“Neftçi”də daha bir qalmaqal: Elnur Məmmədov futbolçunu yollayıb, 3 aylıq maaşını vermədi

14.07.2015 | 3722 dəfə oxunub

Mirkamil Həşimlinin “Neftçi”dən ayrılması barədə xəbər vermişdik. Stadium.az xəbər verir ki, gənc oyunçu “flaqman”dan ayrılaraq “Zirə”yə keçib.

İş ondadır ki, Mirkamil “Neftçi”dən öz xoşuyla ayrılmayıb. Belə ki, “Neftçi”nin yetirməsi olan Həşimlisonradan transfer olunduğu “Fənərbaxça”dan ölkəmizə qayıdan zaman klubun o vaxtkı prezidenti Sadıq Sadıqovun şəxsi istəyiylə “Neftçi”yə qayıtmışdı. O zaman məhz Sadıqovun istəyini yerə salmayan  Mirkamil AZAL və “Sumqayıt”a yox demişdi. “Neftçi”yə transfer olunan Həşimli klubla 5 illik müqavilə imzalamışdı.

“Mirkamil əvəzedici heyət futbolçusu deyil. O, “Fənərbaxça” kimi böyük məktəb keçib. Mən Mirkamili əsas heyətdə görürəm, onu əsas heyət üzvü kimi meydana buraxacam”. Bu sözlər isə “Neftçi”nin o zamankı baş məşqçisi Böyükağa Hacıyevə məxsus idi. Ancaq Hacıyev komandadan göndərildi və yrinə Arif Əsədov gətirildi. Arif Əsədov isə peşəkarlığa sığmayan addım ataraq, U-19-un baş məşqçisi işlədiyi zaman Mirkamilə olan kinini “Neftçi”də də davam etdirdi. “Neftçi”də nəinki bir oyunda, heç cəmi bir dəqiqə də oynamağa şans verilməyən Mirkamilə arşı bu hərəkət ancaq şəxsi kinin, kişiyə yaraşmayan bu hərəkətin nəticəsi ola bilərdi.

Əvvəl Sadıq Sadıqov, sonra isə Arif Əsəsdov “Neftçi”dən getdi. Gözləmək olardı ki, komandaya yeni baş məşqçi gələn Samir Əliyev Mirkamilə şans verəcək. Ancaq “Neftçi”nin oyuncaq – maket Müşahidə Şurasını baş barmağına keçirərək fırladan klubun icraçı direktoru Elnur Məmmədov Həşimlini də Sadıq Sadıqovun adaml kimi qiymətləndirərək komandadan göndərdi. Klubla daha 4 illik müqaviləsi olan Mirkamil Həşimlinin bu sözləşməsi birtərəfli olaraq ləğv edildi. Futbolçu klubda görülmədiyindən müqaviləyə xitam verilməsinə etiraz etmədi. Yəni, “məni istəmirsizsə, mən sizi dünəndə istəmirəm” prinsipinə əməl edən gənc futbolçu komandadan ayrıldı. Bu zaman isə 4 ay aylıq maaşını klubdan ala bilməyən Mirakilin əmək haqqısı kəsilib. Belə ki, Mirkamil transfer vərəqəsini klubdan aldığı zaman ona 4 ayın yox, yalnız bir ayın əmək haqqısı verilib.

Maraqlıdır, gecə gündüz düzgünlükdən xoruzquyruğu qaynar çay kimi dəm-dəm vuran “Neftçi”nin Müşahidə Şurasının sədri Çingiz Abdullayevin bundan xəbəri var? Yoxsa Abdullayev Məmmədovla əlbir olaraq Mirkamilin 3 aylıq maaşını 50-50-yə bölüblər?

QEYD: “Neftçi” tərəfinin də bu məsələyə münasibətini işıqlandırmağa hazırıq. Bir şərtlə ki, futbolçuya borclarının olmadığını deməsinlər. Aydınlıq gətirsinlər ki, niyə gənc futbolçunun 3 aylıq pulunu kəsiblər?!

Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

24.11.2017

23.11.2017

02:13  PSJ - “Seltik” - 7:1 VİDEO

22.11.2017

20:08  "Qarabağ" - "Çelsi" - HEYƏTLƏR

02:37  APOEL - “Real” - 0:6 VİDEO

21.11.2017

   
  O Q H M T-f X
1. Qarabağ 10 8 1 1 17:4 25  
2. Zirə 11 7 3 1 19-8 24  
3. Qəbələ 11 7 1 3 16:11 22  
4. Sumqayıt 11 5 1 5 14:15 16  
5. Neftçi 11 4 1 6 12-11 13  
6. Səbail 10 3 0 7 6-16 9  
7. Keşlə 11 2 2 7 8:17 8  
8. Kəpəz 11 2 1 8 7-17 7  
15.10Səbail ---Neftçi
14.10Sumqayıt 0-1Qəbələ
14.10Zirə 3-0Kəpəz
13.10Keşlə 0-2Qarabağ
20.10Səbail -Keşlə
21.10Sumqayıt -Zirə
21.10Kəpəz -Neftçi
22.10Qəbələ -Qarabağ