Dünya Çempionatında Putinin qonağı olacaq siyasətçilər - FOTOLAR
Rusiya prezidenti Vladimir Putin iyunun 13-dən başlayaraq Dünya Çempionatına gələcək qonaqları qarşılayacaq.
Artıq məlumdur ki, dünyanın ən önəmli idman hadisəsinə Böyük Britaniya hökuməti və kral ailəsi, o cümlədən İngiltərə Futbol Assosiyasının rəhbəri Şahzadə Uilyam da qatılamayacaq. Onlar “Skripal işi” ilə bağlı yaranmış qalmaqala görə, boykot qərarı veriblər.
Böyük Britaniya ilə həmrəylik əlaməti olaraq, İslandiya hökuməti də Rusiyaya gəlməyəcək.
Digər Avropa hökumətlərinin üzvləri isə Rusiyaya gələcəklər. Məsələn, Belçika xarici işlər naziri Didye Reynders Belçika-Tunis matçını izləyənlər sırasında olacaq. Kral Filipin də matça gələnlər arasında olacağı gözlənilir.
Dünya Çempionatını izləyəcək şəxslər arasında MDB və Cənubi Amerika liderləri də olacaq. Cənubi Koreya lideri Mun Çje İn oyun günləri Moskvada rəsmi səfərdə olacaq və millisinin oyunlarını da ziyarət edəcək. Seneqal lideri isə futbol hadisəsinə görə, 12 günlük məzuniyyət götürüb.
Dünya Çempionatı-2018-ə gələcək dünya liderlərinin adlarını təqdim edir.
Şimali Koreya Ali Xalq Məclisinin Rəyatə Heyətinin sədri Kim Ön Nam
Futbol üzrə Şimali Koreya millisi 2 dəfə - 1996-cı il və 2010-cu ildə Dünya Çempionatında iştirak edib. Budəfəki turnirdə Şimali Koreya yığması təmsil olunmasa da, rəsmi Pxenyan ölkənin ikinci şəxsi Kim Ön Namın Moskvaya açılış mərasiminə gələcəyini açıqlayıb. O, Sinqapurda Donald Tramp və Kim Çen In arasındakı tarixi görüşdən 1 gün sonra Rusiyaya gələcək.
BMT Baş katibi Antoniu Quterreş
BMT Baş katibi Moskvada Putinlə danışıqlar aparmaq üçün gələcək. BMT-dən verilən açıqlamaya görə, Quterreş iyunun 20-də “Lujniki” stadionunda baş tutacaq Portuqaliya-Mərakeş matçına təşrif buyuracaq. Bu qərar BMT rəhbərinin miliyyətcə portuqal olması ilə əlaqələndirilir.
Livanın baş naziri Saad Həriri
Livanın baş nazir kimi yenidən təsdiqlənən hökumət rəhbəri Saad Həriri də Rusiyaya səfər edəcək. İyunun 13-də onu Putin şəxsən qəbul edəcək.
Ruanda prezidenti Pol Kaqame
Ruanda millisi Dünya Çempionatında iştirak etmir. Amma iyunun 13-də Ruanda lideri Pol Kaqame Moskvaya səfər edəcək və çempionatın açılış matçı olan Rusiya-Səudiyyə Ərəbistanı oyununu izləyəcək.
Cənubi Koreya prezidenti Mun Çje İn
Cənubi Koreya lideri Dünya Çempionatının davam edəcəyi 21-23 iyunda Rusiyada olacaq. Cənubi Koreya lideri Tram-Kim Çen In görüşü barədə Putinə məlumat verəcək. O həmçinin, Dövlət Dumasında çıxış da edəcək. Mun Çje İn səfərini Rostov-na-Donu şəhərində Koreya-Meksika matçını seyr etməklə yekunlaşdıracaq.
Fransanın İdman naziri Lora Flessel-Kolovits
Rusiyaya səfər edəcək Fransanın idman naziri qılıncoynatma üzrə keçmişdə 2 dəfə Olimpiya çempionu adını qazanıb. Prezident Emmanuel Makron isə yığma komanda yarımfinala qədər irəliləsə, şəxsən matça gələcəyini söz verib.
Braziliya prezidenti Mişel Temer
Braziliya prezidenti Mişel Temer Rusiyada Dünya Çempionatını izləmək barədə təklifi qəbul etsə də, onun hansı matça baxacağı bildirilmir. Onunla yanaşı, iyunun 14-20-si tarixlərində idman naziri Leandro Krus Froez və 23-30 iyun tarixlərində turizm naziri Vinisius Rene Lummertsin də Rusiyada olacağı bildirilir.
Argentina prezidenti
Argentina prezidenti Maurisio Makri də turniuri izləməyə gələcəyini elan etsə də, sonradan səfəri ləğv etməyə məcbur olmuşdu. Yığması Dünya Çempionatına qatılmayan Boliviya prezidenti Eva Morales də Kreml tərəfindən qonaq kimi dəvət olunub.
Yaponiya şahzadəsi Takamodo
İyunun 18-i 26-sı aralığında Yaponiya Futbol Federasiyasının fəxri prezidenti şahzadə Takamodo da Rusiyayada olacaq. Eyni zamanda, Yaponiya hökumətinin bir sıra üzvləri də yığmanın oyunlarını izləmək üçün turnirin keçiriləcəyi şəhərlərə baş çəkəcək.
Avstriyanın vitse-kansleri Haynts-Kristian Ştraxe
Rusiyaya rəsmi səfər edənələr arasında Avstriya Azadlıq Partiyasını rəhbərlərindən olan vitse-kansler Ştraxe də olacaq. O, Rusiyaya tez-tez səfər edir və bu yaxınlarda partiyası ilə “Vahid Rusiya” partiyası arasında əməkdaşlıq sazişi imzalamışdı.
Səudiyyə Ərəbistanın vəliəhdi Məhəmməd ben Salman Əl Saud
Səudiyyə Ərbistanı taxtının varisi iyunun 14-də Rusiya ilə Səudiyyə Ərəbistanı arasında keçiriləck açılış matçına gələcək. Bundan əvvəl, o ötən ilin mayında Rusiyaya səfər etmişdi.
Almaniya kansleri Angela Merkel və daxili işlər naziri Xorst Zeehofer
Dünya Çempionatının heç bir açılış mərasimini bu vaxta qədər qaçırmayan Merkelin Rusiya səfəri tam dəqiq deyil. Avropa parlamentinin 59 deputatı açıqlama yayaraq, “Skripal işi” ilə əlaqədar olaraq heç bir avropalı siyasətçinin Moskvaya səfər etməməsinə çağırış edib.
Moldova prezidenti İqor Dodon
2014-cü il Soçi Olimpiadasında olduğu kimi, 2018-ci il Dünya Çempionatına da bütün MDB liderləri dəvət alıb. Moldova lideri İqor Dodon, Qazaxıstan prezidenti Nursultan Nazarbayev və Ermənistanın baş naziri Nikol Paşinyan səfər edəcəklərini təsdiqləyiblər.
Seneqal prezidenti
Seneqal prezidenti Maki Sal sırf çempionatı izləmək üçün 12 günlük məzuniyyət götürüb. Seneqal yığmasının ilk matçı iyunun 19-da Polşaya qarşı keçiriləcək. İyunun 24-də komanda Yekaterinburqda Yaponiya, iyunun 28-də isə Samarada Kolumbiya millisi ilə qarşılaşacaq.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |