Elnur Abdullayev: "Simurq"da 5 ay pulsuz oynadım" - MÜSAHİBƏ
"İnter"in yeni transferi Elnur Abdullayevin müsahibəsini təqdim edirik:
- "İnter"ə keçidiniz necə alındı?
- Üç klubdan təklif almışdım. Amma digərləri ilə razılığa gələ bilmədim. Sonda "İnter"lə danışığımız alındı və altı aylıq müqavilə imzaladım.
- Komandaya Avropa Liqasında kömək etmək üçün gəlmisiniz?
- Belə deməzdim. Keçidim gec alındı. Çünki "Simurq"dan transfer vərəqəmi gec aldım. "İnter" hətta növbəti mərhələyə adlasa, yenə komandaya ilk oyunda kömək edə bilmərəm. Çünki avrokuboklarda cəzalı durumdayam. Onu hələ "Xəzər Lənkəran"da çıxış edərkən qazanmışdım. Hakim mənə durduğum yerdə qırmızı vərəqə vermişdi və UEFA da 3 oyunluq cəza qərarı çıxarmışdı.
- Yeni komandanız Albaniya "Laçi"si ilə səfərdə 1:1 hesablı bərabərliyə nail olub. Sizcə, ev oyununda qalib gəlmək mümkün olacaq?
- Fikrimcə, komandamız növbəti mərhələyə adlaya biləcək. Düzdür, ola bilər ki, ilk oyunda yüksək səviyyəli futbol sərgiləyə bilmədik. Amma bu kollektivin yeni qurulduğunu unutmamaq lazımdır. Komanda hər oyunda daha yaxşı çıxış edəcək.
- Baş məşqçi Zaur Svanadze ilə görüşmüsünüz?
- Bəli, görüşmüşük. Məni yaxşı qəbul etdi. Komanda gec qoşulmuşam. Buna görə köməkçi məşqçilərin rəhbərliyi altında əlavə də məşq etməli oluram.
- "İnter"ə keçidinizdə əsas rolu nə oynadı?
- Bu, Azərbaycan futbolunun son illərdəki ən güclü klublarından biridir. Komanda həmişə sabit oyun sərgiləməsi ilə seçilib.
- Amma indi bu klubun ciddi maliyyə problemləri var...
- Bir-iki klubu istisna etməklə, indi əksər komandalarda belə problemlər mövcuddur. Artıq yarım ildir ki, maaş üzü görmürəm. Amma nə edə bilərəm? Oynamağa davam etmək lazımdır. Hər şeyin düzələcəyinə inanıram.
- "Sumqayıt"a keçəcəyiniz deyilsə də, alınmadı. Niyə?
- Doğrudan da bu klubla razlığa gəlmişdik. Amma sonra nəsə alınmadı. Görünür, qismət elə "İnter"ə keçmək imiş.
- "Simurq"un indiki durumu ilə maraqlanırsınız?
- "Simurq"da ilk ayımın maaşını almışdım. Qalan beş ayı pulsuz oynadım. Orada əla kollektiv var idi. Çox istərdim ki, bu klub fəaliyyətini davam etdirsin. Mənə xeyli borcları var, amma mən həmin borcu bağışlayıram. Əminəm ki, yeni heyət toplayıb, çempionatda çıxış edəcəklər. (azerisport)
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |