"Neftçi", "İnter", "XL" və "Qarabağ" qələbə qazandı - YENİLƏNİB

Bu gün Premyer Liqanın əsas təqvimində son turun  - daha dəqiqi XIX turdan təxirə salınmış oyunlar keçirilib. Stadium.az xəbər verir ki, turun ən maraqla gözlənilən görüşü paytaxt derbisi - "Bakı" - "Neftçi" görüşü olub. Bu oyun hər iki komanda baxımından mühüm əhımiyyət kəsb edirdi.

"Neftçi" qələbə qazanacağı təqdirdə "altılıq" oyunlarına ən yaxın izləyicisindən 4 xal öndə girəcəkdi ki, Böyükağa Hacıyevin komandası bunu bacarıb. Matça fəal başlayan "Neftçi" ilk hissədə rəqib qapısından 3 qol keçirib. İkinci hissədə isə "Bakı" bu qollardan yalnız birinin əvəzini çıxa bilib.

"Xəzər Lənkəran" səfərdə "Turan"a qarşılaşıb. Matçın taleyini bir qol həll edib. Matçın ilk dəqiqələrində vurulan avtoqol "Xəzər Lənkəran"a qələbə qazandırıb.

"Qarabağ" Quzanlıda "Simurq"la qarşılaşıb. İlk hissədə Rəşad Sadıqovun möhtəşəm qolu ilə önə keçən Ağdam təmsilçisi fasilədən sonra daha bir dəfə rəqibi cəzalandırıb və yekunda qələbə qazanan tərəf olub.

"Qəbələ" isə səfərdə "Kəpəz"lə qarşılaşıb. Hesabı qonaqlar açsa da, "Kəpəz" ardıcıl 2 qolla önə keçib. Matçın sonlarına yaxın "Qəbələ" bərabərliyi bərpa edib, ancaq Gəncə təmsilçisi final fitinə qədər 3-cü qolu vurmağı bacarıb və qalib gəlib.

Turun ən maraqlı qarşılaşmalarından biri isə 9 qolun vurulduğu AZAL - "Sumqayıt" matçı olub. "Altılıq" şanslarını ötən tur "Qarabağ"a uduzaraq itirmiş AZAL rəqibini 6 qolla məğlub edib.

Lider "Neftçi"nin ən yaxın izləyicisi "İnter" azarkeşləri önündə "Rəvan"la qarşılaşıb. Görüşün taleyini bir qol həll edib. İlk hissədə hesabı açmış "bankirlər" matçın sonunadək üstünlüyünü qoruyub və qalib gəlib.
 

Premyer Liqa
19-cu tur

7 mart (çərşənbə)
 

15:00. "Bakı" - "Neftçi" - 1:3
Qollar: Ruslan Abışov, 7 (0:1), Rəşad Abdullayev, 35 (0:2), Ruslan Əmircanov, 40 (0:3). Nurlan Novruzov, 87 (1:3).
Hakimlər: Fariz Yusifov, Elman Musayev, Vaqif Musayev, Rauf Cabbarov.
AFFA nümayəndəsi: Ramiz Abdullayev.
Hakim-inspektor: Asim Xudiyev.
"Bakı" FK-nın təlim-məşq bazasının stadionu. 

“Bakı”: Marko Şarliya, Duje Bokovç, Denis İvanovs, İbrahim Karqbo, Davidas Çesnauskis, Xavier Junior, Cəmşid Məhərrəmov, Novruz Məmmədov, Uinston Parks, Koke, Rəhman Hacıyev

“Neftçi”: Rauf Mehdiyev, Rail Məlikov, İqor Mitreski, Slavço Georgiyevski, Flavinyo, Bahadır Nəsimov, Ruslan Abışov, Ruslan Əmircanov, Cavid İmaverdiyev, Rəşad Abdullayev, Elvin Yunuszadə

16:00. "İnter" - "Rəvan" - 1:0
Qol: İbrahima Niasse, 44 (1:0)
Hakimlər: Rəhim Həsənov, Rza Məmmədov, İlham Əliyev, Orxan Məmmədov.
AFFA nümayəndəsi: Ramiz Mustafayev.
Hakim-inspektor: Murad Məmmədov.
Bakı. "Şəfa" stadionu.
 

14:30. "Qarabağ" - "Simurq" - 2:0
Qollar: Rəşad Sadıqov, 23 (1:0), Vüqar Nadirov, 51 (2:0)
Hakimlər: Əliyar Ağayev, Mehman Mahmudov, Munis Abdullayev, Fuad Həsənov.
AFFA nümayəndəsi: Əliyar Xanəliyev.
Hakim-inspektor: Şahin Cəfərov.
Ağdam. Quzanlı qəsəbə stadionu.

“Qarabağ”: Boyan Pavloviç, İlqar Qurbanov, Namiq Yusifov, Bəxtiyar Soltanov, Rəşad Sadıqov, Vüqar Nadirov, Admir Teli, Ansi Aqolli, Georgi Adamiya, Muarrem Muarrem, Rauf Əliyev

“Simurq”: Dmitri Kramarenko, Rasim Ramaldanov, Ruslan Poladov, Emin Cəfərquliyev, Rüstəm Abbasov, Vasili Yanatovski, İqor Tarasov, Daniel Genov, Qərib İbrahimov, Andrey Rubins, Anatoli Doroş.
 

14:00. AZAL - "Sumqayıt" - 6:3
Qollar: Tales Şütz, 31 (1:0), Zohair Benouahi, 34 (2:0), Zohair Benouahi, 53 (3:0), Orxan Əliyev, 54 (3:1), Bronislav Arsenjeviç, 55 (4:1), Tales Şütz, 70 (5:1), Tərlan Xəlilov, 72 (6:1) Uğur Pamuk, 75 (6:2), Emin Mustafayev, 76 (6:3, pen.)
Hakimlər: Elvin Əsgərov, Azər Əsgərov, Yaşar Abbasov, Vüsal Əliyev.
AFFA nümayəndəsi: Sakin Məmmədzadə.
Hakim-inspektor: Rüfət Hüseynov.
Bakı. AZAL Arena stadionu.

14:00. "Kəpəz" - "Qəbələ" - 3:2
Qollar: Lyubo Baranin, 36 (0:1), Sabir Allahquliyev, 71 (1:1), Yuri Fomenko, 77 (2:1), Yannik Kamanan, 85 (2:2), Junivan Suares, 87 (3:2) 
Qırmızı vərəqə: Deon Barton, 37 (2-ci sarı)
Hakimlər: Elçin Məmmədov, Namiq Hüseynov, Nahid Əliyev, İnqilab Məmmədov.
AFFA nümayəndəsi: Rauf Hüseynli.
Hakim-inspektor: Əmir Zamanov.
Gəncə. Şəhər stadionu. 

"Qəbələ": Qren Smit, Lyubo Baranin, Bruno da Dilva, Deon Barton, Yannik Kamanan, Aleksandr Çertoqanov, Stiv Olfers, Pərvin Cahangirov, Daniel Lopez Kruz, Urfan Abbasov , Dodo,

"Kəpəz": Tural Abbaszadə, Əli İsmayılov, Şahin Kərimov, Azər Məmmədov, İon Arabadji, Pərvin Paşayev, Nail Məmmədov, Armando Feutchine, Sabir Allahquliyev, Nikolay Svejentsev, Yuli Fomenko 

14:00. "Turan" - "Xəzər Lənkəran" - 0:1 
Qol: Ayxan Abbasov, 3 (öz qapısına) (0:1)
Hakimlər: Anar Salmanov, Ramiz Əsədov, Elşən Acalov, Feyzulla Feyzullayev.
AFFA nümayəndəsi: Şaiq Həmidov.
Hakim-inspektor: Kərim Ağayev.
Tovuz. Şəhər stadionu.

"Xəzər Lənkəran": Kamal Bayramov, Şəhriyar Rəhimov, Elvin Beqiri, Stevan Bates, Rodomir Todorov, Rikardo, Rahid Əmirquliyev (k), Alviz, Sadio, Randal Brenes, Branimir Subaşic.

Turnir cədvəli:

1. Bahodir Nasimov - "Neftçi" - 13 qol
2. Tales Şütz - AZAL - 10 qol
3. Flavio Aleks Valensio - "Neftçi" - 9 qol
4. Zohair Benouahi - AZAL - 9 qol 
5. Robertas Poşkus - "Simurq" - 8 qol
6. Əfran İsmayılov - "Qarabağ" - 6 qol
7. Uinston Parks - "Bakı" - 6 qol
8. Luiz Paulo Hilario - "Qəbələ" - 6 qol