"Sumqayıt" bəyanat yaydı

06.12.2013 | 4745 dəfə oxunub

“Sumqayıt" Futbol Klubunun Bəyanat yayıb. Stadium.az klubun rəsmi saytında yer alan bəyanatı olduğu kimi təqdim edir:

- Son günlər mətbuat səhifələrində klubumuz haqqında bəzi xoşagəlməz açıqlamalar dərc olunmaqdadır. Səslənən qeyri-obyektiv fikirlər olduqca təəssüf doğurur.

"Sumqayıt" Futbol Klubunun hansı məqsədlər üçün yarandığı hərkəsə məlumdur. Ümumilikdə, klubumuz Premyer Liqada çıxış edən digər komandalar arasında ən çox yerli və gənc futbolçuların xidmətindən yararlanan kollektivdir. "Sumqayıt" FK yarandığı gündən ölkənin aparıcı klublarından gənc futbolçuları icarəyə götürməklə onlara premyer liqa təcrübəsi qazandırıb və futbolçuları milli komandalar üçün yetişdirib.

Azərbaycan çempionatında çıxış etdiyimiz qısa zaman kəsiyində Premyer Liqada çıxış etməyən və futbol azarkeşlərinə tanış olmayan Bədavi Hüseynov, Abdulla Abatsiyev, Andrey Popoviç, Ruslan Tağızadə, Murad Ağayev, Tərlan Quliyev, Hacı Əhmədov, Murad Səttarlı, Emil Balayev, Kamil Nurəhmədov, Orxan Əliyev, Ruslan Nəsirli kimi futbolçular məhz "Sumqayıt" Futbol Klubunda parlayaraq milli komandalara qədər yüksəlib.

Son iki il ərzində A milliyə dəvət olunmuş Andrey Popoviç, Səlahət Ağayev, Ruslan Qurbanov, Murad Ağayev, Uğur Pamuk və Pərdis Fərcad-Azad kimi futbolçular "Sumqayıt" FK-da çıxış etdikdən sonra yığmanın çalışdırıcısı Berti Foqtsun diqqətini cəlb edib.

Arzu edirik ki, Premyer Liqada mübarizə aparan digər klublarımız da bizim qədər milli komandaların mənafeyini düşünəcək.

"Neftçi" Peşəkar Futbol Klubunun qərarı ilə qışda "Sumqayıt"dan ayrılaraq məxsus olduqları kluba qayıdacaq 4 futbolçu məhz bizim komandada təcrübə toplayaraq milli komandalara çağırılmağa başlayıb. Bu da olduqca sevindirici haldır ki, "Neftçi" kimi komanda həmin 4 futbolçunun xidmətində maraqlı olduğu üçün onları geri qaytarır. Ümid edirik ki, ardıcıl 3-cü mövsümdə ümumilikdə 50-dən artıq Premyer Liqanın oyununda iştirak etmiş Slavik Alxasov və Ruslan Qurbanov kimi futbolçular bundan sonra da Premyer Liqada oynamaq şansı qazanacaq.

Bütün bunlara baxmayaraq, "Sumqayıt" Futbol Klubu tutduğu yolu davam etdirəcək və milli komandalar üçün istedalı gənclər yetişdirməkdə davam edəcək.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail