Reynaldodan unikal göstərici

17.02.2015 | 2518 dəfə oxunub

"Simurq" üzərində 1:0 hesablı qələbə "Qarabağ" üçün bir sıra məqamlarla əlamətdar olub. Stadium.Az klubun rəsmi saytına istinadən həmin statistik göstəriciləri təqdim edir:

"Qarabağ" "Simurq" üzərində cari birinclikdə keçirilmiş 3 oyunda qələbə qazanmaqla ən uğurlu seriyasını qurub. Amma qeyd edək ki, AZAL-la da keçirilmiş hər 3 görüşdə də Ağdam klubu meydandan 3 xalla ayrıla bilib.  

"Qarabağ" bu qələbə ilə çempionatda 13-cü qələbəsini qazanmaqla, ardıcıl 5-ci oyunda da xal itirməyib. Başqa sözlə, komanda 5 oyunluq qələbə seriyasına malikdi.

"Köhlən atlar" sonuncu dəfə dekabrın 14-də, 16-cı turda "Qəbələ"ylə oyunda xal itirib. Belədə "Qarabağ" 66 gündür məğlubiyyətin nə olduğunu bilmir. Ağdamlılar bu dönəmdə "Xəzər Lənkəran"ı 3:2, "Sumqayıt"ı 2:0, "Bakı"nı 4:1, AZAL-ı 1:0, "Simurq"u 1:0 hesabı ilə məğlub edib.

Son çempion cari 1-cilikdə 2-ci dəfə 5 qələbəlik seriya "tutub". Daha öncə 5-9-cu turlar arasında AZAL 3:0, Simurq 1:0, "Neftçi" 3:1, "Qəbələ" 2:0, "Xəzər Lənkəran" 3:2 məğlub edilmişdi.

"Simurq"la oyunda yeganə qola imza atan Reynaldo unikal göstəriciyə imza atıb. Belə ki, ötən mövsümün bombardiri Premyer Liqadakı bütün klublara qol vursa da (ötən mövsüm Premyer Liqada olan "Rəvan"da da daxil olmaqla) sadəcə, "Simurq"u məyus edə bilməmişdi. Braziliyalı forvard sonuncu qarşılaşmada fərqlənməklə, "Simurq" sindromuna son qoydu.  



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail