"Biz kəmiyyətə yox, keyfiyyətə üstünlük verəcəyik"
Bu gün keçirilən oyunlarla AFFA-nın təşkil etdiyi U-14 Liqasında 2014/15 mövsümünə yekun vurulub. Stadium.Az xəbər verir ki, öncə III yer uğrunda görüş baş tutub ki, burada "Rəvan” PFK ilə "Neftçi” PFK üz-üzə gəlib. Rəqibini 2:0 hesabı ilə üstələyən "aslanlar” bürünc medallara sahib çıxıblar.
Final matçında isə "Qəbələ”ni 3:1 hesabı ilə məğlub edən "İnter” ölkə çempionu olub.
Mükafatlandırma mərasimindən sonra "Rəvan” PFK-nın U-19 komandasının baş məşqçisiRəşad Hüseynov və "Rəvan” Futbol Akademiyasının rəhbəri Bəhmən Həsənov klubun rəsmi saytına danışıblar.
Qarşıya qoyulan tapşırığın öhdəsindən gəldiklərini söyləyən R.Hüseynov, əziyyətlərinin bəhrəsini gördüklərini ifadə edib: "Rəvan” Futbol Akademiyasında işə başlayanda, U-14 komandasına Fizuli Məmmədov rəhbərlik edirdi. Baş məşqçi postunda onu əvəzləsəm də birgə çalışmağa davam etdik. Fizuli müəllim mənə U-14-ün hazırlıq prosesində, məşqlərində yardımçı oldu, mən isə onun başçılıq etdiyi U-19-da köməkçi-məşqçi qismində əlimdən gələni etdim. U-14 komandasını yayda formalaşdırdıq, yeni bir heyət yığdıq. Akademiyanın yetirməsi olan 3-4 futbolçu istisna olmaqla, digərlərini seleksiya prosesindən sonra kollektivə cəlb etdik. Mövsümün əvvəlində qarşımıza ilk "üçlüy”ə düşmək tapşırığı qoyulmuşdu. Finala çıxa, çempion da ola bilərdik. Təəssüf ki, yarımfinal mərhələsinin ilk oyununda "İnter”lə qolsuz bərabərə qaldıq, cavab matçında isə 0:1 hesabı ilə uduzduq. Üçüncü yer uğrunda görüşdə isə "Neftçi”ni məğlub edib, bürünc medallara sahib çıxdıq. Nəticəni qənaətbəxş sayıram. Əziyyətimizin bəhrəsini gördük. Komandanın hər bir üzvünü təbrik edirəm. Həmçinin mövsüm ərzində bizə dəstək olan, komandanın matçlara lazımı şəkildə hazırlaşmaq üçün hər cür şərait yaradan klub rəhbərliyinə minnətdarlığımı bildirirəm”.
B.Həsənov isə əldə olunan nailiyyətin aparılan düzgün işin bəhrəsi olduğunu bildirib: "Daha öncə də söyləmişdim ki, biz kəmiyyətə yox, keyfiyyətə üstünlük verəcəyik. Mövsümün sonlarına doğru daha çox perspektiv vəd edən yaş qruplarına diqqət ayırdıq və bunu da doğru qərar olduğunu gördük. U-14 komandasının üzvlərindən bir çoxu "Rəvan” Futbol Akademiyasında məskunlaşan oyunçulardır. Hansı ki, onları rayonlarda apardığımız seleksiya işləri nəticəsində tapıb, heyətə cəlb etmişik. U-14 Liqasında güclü komandaların olduğunu vurğulamalıyam, maraqlı mövsüm oldu. "Qəbələ”, "İnter”, "Neftçi” kimi klubların yaxşı komandaları var. "Rəvan”ın da ən yaxşılar arasında olduğunu qeyd etməliyəm. Bunu komandanın əldə etdiyi bürünc medal da sübut edir. Bilirsiniz, təsadüfi uğur olmur. Komandanın nailiyyəti aparılan düzgün, səmərəli işin bəhrəsidir. "Rəvan” Futbol Akademiyasında futbolçuların məşq keçmələri, qidalanmaları, istirahət etmələri, yaşamaları üçün hər cür şərait yaradılıb. Belə olan halda, məşq prosesi düzgün aparılarsa, nəticə də olacaqdır”.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |