Habil Əliyev, Mirça Rednik, Tahir Süleymanov və başqaları...

09.11.2016 | 12197 dəfə oxunub

Habil Əliyev, Mirça Rednik, Tahir Süleymanov və başqaları...

Bu adların üçü də sizə nəsə deyir. Amma onlardan yalnız birinin futbolla bağlılığı yoxdur. Rəhmətlik Habil Əliyev də yəqin ömründə stadiona ayaq basıb, lakin top qovmağa yox, öz sehirli kamanını dilləndirməyə, yaşıl meydanda konsertinə gələnləri ovsunlamağa.

Habil Kaman barədə bir az sonra... Mirça Rednik haqqında da yazının növbəti hissəsində... Elə Tahir Süleymanov barəsində də...

İndi qoy Katalin Tiradan yazım, “Neftçi"dən qovulan Tiradan. Rumıniyalı futbolçu əməlli-başlı kitab-dəftər oxuyurmuş, yazı-pozudan anlayışı varmış. Heyf ondan...

Ötən dəfəki köşə yazımda 80 illik təcrübəsi olan “Neftçi" klubunda top qovan futbolçulara məsləhət vermişdim. Qos-qocaman klubun adını məşhurlaşdırmaq üçün heç olmasa maşınla adam vurmağı, kimisə sillə-təpiyə qonaq etməyi məsləhət görmüşdüm. Sağ olsun, rumın Katalin, yazımın mürəkkəbini qurumağa qoymadı, “Qarabağ"la oyunda öz klubunun fanatını elə meydandaca yumruğa qonaq elədi. Hələ bu azmış kimi qızıl-qırmızı dedi ki, elə bilmişəm “Qarabağ"ın fanatıdı.

Yazının bu yerində Habil Əliyevlə bağlı məsələni xatırlatmağın əsl zamandı. Yəqin ki, yadınıza düşər, 5-10 il öncə bir səs-küylü əhvalat olmuşdu, bu gün Xalq artisti titulunu daşıyan müğənninin seks kasetinin yayıldığı deyilirdi. Həmin vaxtlar hələ Əməkdar artist olan həmin müğənnini guya öz həmcinsi... Kasetə baxan Habil Əliyev də deyibmiş ki, kasetdəki cavan oğIan Əməkdar artistin başına nə oyun açır, gör onun əlinə Xalq artisti düşsə nə edər...

Qol vurmaq əvəzinə azarkeşin üzərinə şığıyan Katalinin qarşısına “Neftçi"nin yox, “Qarabağ"ın fanatı düşsəydi, meydanda baş verənləri təsəvvür edirsiniz yəqin...

Sizi bilmirəm, amma mən Tiranın bu hərəkətlərinə görə Mirça Rednikdən yaman şübhələnirəm. Bir-iki aydan sonra bir də görəcəksiniz ki, bu işin arxasından rumın məşqçinin gülərüz obrazı göründü. Mənə elə gəlir ki, “Xəzər Lənkəran"ın sabiq baş məşqçisi əzəli rəqibə zərbə vurmaq, “Neftçi"ni bütün dünyada qınaq obyektinə çevirmək üçün həmyerlisi Katalinə nəsə pıçıldayıb.

Artıq, “Netçi"dən qovulan Katalin Tira Rumıniyadakı yurd-yuvasına dönməkdə olsun, sizə kimdən deyim, kimdən danışım, Tahir Süleymanovdan. İndi də “Neftçi"nin keçmiş yüksək çinli əməkdaşından bəhs etməyin vaxtıdı. “Ağ-qara"ların qara günləri başlayandan Tahir müəllim ağ günə çıxıb, hər gün mətbuat onun dəyərli fikirlərinə geninə-boluna yer verir. Tahir Süleymanov “Tira olayı"na da biganə qalmayıb. Meydana daxil olan azarkeşə qarşı aqressiv davranan və bunun da bədəlini ağır ödəyən rumın futbolçuya Süleymanov utanmadan hələ yol da göstərib. Adama deyərlər ki, adam, heç olmasa sən danışma. “Neftçi"də adam döyməyin ənənəsi sənin zamanında qoyulmayıbmı? İndi bədbəxt günə qalan “Neftçi"də bu gün futbolçu azarkeşin üzərinə hücum çəkib, amma sən bu klubdan un kisəsi ilə maaş daşıyanda “Neftçi"nin rəhbərlərindən biri rəqib futbolçunu al qanına bulaşdırırdı, bərk gedən futbolçun bərk gedib maşınla adam vurub öldürürdü. Əlləriniz məhkəmə və futbol hakimlərinin cibindən çıxmırdı. Sənin hələ bu mövzuda danışmağa üzündə var?

Nə isə, biz burda öz-özümüzü boşuna yoruruq, Katalin Tira isə Rumıniyada yerlisi Mirça Redniklə langet yeyir... 

Etibar Cəbrayıloğlu
“Het-trik news” qəzeti



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

21.09.2018

18:36  "Bir az vaxta ehtiyac var" - Karikari

18:34  4-cü tura yekun vuruldu - Birinci divizion

15:23  "Qarabağ"da xoşbəxtəm" - Slavçe

15:08  "Qarabağ" çox yaxşı oynadı - "Sportinq"in futbolçusu

09:56  "Qarabağ" Bakıda - Foto

09:52  "Əsas odur komandaya xeyir verəsən" - Rəşad Sadıqov

02:00  "Gerye yaxşı oyunçudu, amma Miçeli də unutmaq olmaz" - "Sportinq"in baş məşqçisi

00:53  "Qarabağ" uduzdu - Yenilənib

20.09.2018

10:37  "Real"ın rahat qələbəsi - VİDEO

19.09.2018

23:00  "Son ana qədər döyüşəcəyik" - Filip Ozobiç

19:47  "Qarabağ"la bağlı çox şey araşdırmalıyıq" "Sportinq"in baş məşqçisi

10:44  "İnter"in qələbəsi VİDEO

18.09.2018

18:16  "Qarabağ" yola düşür - Foto

13:59  4-cü turun oyun cədvəli - Birinci Divizion

13:48  5-ci turun oyun saatları açıqlandı - Premyer Liqamız

12:00  "Zirə" - "Neftçi" - başlanma saatı məlum oldu

17.09.2018

16.09.2018

00:52  "İnter" - "Parma" 0:1 VİDEO

00:51  "Bavariya" - "Bayer" 3:1 VİDEO

00:39  "Nyukasl" - "Arsenal" 1:2 VİDEO
   
  O Q H M T-f X
1. Qarabağ 3 2 1 0 4-1 7  
2. Neftçi 3 2 1 0 5-2 7  
3. Sabah 3 2 0 1 4-4 6  
4. Qəbələ 3 1 1 1 5-3 4  
5. Sumqayıt 4 1 1 2 5-5 4  
6. Səbail 3 1 0 2 2-6 3  
7. Zirə 2 0 1 1 2-4 1  
8. Keşlə 3 0 1 2 3-5 1  
26.08Keşlə 1-2Səbail
26.08Qarabağ 1-1Neftçi
25.08Zirə 0-2Sabah
25.08Qəbələ 1-1Sumqayıt
15.08Səbail -Zirə
15.08Sumqayıt -Qarabağ
16.08Sabah -Qəbələ
16.08Neftçi -Keşlə