Ayxan Abbasov: "Mükafat söz verilib"

05.05.2021 | 924 dəfə oxunub

"Çətin olacağını bilirdik. Rəqib bizdən daha gümrah idi. Buna baxmayaraq, mübarizə apardıq. İlk qol bizi tələsdirdi. Yolumuza davam edəcəyik. Qarşıda üç oyun var, sona qədər mübarizə aparacağıq".

Stadium.Az xəbər verir ki, bu sözləri "Sumqayıt"ın baş məşqçisi Ayxan Abbasov evdə "Sabah"a 0:2 hesabı ilə uduzduqları Azərbaycan Premyer Liqasının 25-ci turunun oyunundan sonra mətbuat konfransında deyib.

40 yaşlı mütəxəssis bildirib ki, komandasında fiziki və psixololji yorğunluq var: "Alınmayanda alınmır. Bədən yorğun olanda aqressiya da olur. Həqiqətən 3-4 gündən bir oynamaq çətindir. Bu, bəhanə deyil, dözməliyik. Məğlubiyyətdən dərs çıxarmalıyıq".

Cəmaləddin Xocaniyazovun meydandan qovulduğu epizodu dəyərləndirən Abbasov matçda sarı vərəqələrin çox olduğunu söyləyib: "Nə olur olsun, meydanda dözmək lazımdır. Bu oyunla iş bitmir. Onsuz da heyətimiz kasaddır. İtkilər bizə problem yaradır. Nəsə alınmayanda, səbrli olmaq lazımdır. İlk dəqiqələrdən sarı vərəqələr çox oldu. Xocaniyazovun ikinci "sarı"sı oyun epizodunda olmamışdı. Meydanda sarı vərəqəli futbolçu çox idi. Risk etməliyik. Bəzi hücumlarımız Xocaniyazovla alınır. Onu da hücuma qoşmaq istədik. Futbolda belə şeylər olur".

Baş məşqçinin sözlərinə görə, qarşısına Konfrans Liqasına vəsiqə qazanmaq hədəfi qoyulmayıb: "Mən də istəyirəm ki, futbolçularımızın əziyyəti yerdə qalmasın. Bizi təhlükə gözləyir, avrokuboklara getməyə bilərik. Mən bu çətinlikləri, problemləri bilirdim. Bunu bilə-bilə komandada qalmışam. Büdcəmiz budur, bundan artığını edə bilmərik. Mən də istəyərəm ki, heyət geniş olsun. Ona görə hər zaman deyirəm ki, qarşıma nə vaxtsa şərt qoyulsa, mən də şərt qoyacağam. Rəhbərliklə əvvəldən bunları danışmışıq. Mövsümün sonunda avrokuboklara gedə də bilərik, getməyə də. Müqavilə ilə bağlı hələ danışıqlara başlamamışıq. Bütün fikrimiz son oyunlardadır. Mövsüm bitəndən sonra danışacağıq. Alınacaq qalacağıq, alınmayacaq qalmayacağıq".

Mütəxəssis "Azərbaycan Kuboku, yoxsa Premyer Liqa" sualına bu cür cavab verib: "Qarabağ"la ölkə kubokunun ilk yarımfinal oyununda sırf Premyer Liqa haqqında düşünürdük. Lakin bu oyunun nəticəsi imkan verdi ki, risk edək. Sonra Zirədən xalla ayrıldıq. Kubokun cavab matçında vuruşmalıydıq. Alındı və finala yüksəldik. Çempionatda sona 3 oyun qalıb, bunu fikirləşmək məcburiyyətindəyik. Onsuz da kubokun finalı sondadır. Qarşıdakı üç oyunda çox diqqətli olub, mübarizə aparacağıq".

Abbasov ölkə kubokunda finala çıxdıqları üçün komandaya söz verilən mükafatı almadıqlarını deyib: "Çempionatın elə dönəmindəyik ki, futbolçuların motivasiyası qalxmalıdır. Mükafat söz verilib. İnanırıq ki, rəhbərlik son oyunlarda futbolçulara motivasiya verəcək. Digər klublar haqqıda danışmaq istəmirəm".



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

17.06.2021

00:55  Finlandiya - Rusiya - 0:1 VİDEO

00:52  Türkiyə - Uels - 0:2 VİDEO

16.06.2021

11:09  Günün oyunlarına necə baxaq? - TV AFİŞA

00:55  Fransa - Almaniya - 1:0 VİDEO

15.06.2021

11:23  Günün oyunlarına necə baxaq? - TV AFİŞA

01:01  İspaniya - İsveç - 0:0 VİDEO

14.06.2021

22:56  Polşa - Slovakiya - 1:2 VİDEO

13.06.2021

11:48  Günün oyunlarına necə baxaq? - TV AFİŞA

00:31  Belçika – Rusiya 3:0 VİDEO

12.06.2021

19:17  Uels - İsveçrə - 1:1 VİDEO

11:24  Günün oyunlarına necə baxaq? - TV AFİŞA

11.06.2021

10.06.2021

09.06.2021

08.06.2021

11:20  Günün oyunlarına necə baxaq? - TV AFİŞA

07.06.2021

06.06.2021

21:52  Millimiz səfərdə Moldovaya uduzdu - YENİLƏNİB

11:39  Günün oyunlarına necə baxaq? - TV AFİŞA

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail