Ramil Şeydayev: "Trabzonspor"da qalıb-qalmayacağım toplanışdan sonra bilinəcək" - MÜSAHİBƏ

13.07.2018 | 902 dəfə oxunub

Mövsümün sonunda "Qarabağ"dan ayrılıb müqavilə ilə məxsus olduğu "Trabzonspor" klubuna qayıdan Ramil Şeydayev in müsahibəsini təqdim edirik:

- Transfer danışıqları aparmaq üçün "Trabzonspor"dan ayrılsan da, sonra yenidən bu komandanın toplanışına qatıldın. "Mattersburq"a keçidin niyə alınmadı?

- Əslində "Mattersburq" elə də ciddi variant deyildi. Hətta deyərdim ki, bu, yalnız söz-söhbətdən ibarət idi.

- Ancaq mətbuatda yazılmışdı ki, məhz bu klubla danışıq aparmaq üçün "Trabzonspor"un baş məşqçisi Ünal Karamandan icazə almısan. Hətta Avstriya klubunun rəsmiləri də bunu təsdiqləmişdilər...

- Yox, belə deyil. Yenə deyirəm, bunlar sadəcə şayiə idi. Kimlərsə yaymışdı. (qol.az)

- Artıq bir neçə gündür "Trabzonspor"un Sloveniyada davam edən təlim-məşq toplanışında iştirak edirsən. Hazırlıq necə gedir? Komandaya uyğunlaşa bilirsən?

- Hər şey normaldır. Gündəlik məşqlərimizi edirik. Çatışmayan cəhətlərimizin üzərində işləyirik. Uyğunlaşma ilə bağlı da hər hansı problem yoxdur.

- "Trabzonspor"da qalacaqsan, yoxsa özünə başqa klub axtarırsan?

- Bu barədə hələlik heç nə deyə bilmərəm. Çünki ortada dəqiq bir şey yoxdur. Nəyin necə olacağını zaman göstərəcək.

- Baş məşqçi ilə bu barədə söhbətiniz olub? Necə düşünürsən, səni yeni mövsümdə öz komandasında görürmü?

- Bayaq da dediyim kimi, bu məsələyə hələ aydınlıq gəlməyib. "Trabzonspor"da qalıb-qalmayacağım toplanışdan sonra bilinəcək. Hələlik isə yalnız hazırlıq barədə düşünürəm.

- Mövsümün sonunda "Qarabağ"dan ayrılıb "Trabzonspor"a qayıdanda komandada səni necə qarşıladılar?

- Hamı məni çox yaxşı qarşıladı. Hazırda da düşərgədə yaxşı ab-hava hökm sürür. Hər şey əladır.

- "Qarabağ" 2 gün öncə Çempionlar Liqasının birinci təsnifat mərhələsində Sloveniyada "Olimpiya" ilə qarşılaşdı. Komandanız da bu ölkədə təlim-məşq toplanışı keçir. Maraqlıdır, oyunu canlı izləyə bildinmi?

- Xeyr, müəyyən səbəblərdən gedib oyuna baxa bilmədim.

- "Qarabağ" səfərdə vacib qələbə qazanaraq, cavab oyunu öncəsi üstünlük əldə etdi. Səncə, sabiq komandan Bakıdakı görüşdə bu üstünlüyü qoruya biləcək?

- "Qarabağ"ın "Olimpiya" ilə oyununu izləyə bilmədiyim üçün bu barədə heç nə deyə bilmərəm. Amma onlara uğurlar arzu edirəm. Ümid edirəm ki, Çempionlar Liqasında ötənilki uğuru təkrarlayacaqlar.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

17.02.2019

17:25  "Real" - "Jirona" 1:2 VİDEO

17:02  "Qarabağ" - "Qəbələ" - START HEYƏTLƏR

14:14  "Səbail" - "Sabah" -HEYƏTLƏR

16.02.2019

16:49  "Zirə" - "Neftçi" -HEYƏTLƏR

15:20  "Qarabağ"ın son məşqindən - FOTOLAR

14:26  "Keşlə" - "Sumqayıt" - HEYƏTLƏR

11:43  Günün oyunlarına necə baxaq? - TV AFİŞA

15.02.2019

10:32  Azərbaycan yerində qaldı - UEFA reytinq cədvəli

14.02.2019

01:55  "Ayaks" - "Real" - 1:2 VİDEO

13.02.2019

   
  O Q H M T-f X
1. Neftçi 10 8 1 1 20-7 25  
2. Qarabağ 10 6 2 2 17-11 20  
3. Səbail 10 5 2 3 12-11 17  
4. Sabah 10 5 1 4 9-11 16  
5. Qəbələ 10 3 3 4 14-14 12  
6. Sumqayıt 10 3 2 5 10-13 11  
7. Keşlə 10 1 3 6 8-14 6  
8. Zirə 10 1 2 7 7-16 5  
11.11Sumqayıt ---Keşlə
11.11Qəbələ ---Qarabağ
10.11Səbail ---Sabah
10.11Neftçi ---Zirə
24.11Qarabağ -Sabah
24.11Keşlə -Qəbələ
25.11Zirə -Sumqayıt
25.11Səbail -Neftçi