Fariz Nəcəfov: "Çox xoşbəxtəm!"

12.12.2020 | 4868 dəfə oxunub

“Qəbələ” İdman Klubunun prezidenti, İkinci Qarabağ müharibəsinin iştirakçısı Fariz Nəcəfovun müsahibəsi:

– Əvvəlcə 44 günlük müharibənin fəal iştirakçılarından biri kimi, qazanılan qələbə ilə bağlı təssüratlarınızı bilmək maraqlı olardı…

– Uzun illər – 30 ilə yaxın bir vaxtda arzuladıgımız müharibə, ardınca isə bu müharibədə möhtəşəm qələbə qazanmağımıza şahidlik etdiyimə göre çox xoşbəxtəm! Bu tarixi nailiyyətə görə Ali Baş Komandan başda olmaqla, Ordumuza, xüsusən də şəhidlərimizə borcluyuq!

– Cəbhədə olarkən klubla necə maraqlanırdınız: Ümumiyyətlə, oradan Azərbaycan futbolu necə görünürdü?

– Bu sualla bağlı yalnız onu deyə bilərəm ki, böyük səbirsizliklə Ağdamın “İmarət” stadionunda “Qarabağ” – “Qəbələ” oyununun baş tutmasını gözləyirəm!

– “Qəbələ” 11 turdan sonra 11 xalla 6-cı pillədə qərarlaşıb. Komandanın çıxışını necə dəyərləndirirsiniz?

– Bilirsiniz ki, mövcud vəziyyətlə əlaqədar ötən mövsümlə müqayisədə bəzi legionerlər komandamızı tərk etdi və heyətə yeni oyunçular qoşuldu. Düzdür, biz bu prosesdə klubumuzu bir qədər təcrübəli saya bilərik. Amma bütün hallarda dəyişikliklər və özəlliklə pandemiya ilə bağlı çətinliklər hazırlığa, futbolçu cəlb olunmasına ciddi təsir göstərdi. Fikrimcə, komandamızın nümayiş etdirdiyi futbolun qarşılığı tam olaraq turnir cədvəlində əksini tapmadı. Düzdür, zəif oyunlarımız da oldu, amma ümumilikdə vəziyyətimizi pis adlandırmazdım. Dəqiqdir ki, daha artıq xal toplaya bilərdik. Oyunumuz da gələcək üçün daha yaxşı olacağına ümid verir.

– Son vaxtlar Azərbaycan Premyer Liqasında koronavirusa yoluxma halları artıb. Bu mənada sizin komandada vəziyyət necədir?

– Nəinki, Premyer Liqada, ölkəmizdə və dünyada bununla bağlı vəziyyət gərgindir. Ona görə də məcburən sərt addımlar atılır. Bizim komandada da bəzi futbolçular virusa yoluxmuşdular. Lakin hazırda son olaraq, dünən Ceyms Adeniyinin test cavabı neqativ çıxdı. Komandamız tam heyətlə məşqlərini davam etdirir.

– Peşəkar Futbol Liqası mövcud vəziyyətlə bağlı təqvimdə dəyişiklik etdi. Oyunlar dekabrın 20-də bərba olunacaq. Qərara münasibətiniz necədir: Sizcə, indiki halda çempionatı dayandırmaq daha düzgün olardı, yoxsa davam etdirmək?

– Bununla bağlı klublar və AFFA uzun çəkən müzakirələr apardı. Nəticədə davam qərarı verildi. Müzakirələr zamanı dayanmamağın tərəfdarı olduğumu bildirdim, çünki həm virusla yaşamağı və qaydalara riayət etməyi öyrənməliyik, həm də sabah bizi nələrin gözlədiyini bilmirik. Təbii ki, hansısa komandada xəstə sayı artarsa, buna uyğun müvafiq tədbirlər görüləcək.

– Komandanın qış toplanışı ilə bağlı hansısa plan hazırlanıb? Hazırlıq prosesi ölkədə, yoxsa əvvəlki illərdə olduğu kimi, xaricdə gerçəkləşdiriləcək?

– Artıq bu gün bəlli oldu ki, qış fasiləsi həmişəkindən daha qısa sürəcək. Toplanışla bağlı baş məşqçi ilə müzakirələrdən sonra dəqiq qərar verəcəyik.

– Bu mövsüm üçün komandanın qarşısında duran başlıca vəzifə nədən ibarətdir?

– Təbii ki, avrokuboklara düşsək, bizim üçün ciddi uğur sayılacaq. Bununla yanaşı, yeni futbolçuları üzə çıxarmaq əsas vəzifələrimizdən biri kimi qalır.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail