Qara Qarayev: "Çox şeydən danışmaq istəmirəm" - MÜSAHİBƏ

24.04.2017 | 3886 dəfə oxunub

Azərbaycan Premyer Liqanın 27-ci turunun “Qarabağ” – “Sumqayıt” (2:1) oyunundan sonra Ağdam təmsilçisinin yarımmüdafiəçisi Qara Qarayev jurnalistlərin suallarını cavablandırıb.

Stadium.az xəbər verir ki, o, ilk olaraq çempionluq sevincini bölüşüb:

- Bu gün sevincliyik. Çox şeydən danışmaq istəmirəm. “Qarabağ” ailəsinin bu uğurlara layiq olduğunu düşünürəm. “Qarabağ” sevərləri təbrik edirəm. Məsuliyyətli bir iş gördük, çempion olduq.Öncəki illərdəki kimi bu il də çempionluğu qoruyub saxlamaq ağır, çətin olacaq. Daha da çox şey tələb olunacaq bizdən. İldən-ilə məsuliyyətimiz də artıb.

- “Qarabağ”ın bu il çempionluq uğrunda tək rəqibi “Qəbələ” idi. Bəs növbəti il nə düşünürsən, rəqibləriniz artacaq?

- Tam səmimi deyirəm ki, istərdim daha çox mübarizə, daha çox komanda olsun çempionatda. Amma bu söhbətlər məni aşır, əlimdən bir şey gəlmir. Nə qədər çox rəqabət olsa, bir o qədər yaxşıdır.

- Əgər çempionatda bütün klublar güclü deyilsə, mübarizə yoxdursa, Avrokuboklarda da komandalarımızın çıxışları zəif olur. Bu fikirlə razısan?

- Əlbəttə, elədir. Avrokuboklarda mübarizə apardıqdan sonra Premyer Liqada oynamaq çətin olur. Düşünürəm ki, gələn il bu problemlər həllin tapar.

- Transferinlə bağlı yenilik varmı?

- Hələ ki, yeni bir şey yoxdur.

- “Neftçi”yə keçidinlə bağlı xəbərlər yazılıb. Nə dərəcədə doğrudur?

- Mən müsahibələrimdə də demişəm ki, əgər “Qarabağ”dan “Neftçi”yə keçsəm, bu transferdə klubumun razılığı olmalıdır. Mənim burda qalıb, qalmamağımı məşqçilərimiz təyin edəcək. Demişəm ki, Allah nəsib etsə, karyeramı “Qarabağ”da başa vurmaq istəyirəm. Amma qismət.. Çox istəyirəm, istəməklə də hər şey olmur.

- Mayın 5-də Azərbaycan kubokunun finalında “Qəbələ” ilə qarşılaşacaqsınız. Bu oyun barədə nə düşünürsən?

- Açığı, qarşımızda bizə hirsli bir komanda var. “Qəbələ” çempionatın bütün yorğunluqların, uğursuzluqların heyfini bizdən çıxmaq istəyəcək. Bu oyunu revanş oyunu kimi düşünəcəklər.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail