"Ukraynaya ümidlə gedirik" - Qurban Qurbanov

06.11.2018 | 203 dəfə oxunub

"Qarabağ”ın baş məşqçisi Qurban Qurbanov Avropa Liqasının qrup mərhələsinin IV turunun “Vorskla” ilə Ukraynadakı oyununa yollanmazdan əvvəl hava limanında jurnalistlərin suallarını cavablandırıb. 46 yaşlı mütəxəssis qarşıdakı oyun barədə danışıb.

- Komanda Ukraynaya yollanır. Kollektivdə hazırkı vəziyyət necədir?

- Komandanın ümumi vəziyyəti pis deyil. "Sumqayıt"la oyundan sonra futbolçulara iki gün tam istirahət verdik. Onların çoxdan buna ehtiyacları var idi. Amma bu gün məşqimiz oldu. Çalışdıq ki, çox nüanslara toxunaq. Daha çox nələrə hazır olmalıyıq. Belə bir məşqimiz oldu. Amma ümidimiz böyükdür. Bu gün də şahidi oldum ki, futbolçular həddindən artıq istəklidirlər. Bakıda məğlub olduğumuz görüşdən sonra mətbuat konfransında qeyd eləmişdim ki, hamımız üzgünük. Amma xeyli vaxt keçdi. Bu gün hiss edirəm ki, oyunçular daha yaxşı hazırlıqlıdırlar. Ukraynaya ümidlə gedirik. Düşünürəm ki, futbolçular gözəl oyun və yaxşı nəticə üçün maksimum çalışacaqlar


- Bakıda şanssız şəkildə məğlub oldunuz. Rəqib ancaq müdafiə olunurdu. Sizin fikrinizcə, Ukraynada rəqib necə oynayacaq. "Vorskla" hücum futbolu sərgiləsə, "Qarabağ" buna hazırdırmı?

- Rəqibin oyun prinsipi əks hücumlardan oynamaqdır. Bunu çox düzgün yerinə yetirirlər. Biz ilk növbədə buna hazırlıqlı olmalıyıq. Amma onların çempionatdakı ev oyunlarını da izləmişik. Oyunun əvvəllərində pressinq etməyi xoşlayırlar. Daha çox meydanın rəqibə aid olan hissəsində oynamaq istəyirlər. Bütün bunlara hazır olacağıq. Amma biz rəqibi müdafiədən oynamağa məcbur etsək, düşünürəm ki, həmin an oyunu müdafiədən quracaqlar. Bizə daha yaxşı nəticə lazımdır. Biz görüşdə daha çox hücum edən tərəf olmalıyıq. - Komandadakı itkilər barədə nə deyə bilərsiniz?

- Komandanın heyətində ciddi problem yoxdur. Sadəcə Ansi Aqolli komanda ilə tam məşqlər etməyib. O, bu gün isinmə hərəkətlərində komanda ilə birgə idi.

- İtirəcəyi bir şeyi olmayan komanda daha təhlükəli olur. "Qarabağ"ın itirəcəyi nəsə varmı?

- Biz oyunlarda çox xal itirdik. Hələ qarşıda itiriləsi çox şey var. Amma biz buna hazır olmalıyıq. Ola bilər ki, rəqib daha da istəkli olsun. Çünki onlar qələbə qazanacağı təqdirdə 6 xalları olacaq. Ola bilər ki, "Sportinq"lə xalları bərabər olsun. Amma biz yenə də bu matçı düşünürük. Rəqibin heç bir fikri və düşüncəsi bizi maraqlandırmır. Sadəcə, biz daha da yaxşı oynayıb, yaxşı nəticə əldə etmək üçün səfərə yollanırıq.

- "Qarabağ" ikili oyunların ikincisində daha yaxşı nəticə göstərir. Buna görə səfərdəki matçda xal və xallar qazanmağa ümid etmək olarmı?

- Ukrayna futbolu fərqlidir. Bu komandalar müdafiə olunmaqdan yorulmurlar. Nəticəyə oynamağı bacarırlar. Bizim üçün asan olmayacaq. Mən özüm də dəfələrlə qeyd etmişəm ki, ikinci oyunda rəqibi daha yaxşı tanıyırıq. Canlı görürük. Ola bilər ki, bu amil bizə kömək etsin. Amma nəzərə almalıyıq ki, səfərdə oynayırıq və burada azarkeş amili də var. Biz rəqibimizi səhvlərə məcbur etməliyik ki, bu səhvlərdən istifadə eləyək



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
"Qarabağ" hələ də Poltavadadır - Bakıya dönüş yubanır
Son xəbərlər

14.11.2018

16:18  Ayxan Abbasov "Sumqayıt"da - Rəsmi

13.11.2018

12.11.2018

13:29  "Monako" - PSJ - 0:4 VİDEO

11:54  "Selta"- "Real" - 2:4 VİDEO

11.11.2018

22:46  "Sumqayıt" - "Keşlə" - GENİŞ İCMAL VİDEO

22:15  "Qarabağ"ın qələbəsi - GENİŞ İCMAL VİDEO

20:15  "Qısaca, "Qarabağ" bizdən güclüdür" - Sənan Qurbanov

19:12  "Sumqayıt" - "Keşlə" -HEYƏTLƏR

17:09  "Qəbələ" - "Qarabağ" -HEYƏTLƏR

13:20  "Qəbələ" - "Qarabağ" - 49-cu duelə doğru

   
  O Q H M T-f X
1. Neftçi 10 8 1 1 20-7 25  
2. Qarabağ 10 6 2 2 17-11 20  
3. Səbail 10 5 2 3 12-11 17  
4. Sabah 10 5 1 4 9-11 16  
5. Qəbələ 10 3 3 4 14-14 12  
6. Sumqayıt 10 3 2 5 10-13 11  
7. Keşlə 10 1 3 6 8-14 6  
8. Zirə 10 1 2 7 7-16 5  
11.11Sumqayıt ---Keşlə
11.11Qəbələ ---Qarabağ
10.11Səbail ---Sabah
10.11Neftçi ---Zirə
24.11Qarabağ -Sabah
24.11Keşlə -Qəbələ
25.11Zirə -Sumqayıt
25.11Səbail -Neftçi