimiz var. Tam hazır olanlar meydanda idi. Həmişəki kimi deyil, fərqli dəyişikliklər etdik. Abdullah Zubiri daha tez əvəzlədik.

- Rəqibin baş məşqçisi 4-cü hakimdən şikayətləndi. Siz kənarda hakimlikdən təzyiq hiss etmədiniz?

- Bu gün biz tərəfdən belə bir şey yox idi. Ayxan müəllim tərəfə baxmadım. Bəzi oyunlarda hakimlər etirazlarını bildiriblər. Ümumilikdə çox səs-küy olmağı xoşlamıram. Amma futbol emosional oyundur. Hakimin məşqçiyə etirazını bildirməsi də futbolun gözəlliklərindəndir.

- Qarşıdan ölkə kuboku da gəlir. Heyətdəki itkiləri nəzərə alsaq, hər iki turnirdə sona qədər yarışmaq çətin olmayacaq?

- Bu turnirlərdə qalib gəlmək istəyiriksə, çətinlikləri göz önünə gətirməliyik. İnşallah, qarşıdakı oyunlarda heyətimiz düzələr, sağlam futbolçuların sayı çox olar. Çempionatda qalib gəlməklə, kuboku qazanmaq fərqli prestijdir. Sıx qrafikə düşürük. Doğru addımlar atmağa, rotasiyalar etməyə çalışacağıq.

- “Neftçi”nin uğursuz nəticələri futbolçularınıza psixoloji cəhətdən təsir göstərmir?

- İlk növbədə öz oyunumu düşünürük. Nə qədər desək ki, fikrimiz öz oyunumuzdadır, amma futbolçularda istər-istəməz bu hissiyyat ola bilər. Amma biz öz nəticəmizi düşünərək oynayırıq.

Moyesin oğlu onunla bərabər çalışacaq	Rahilin komandası səfərdə qalib gəldi	Azərbaycanın 4 boksçusu Avropa birinciliyinə qələbə ilə başladı
Fransa klubu NBA-dan oyunçu gətirdi	PSJ Verrattini satır	"Turan Tovuz" "Adana Demirspor"a məğlub oldu
Şeydayevin "Buriram Yunayted" nə vaxt debüt edəcəyi dəqiqləşdi	Azərbaycan klubu İngiltərə yığmasının sabiq üzvü ilə anlaşdı	Lənkəranda yeni komanda yaradıldı- Federasiyanın dəstəyi ilə
Millimiz Litvaya qarşı	Millimizin qapıçısı komandasında qaldı	"Neftçi" Niderland millisini məğlub etdi

		O	Q	H	M	T-f	X

1.	Neftçi	28	18	5	5	47-25	59
2.	Qarabağ	28	16	9	3	64-18	57
3.	Sumqayıt	28	10	9	9	30-31	39
4.	Zirə	28	8	14	6	28-28	38
5.	Sabah	28	7	8	13	28-39	29
6.	Keşlə	28	5	11	12	25-40	26
7.	Qəbələ	28	5	11	12	23-44	26
8.	Səbail	28	5	9	14	21-42	24

08.05	Səbail	---	Neftçi
08.05	Keşlə	---	Sumqayıt
09.05	Zirə	---	Qəbələ
09.05	Sabah	---	Qarabağ

14.05	Sumqayıt	-	Neftçi
14.05	Qarabağ	-	Keşlə
14.05	Qəbələ	-	Sabah
14.05	Zirə	-	Səbail

Qurban Qurbanov: "Həmişəki kimi deyil, fərqli dəyişikliklər etdik" - MÜSAHİBƏ

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023