Qurban Qurbanov: "Ölkəmizin müstəqilliyindən bu yana belə uğur olmamışdı" - MÜSAHİBƏ
Konfrans Liqasının qrup mərhələsinin 4-cü turunda səfərdə “Kayrat”a qalib gələn (2:1) “Qarabağ” gecə saatlarında Bakıya qayıdıb.
Komandanın baş məşqçisi Qurban Qurbanov hava limanında jurnalistlərin suallarını cavablandırıb.
– Zəfər gününün 1 illiyi ərəfəsində “Qarabağ”ı pley-offa daşıyan zəfəri yerinə düşdü. Təəssüratlarınızı eşitmək maraqlıdır.
– Gecənin bu saatında komandamıza dəyər verib bura gəldiyiniz üçün sizə təşəkkür edirəm. Çox gərgin oyun oldu. “Kayrat” meydana yalnız və yalnız qələbə üçün çıxmışdı. Əks halda şanslarını itirəcəkdilər. Belədə, biz onlardan daha çox istəkli olmalıydıq. Şükürlər olsun, minimum vəzifənin öhdəsindən gəlməyi bacardıq. Çox sevincliyəm. Qələbə münasibəti ilə azarkeşlərimizi, bütün Azərbaycan xalqını təbrik edirəm. Bu, möhtəşəm dövlətimizin möhtəşəm zəfərinin yanında kiçik nailiyyətdir. Əsas odur ki torpaqlarımızı qaytardıq, xalq olaraq daha da gücləndik. Allahdan bütün şəhidlərimizə rəhmət, qazilərimizə şəfa diləyirəm. Onların etdiklərinin yanında bizim etdiyimiz cüzi bir şeydir.
– Oyundan sonra Kurban Berdiyevlə söhbətiniz oldu?
– Elə bir ciddi söhbətimiz olmadı. Sadəcə, qələbə münasibətilə təbrik edib, uğurlar arzuladı. Mən də həmçinin onlara uğurlar arzuladım.
– Oyun gününə qədər Abdulla Zubirin meydana çıxması sual altındaydı. Nə baş vermişdi, sonda nə oldu?
– Bildiyiniz kimi, “Neftçi”ylə oyunun sonlarında zədəyə görə Zubiri meydandan çıxarmışdıq. Ayağında ağrılar var idi. Sonrada məlum oldu ki, yorğunluğun fəsadıdır. O cür matçların ağırlığı futbolçularda yorğunluq, mikrozədələr yarada bilir. Ayağında qıcolma var idi deyə, həkimlər narahat idi. Şükürlər olsun, ayağındakı ağrıları hiss etdirmədən komandaya kömək etdi.
– Qrup liderliyini qorumaq mümkün olacaq?
– Bunun üçün çalışacağıq. “Omoniya” ilə Bakıdakı növbəti matçda azarkeşlərimiz üçün baxımlı futbol sərgiləmək niyyətindəyik. Daha yaxşı uğur üçün şansımız varsa, sona qədər mübarizə aparacağıq.
– Qələbədən sonra futbolçularla xüsusi şəkildə görüşdüz. Sanki bu qələbənin dadı başqadır.
– Hər zəfərin öz dadı var. Ölkəmizin müstəqilliyindən bu yana belə uğur olmamışdı. Bu gün Allah bunu bizə nəsib edibsə, buna görə çox şadıq. Oyundan sonra futbolçularımın hər birini bağrıma basıb, təşəkkür etdim. Azərbaycanlı futbolçularda özünəinamın formalaşması üçün bu cür qələbə və oyunlar çox vacibdir.
– Ölkə və klub tarixindəki ilkə görə məşqçi-futbolçu heyəti üçün xüsusi mükafat məbləği nəzərdə tutulub?
– Mükafatımız həmişə var, istər daxili çempionatda olsun, istərsə də avrokuboklarda. Bundan narazılığımız yoxdur. Futbolçular layiqincə mükafat alırlar. Təbii ki, bu qələbənin də mükafatı olacaq. Dediyim kimi, qarşıda bizi vacib oyunlar gözləyir.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |