Tokio-2020: Hacı Əliyev finalda - YENİLƏNİB

Azərbaycanın daha bir sərbəst güləşçisi Hacı Əliyev Tokio-2020 Yay Olimpiya Oyunlarında mübarizəyə başlayıb.

Stadium.Az xəbər verir ki, 65 kq çəki dərəcəsində mübarizə aparan Əliyev 1/8 finalda seneqallı Adama Diatta ilə üz-üzə gəlib. Görüş Əliyevin 4:0 hesablı qələbəsiylə başa çatıb.

Hacı Əliyev 1/4 finalda Qazaxıstanı təmsil edən Daulet Niyazbekovla qarşılaşıb. Bu rəqibini də məğlub edən Əliyev yarımfinala yüksəlib. O, bu mərhələdə hindistanlı Bacranq Puniya ilə güləşəcək.

Hacı bu raundda hindistanlı Bacranq Puniya ilə qarşılaşıb və qalib gələrək (12:5) finala çıxıb. Final sabah keçiriləcək. Onun rəqibi yaponiyalı Takuto Otoquro olacaq. Qeyd edək ki, bu, üçqat dünya çempionumuz Hacı Əliyevin ilk Ollimpiya finalıdır. O, Rio-2016-da isə bürünc medal qazanmışdı.