Hafiz Məmmədov: "Lans" mənim yox, Azərbaycanın komandasıdı"
“Bakı”nın prezidenti Hafiz Məmmədov sahibi olduğu Fransanın “Lans” klubunun səhmlərinin böyük hissəsinin tezliklə satılacağı haqda yayılan xəbərlərə aydınlıq gətirib. Stadium.Az saytının əməkdaşına açıqlamasında Hafiz Məmmədov yayılan xəbərləri təkzib edib. Tanınmış iş adamı “Lans”ı satmaq fikrinin olmadığını bildirib:
“Lans”ın satılması ilə bağlı heç bir danışıq
olmayıb. Komandanın kiməsə satılmasına razılıq verməmişəm.
Jerve Martel isə mənimlə bu məsələ haqda danışmayıb. Oradakı əsas adamlara da
demişəm ki, “Lans”ı satmaq fikrimiz yoxdu. Bu komanda alver obyekti deyil.
“Lans”ı çətin gündə satmaq üçün almamışıq”.
Hafiz Məmmədov “Lans”la bağlı yalnız digər “Land of
fire Azerbaijan” brendinin daşıyıcısı olan “Atletiko” ilə danışıqlar apardığını
söyləyib:
“Bu günə kimi “Lans” haqda yalnız “Atletiko"
ilə danışığımız olub. Madrid
klubunun “Lans”a dəstək verməsi müzakirə edilsə də, sonradan bu plan baş
tutmadı. “Atletiko” variantı “Lans” üçün faydalı olardı. 2 klub arasında birlik
olmasını istəyirdik. Bu variant hər iki tərəfə sərf edirdi”.
Tanınmış iş adamı hazırda Fransa klubunun maliyyə çətinlikləri
ilə üzləşdiyini gizlətməyib:
“Bu, əvvəldən başlamış çətinliklərdi. Problem “Lans”ın büdcəsindədi. Komandanın
illik büdcəsi 5 milyon avrodu. Ötən mövsüm “Arsenal”a 2 oyunçu satıldı və
komanda bu vəsaitlə özünü dolandırdı. Lakin hazırda komandada maaşla bağlı çətinliklər
var. “Lans”ın üzvlərinin əmək haqqı almaması yaxşı hal deyil. Sanki azərbaycanlı fransıız ailəsinin maaşını
vemir. Belə hal müsbət qarşılana bilməz. Fransada bizə qarşı daim hörmətlə
yanaşıblar. Klub heç vaxt müflis olmayacaq. Tezliklə problemlər birdəfəlik həll
olunacaq. Hansısa çətinliyimiz olanda “Lans”ı satmaq barədə düşünməmişik. Bu
komanda mənə çox əzizdi, öz klubumuzdu. “Lans” mənim yox, Azərbaycanın
komandasıdı. Odur ki, xüsusi şəkildə vurğulayıram - “Lans”ı satmaq üçün
almamışıq”.
Hafiz Məmmədov son zamanlar yaşadığı çətinliklərin
artıq yekunlaşmaq üzrə olduğunu qeyd edib: “Çətinliklərimiz 2 il əvvəl başladı.
Amma problemlər artıq geridə qalıb. Hər şeyə
aydınlıq gəlib. Qısa zamanda haqq-ədalət öz yerini tutacaq. Bu yöndə işlərimiz
davam edir. Hazırkı məqamda
yalnız kiçik vaxta ehtiyac var”.
Məmmədov “Lans” kimi “Bakı”nın da problemlərinin
başa çatmaq üzrə olduğunu vurğulayıb:
“Futbolu həyatımdan ayırmıram. Bütün vacib məsələlər kimi futboldakı çətinliklərimiz
də qısa zamanda həll olunacaq. “Bakı” yenidən həmin “Bakı” olacaq. Komanda 2 il
çətinliklərlə üzləşdi. Artıq hər şey geridə qalmaq üzrədi. Komanda əvvəlki kimi
iddialı olacaq. Maliyyə baxımından işimiz daha stabil şəkildə qurulacaq”.
“Bakı”nın prezidenti tezliklə klubun bazasında təmir
işlərinin başlayacağını söylədi. Bundan sonra “zolaqlılar”ın bazasından “Zirə” də yararlana biləcək:
“Bakı” və “Zirə” arasında əməkdaşlıq müqaviləsi
var. Növbəti mövsümdən “Zirə”nin formasının üzərində
bizim şirkətlərdən birinin adı qeyd oluna bilər. Bu klubun rəhbərliyi ilə çox
gözəl münasibətimiz var. Ona görə də bazanı yarıya bölmək qərarına gəlmişik.
Tezliklə “Bakı”nın bazasında təmir işlərinə başlanacaq. Plan artıq hazırdı.
Ərazi daha da genişlənəcək, şərait yaxşılaşacaq. Təmir yekunlaşdıqdan sonra
bazadan “Bakı” kimi “Zirə” də yararlana biləcək. Daha doğruzu,
bazanı iki yerə böləcəyik”.
Hafiz Məmmədov son zamanlar mətbuatda görünməməsinə də aydınlıq gətirib:
“Hazırda çox geniş danışmıram. Tezliklə işlər qaydasına düşəndən sonra daha
geniş müsahibə verəcəyəm və 2 il ərzində yaşadıqlarımızın səbəblərini
açıqlayacağam. O zaman hər kəsə aydın olacaq ki, problem bizdə
olmayıb. O zaman insanlar özləri kimin haqlı, kimin haqsız olduğunu müəyyənləşdirəcəklər.
Jurnalistlərlə danışanda hər zaman hansısa
yeni fikir söyləyirik. Adam özü də istəyir ki, ətraflı danışsın. Lakin son
zamanlar vəziyyət fərqli idi. Proseslər çox sürətlə dəyişir. Ona görə də nəyisə
deyib, sonradan fikrimi dəyişməkdənsə, susmağa üstünlük verirdim. Bu, o demək
deyil ki, nəyisə
gizlətməyə çalışırdım. Yox, sadəcə baş verənlər qəliz, çox uzun proses idi. Ancaq hər şey
yekunlaşmaq üzərədir. Yaxın günlərdə hər şey barədə jurnalistlərə geniş
açıqlama verəcəm”.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |