Kaue da Silva: "Əgər bu onların xoşuna gəlmirsə, etiraz etməyə haqları var"

09.11.2015 | 2812 dəfə oxunub

“Neftçi”nin braziliyalı dayaq yarımmüdafiəçisi Kaue da Silva “Rəvan”a 2:3 hesablı məğlubiyyətdən sonra jurnalistlərə müsahibə verib:

- Qarşılaşma barədə təəssüratlarınız necədi?

- Birinci hissədə oyunumuz yaxşı alındı. Bir neçə real qol şansımız oldu, həm də rəqibə çox hücum qurmağa imkan vermədik. Bu sözləri ikinci hissə barədə deyə bilmərəm. Çünki fasilədən sonrakı ilk 5 dəqiqədə buraxdığımız səhvlər qollar bahasına başa gəldi. Növbəti səhvimiz də qolla nəticələndi. Yəni, oyunumuz çox pis alındı.

- Azarkeşlər ikinci hissədə komandanın üzvləri haqda təhqiredici şüarlar səsləndirdi. Onların narazılığını başa düşürsünüzmü?

- Mən öz işimi meydanda görürəm. Əgər bu onların xoşuna gəlmirsə, etiraz etməyə haqları var. Heç bir problem yoxdu.

- 12 oyundan cəmi 3 qələbə qazanmısınız. “Neftçi” niyə bu vəziyyətə düşdü?

- Bu cür davam etsək, sözsüz, pis olacaq. Nəsə dəyişməlidi, məsələn, oyun üslubumuz. Kənardan baxan ancaq oyunumuzu görür. Amma komandanın içərisində hansı dəyişikliklərin baş verdiyini, məşqlərdə necə çalışdığımızı bilmir.

- Bəlkə klubun daxilində ciddi problemlər var?

- Demədim ki, komandanın daxilində problemlər var. Demək istədiyim odu ki, məşq prosesində necə çalışdığımızı, əziyyət çəkdiyimizi bilən yoxdu. Əlbəttə, bu cür məğlubiyyətlər bizə çox pis təsir edir. Belə məğlubiyyətlərdən sonra bəzən gecələr də yata bilmirik.

- Problemin baş məşqçi ilə bağlı olduğunu düşünmək olarmı?

- Bu, sizin fikrinizdi. Mən öz işimi görmək, məşqçinin tapşırıqlarını yerinə yetirmək istəyirəm.

- Əvvəlki müsahibələrinizdə uğursuz oyunları klubdan baş verən dəyişikliklərlə bağlayırdınız. Bəlkə yeni rəhbərliklə futbolçular ortaq dil tapa bilmir?

- Meydanda futbolu rəhbərlik oynamır. Problem qələbə qazana bilməməyimizlə bağlıdı. 3 xal qazansaq, heç kim bu cür söhbətlər etməyəcək.

- Növbəti turda əzəli rəqibiniz “Xəzər Lənkəran”la qarşılaşacaqsınız. Bu oyuna hansı əhval-ruhiyyə ilə hazırlaşacaqsınız?

- Bu oyuna qədər xeyli vaxtımız var. Çox çalışmalıyıq. “Rəvan”la matça baxıb səhvlərimizdən nəticə cıxarmalı, daha sonra həmin qarşılaşma haqda düşünməliyik.

Moyesin oğlu onunla bərabər çalışacaq	Rahilin komandası səfərdə qalib gəldi	Azərbaycanın 4 boksçusu Avropa birinciliyinə qələbə ilə başladı
Fransa klubu NBA-dan oyunçu gətirdi	PSJ Verrattini satır	"Turan Tovuz" "Adana Demirspor"a məğlub oldu
Şeydayevin "Buriram Yunayted" nə vaxt debüt edəcəyi dəqiqləşdi	Azərbaycan klubu İngiltərə yığmasının sabiq üzvü ilə anlaşdı	Lənkəranda yeni komanda yaradıldı- Federasiyanın dəstəyi ilə
Millimiz Litvaya qarşı	Millimizin qapıçısı komandasında qaldı	"Neftçi" Niderland millisini məğlub etdi

		O	Q	H	M	T-f	X

1.	Neftçi	28	18	5	5	47-25	59
2.	Qarabağ	28	16	9	3	64-18	57
3.	Sumqayıt	28	10	9	9	30-31	39
4.	Zirə	28	8	14	6	28-28	38
5.	Sabah	28	7	8	13	28-39	29
6.	Keşlə	28	5	11	12	25-40	26
7.	Qəbələ	28	5	11	12	23-44	26
8.	Səbail	28	5	9	14	21-42	24

08.05	Səbail	---	Neftçi
08.05	Keşlə	---	Sumqayıt
09.05	Zirə	---	Qəbələ
09.05	Sabah	---	Qarabağ

14.05	Sumqayıt	-	Neftçi
14.05	Qarabağ	-	Keşlə
14.05	Qəbələ	-	Sabah
14.05	Zirə	-	Səbail

Kaue da Silva: "Əgər bu onların xoşuna gəlmirsə, etiraz etməyə haqları var"

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023