Milan Duriç: "İlk olaraq, o, məni təxribata çəkdi"

08.11.2017 | 1899 dəfə oxunub

“Zirə”nin yarımmüdafiəçisi Milan Duriç Qol.az saytına müsahibə verib. Stadium.az xəbər verir ki, serbiyalı futbolçu əvvəlcə Topaz Premyer Liqanın XI turunda “Neftçi” üzərində 1:0 hesabı ilə qalib gəldikləri oyun haqda fikirlərini açıqlayıb.


- Çox yaxşı oynadıq və vacib 3 xal qazandıq. Sevindirici haldır ki, yaxşı nəticələrlə yolumuza davam edirik.


- Birinci dövrədə olduğu kimi yenə “Neftçi” “Zirə” əngəlilini aşa bilmədi...

- Bəli, bu mövsüm artıq 2 dəfə “Neftçi”ni məğlub etmişik. Həm səfərdə, həm də evdə qələbə qazanmışıq. Hələ ötən mövsümdə də bu komanda oyunlarda qalib gəlirdik. Ümumilikdə, son 5-6 oyundur ki, “Neftçi” “Zirə”yə uduzur.


- Oyundan sonra “Neftçi” baş məşqçisi və bəzi futbolçuları “Zirə”ni antifutbol sərgiləməkdə, müdafiəyə çəkilib, rəqibə oynamaq imkanı verməməkdə günahlandırdılar. Bu fikirlərlə razısan?

- (Gülür) “Zirə” necə antifutbol oynayır ki, çempionatda 11 oyuna hamıdan çox - 19 qol vurub. Hər oyuna təxminən 2 qol düşür. Əgər bu antifutboldursa, daha sözüm yoxdu. Hətta “Neftçi” ilə oyunda hakim mənim təmiz qolumu saymadı. Halbuki rəqib futbolçudan 2 metr geridə idim. Orada oyundankənar vəziyyət yox idi. Ofsayd olduğunu heç kim görmədi, təkcə laysmandan başqa. Bu biabırçı səhvə görə çox əsəbiyəm.


- “Neftçi”nin müdafiəçisi Kiril Petrov səni təxribatçılıqda günahlandırıb və buna görə də oyundan sonra səninlə əl verib görüşmədiyini bildirib...

- İlk olaraq, o, məni təxribata çəkdi. Stadiondakı hər kəs də bunu gördü. Mən onları başa düşürəm. Uduzublar, bilmirlər nə etsinlər. Çox əsəbi idilər. Futbolda hər zaman belə şeylər baş verir. Oyundan sonra Petrova əl uzatdım və bunun sadəcə bir oyun olduğunu izah etməyə çalışdım. İstədim ona deyim ki, oyun vaxtı hamımız əsəbi oluruq. Meydandan kənarda dostuq. O isə əvəzində məni itələdi.


- Maraqlıdı ki, “Qəbələ” ilə oyundan sonra da rəqib komandanın kapitanı Cavid Hüseynov qırmızı vərəqə gördüyü epizodda sənin özünü yalandan yerə atdığını söyləmişdi...

- Yenə gülürəm, çünki bütün Azərbaycan Cavidin məni vurduğunu gördü. Orada simulyasiyadan söhbət gedə bilməz. Cavidin 18 yaşı yoxdur ki, onu təxribata çəkəm. Təcrübəli futbolçudur. Özü də “Qəbələ” kimi komandanın kapitanıdır. Bu cür sözləri ona yaraşdırmıram. Belə şeylər gənc futbolçular üçün pis nümunədir. Bəzi adamlar var ki, mənim meydandakı çıxışımla bağlı statistika hazırlayırlar. Şadam, fəxr edirəm ki, komandamın qazandığı 7 qələbənin 5-də yaxından iştirak etmişəm. Statistika mənim meydanda nə işlə məşğul olduğumu göstərir.


- Artıq 1 ildən çoxdur Azərbaycandasan. Ölkəmiz, paytaxtımız haqda hansı fikirdəsən?

- Azərbaycan çox yaxşı ölkədir. Bakını isə xüsusi vurğulamaq istəyirəm. Paytaxtınız çox gözəldir. Mən bu şəhəri sevirəm.


- Buradakı yaşayış tərzinə uyğunlaşa bilmisən?

-  Əlbəttə. Bununla bağlı heç bir problem yoxdur. Həyat yoldaşım və oğlum da mənimlə Bakıda yaşayır. Ailəm yanımda olduqdan sonra hər şey yolunda gedir. Hər zaman birlikdəyik. Yoldaşım bizim üçün öz yeməklərimizdən hazırlayır. Vaxtımız olanda isə restorana getməyi xoşlayırıq.


- Yəqin ki, Azərbaycan mətbəxi ilə də tanışsan. Ən çox hansı yeməyimizi xoşlayırsan?

- Bəli, arada sizin yeməklərdən də yeyirik. Quzu ətini çox sevirik.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
"Qarabağ" uduzdu - Yenilənib
Son xəbərlər

26.09.2018

13:14  Cüdoçularımız yarımfinalda - YENİLƏNİR

13:13  Günün oyunlarına necə baxaq? - TV AFİŞA

11:52  "Zirə" "Qarabağ"a qarşı - YENİLƏNİR

09:10  "Bavariya" büdrədi - VİDEO

25.09.2018

21:53  Hakimi döydülər VİDEO

20:18  "Real"da ciddi itki - 1 ay oynamayacaq

18:51  V tur hakim təyinatları - Birinci divizion

18:19  "Keşlə"dən "Sabah"a - Rəsmi

13:39  VI turun təyinatları - Premyer Liqamız

13:01  İK-a 5-ci turun cəzalarını açıqladı - Premyer Liqamız

11:12  Elmardan qələbə, Kotsoyev uduzdu - Dünya çempionatı

10:42  İlin rəmzi 11-liyi - Foto

24.09.2018

19:56  Daha bir cüdoçumuz medalsız qaldı - Dünya çempionatı

16:04  6-cı turun oyun saatları - Premyer Liqamız

14:55  V turun oyun cədvəli - Birinci Divizion

11:15  "Arsenal"ın qələbəsi VİDEO

23.09.2018

23:00  "Milli futbolçu belə etməməlidir" - Qurban Qurbanov

21:36  "Daha yaxşı oynaya bilərik" - Nazim Suleymanov

20:02  "Qarabağ" - "Qəbələ" -HEYƏTLƏR

18:13  "Keşlə" - "Sumqayıt" - Heyətlər

13:37  "Ronaldodan asılı deyilik" - Alleqri

02:35  "Səbail" - "Sabah" - Geniş icmal VİDEO

22.09.2018

23:08  "Qovulmasam bəlkə də uduzmazdıq" - Samir Abasov

22:43  "Getdikcə daha da artırmalıyıq" - Aftandil Hacıyev

   
  O Q H M T-f X
1. Qarabağ 3 2 1 0 4-1 7  
2. Neftçi 3 2 1 0 5-2 7  
3. Sabah 3 2 0 1 4-4 6  
4. Qəbələ 3 1 1 1 5-3 4  
5. Sumqayıt 4 1 1 2 5-5 4  
6. Səbail 3 1 0 2 2-6 3  
7. Zirə 2 0 1 1 2-4 1  
8. Keşlə 3 0 1 2 3-5 1  
26.08Keşlə 1-2Səbail
26.08Qarabağ 1-1Neftçi
25.08Zirə 0-2Sabah
25.08Qəbələ 1-1Sumqayıt
15.08Səbail -Zirə
15.08Sumqayıt -Qarabağ
16.08Sabah -Qəbələ
16.08Neftçi -Keşlə